|
شمال تركيا السلام عليكم ورحمة الله وبركاته اخواتي اخواني الله يسلمكم سفر لأول مره مع العائلة 6 اشخاص وطفلين تم الحجز من الرياض على اسطنبول أتاتورك 12 اغسطس والعوده من اسنطبول للرياض 24 اغسطس مع ان المفروض احجز الذهاب الى شمال التركي لعلي حستها شوي:14: وصولنا الساعه 4 مساء وبيكون طيارتنا الى الشمال التركي نفس اليوم الساعه 9 مساء مانطلع من المطار هل هذا قرار صحيح ؟ 12 الى 20 بكون في الشمال التركي 20 الرجوع الى اسطنبول 1- هل نستأجر سياره او افضل سواق ؟ 2- محتاره بتقسيم المبيت وين الافضل في اوزنجول طرابزون ايدر وشرايكم كيف اقسمها ؟ ونصائحكم افضل الشقق ويارب اني ماطولت عليكم |
اهلا بك احتمال تقصدي مطار IST لأن مطار اتاتورك تقفل بعام 2019 حاولي تتأكدي لأن فيه مطارين باسطنبول وإذا رحلتكم على الخطوط السعودية .. فمطار IST الفارق بين الرحلتين مناسب اقضوا الوقت ما بين تمشية وعشاء حتماً ما يحتاج تطلعوا من صالات المطار استئجار السيارة خيار جميل إذا معكم رجال ومستعد فهو الأفضل وإذا ما يحب القيادة فالخيار الثاني مع سواق خلي القرار الأخير لمن سيقوم بالقيادة هو يختار اختيار الشقق فيه بديلين الأول الدخول على بوكينق الثاني عن طريق تطبيق قوقل ماب افتحي قوقل ماب واكتبي طرابزون إذا طلعت منطقة طرابزون اكتبي apart بيطلع لك شقق كثير وفيها أرقام تواصل ( واتساب ) هذا المقترح توزيع الأيام 2 طرابزون 2 اوزنجول 1 ايدر 2 طرابزون أقصد بطرابزون ليس المدينة فقط وإنما جميع الأرياف التي حول المدينة بحيث كل يوم تروحوا لمشوار وريف وترجعوا يوم هامسكوي .. يوم دوزكوي .. وكل يوم مكان هكذا البوابة عامرة بالتقارير والأماكن وهذا تقرير فيه ستة أماكن لعلها تساعدك https://www.arabtrvl.com/vb/t52904.html بالتوفيق |
الله يعطيك العافية اخوي نواف ماقصرت على ردك الواضح والكامل صحيح تأكدت صار مطار IST لكن يالغالي بنسبه للسيارات انا عددنا 6 وطفلين في سيارات عائله وكم التكلفه تقريباً اخاف تكون مقاربه لسعر استأجر سياره بسوقها واذا تعرف مكاتب او وين استأجر سياره اكون ممنونه ومقدره |
اهلا بك ما قد تعاملت مع سواقين ولكن بحدود 150 دولار سيارة كبيرة طبعاً السعر شامل الوقود والأفضل سواق مجرب من ناس قبلكم وخيار استئجار سيارة بسواق جيد يمكن بدون سواق أكثر خصوصية لكن أكيد مع سواق أكثر راحة أما تأجير سيارة بدون سواق شوفي موقع رينتال كار أو سيزجي كلها مواقع مضمونة ومجربة بالتوفيق |
نصيحة في حال حجز الفندق عن طريق بوكننج او الفندق مباشرة بلغوهم بموعد وصول الرحلة عشان الزحمة الأن على الفنادق كبيرة وموعد استلام الغرفة في اغلب الفنادق الساعة 2 ظهراُ وانتو حتوصلو الساعة 4 تقريبا الى ما تنتهو من اجراءات المطار حيكون الساعة 5 او 6 مساء . في حال ما بلغتو بموعد وصولكم بعض الفنادق للأسف تأجر الغرفة لأي سائح يحضر في المساء |
اقتباس:
|
اقتباس:
|
اقتباس:
|
حتى لو كنت دافعة المبلغ كامل ممكن ادارة الفندق تتحجج بإنك ما بلغتيهم مباشرة او عن طريق بوكننج بموعد وصولك هذه المشكلة صارت لكثير من السياح العرب. الموضوع ما حيكلفك حاجة ادخلي الى صفحتك في بركننج صفحة الحجز و ضيفي معلومات موعد وصولك للوجهة النهائية في تركيا عشان يقدر بوكننج يساعدك ويوقف معاكي في حال تم تأجير الغرفة لشخص اخر |
| الساعة الآن 11:25 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO