|
معلومة قد تكون مفيدة عندما تحجز بالخطوط السعودية يسمح لك باختيار المقاعد مجاناً وبالطبع تكون في مؤخرة الطائرة وغالباً تبدأ من الرقم 50 وما بعد هذا كان في السابق ولكن الآن كل المقاعد برسوم وأقل سعر يبدأ من 70 ريال تقريباً طيب والحل كيف نتصرف ؟ يعني ندفع ؟ ولا نتشتت كعائلة ؟ سوي اللي بقولك عليه عند الحجز لا تختار مقاعد البوردينق يفتح قبل الرحلة بـ 48 ساعة أيضاً لا تطلع البوردينق في هذا التوقيت لأنه بيكون أيضاً المقاعد برسوم إذا بقي على الرحلة 11 ساعة ادخل واختار المقاعد مجاناً كونوا بالقرب في تحديثات قادمة |
يشرفني أكون أول الحاضرين متابعين بإذن الله رحلتكم الجميلة حفظكم الله في حلكم وترحالكم |
اقتباس:
يسعدني ويشرفني بارك الله فيك |
تحديثات سريعة لا جديد حول الفيزا الشباك فاضي والدفع كاش ما طلعتها لأن القديمة سارية مدة السريان 180 يوم ( دخول متعدد ) تكلفة الباص من مطار IST لاكسراي 136 ليرة للشخص والمدة 50 دقيقة بالمناسبة اكسراي اقرب نقطة للسلطان أحمد الباص يصلح للأفراد والمتمكنين من خط الترام أما عائلة خذ تاكسي من باب المطار لباب الفندق ما أحتاج بوكينق بس جربته لأجل افيدكم اشتغل عادي وسويت حجز وهمي والغيته وبكذا نقدر نقول شغال بدون تطبيق VPN ( تم استدراك وتحديث المعلومة في المشاركة رقم 57 ) نلتقي في تحديثات قادمة |
اقتباس:
|
اقتباس:
كلامك صحيح تصلح لفرد بس حتى عائلة يحاول يرتب نفسه مو شرط كل العائلة جنب بعض لكن أفضل من يبعثر كبار وأطفال بالطيارة عن نفسي مجرد توقع ولا أجزم الأغلببة ما بيحجز مقاعد لأن سعرها عالي آخر الطيارة 70 ريال وتوصل إلى 170 ريال بالمقدمة فكثير ناس بيقول ما بختار وأدفع إذا شحنت الشنط يدبرني موظف الكونتر فانت استبق الأحداث وجرب قبل 11 ساعة يمكن تضبط معك لو بشكل جزئي وممكن تتغير الآلية في الأيام القادمة إن شاء الله ما يكون داخل معنا أحد بالخطوط 🙂 |
في السابق كانت المقاعد على أغلب خطوط الطيران مجانية إلا شركات الطيران الأقتصادي فأختيار المقاعد بمقابل و عند سفر العائلة خصوصاً من معه أطفال أو شباب و بنات ودك يكون جلوسهم مع بعض لتفادي الأحراج بالطائرة عندما تطلب من شخص جلس جوار أبنك أو أبنتك أن يبدل مقعده !!! في الأساس الواحد دافع مبلغ و قدره للتذاكر فما أعتقد أن أضافة مبلغ 100 ريال للمقعد الواحد سيشكل عبئ مالي على الرحلة المهم تجي و تلاقي مقاعدك محجوزة و لا تضايق أحد أو أحد يضايقك هذي وجهة نظري و أطبقها بلا تردد في أي رحلة يكون فيها رسوم على المقاعد لست من محبي المفاجأت أو طلب الفزعة في أخر لحظة |
اقتباس:
أتفق معك أخوي أبو معتز نفس ما عملته في جميع رحلاتي السابقة أدفع للكراسي أثناء الحجز وأنا مطمئن إن جلوسنا سوف يكون جنب بعض |
اقتباس:
كلامك سليم للي يرتب اموره بشكل مثالي ولكن البعض ما حجز مقاعد ورحلته قريبة فيبقى هذا حل جزئي بدل ما يتسرع طبعاً المعلومة أخذتها من مشرف الكاونتر فما حبيت أخفيها .. يمكن أحد محتاجها وبما إنك من محبين سيركجي خلك قريب 😉 بكتب حاجات جديدة ويمكن لحقت عليها برحلتك الأخيرة |
| الساعة الآن 11:53 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO