![]() |
مسافر لتركيا 11 ابريل السلام عليكم ورحمة الله وبركاته كيف حالكم ان شاء الله طيبين مسافر تركيا انا والمدام 11 ابريل لمدة 15 يوم وكيف الاجواء بتكون في 11 ابريل عشان احسب حسابي برد شديد امطار غيوم ثلج الذهاب مطار صبيحة والعودة من صبيحة 11 ابريل اسطنبول الين 13 ابريل بعدين طيران داخلي على طرابزون وأفكر استاجر سيارة وامشي على أوزنجول من 13 ابريل الين 16 تنصحوني استاجر سيارة الطريق ممتع وممتاز ولا كيف ومن وين استاجر هل عن طريق موقع او من المطار بعدين من 16 ابريل الى 20 ابريل في طرابزون أفكر اروح ايدر من الصباح البن العصر وارجع طرابزون بعدين من 20 ارجع طيران داخلي اسطنبول الين 25 وابي جدول منكم وترتيبات ونصائح وهل يحتاج فيزا لسعودي وهل الادوية ممنوعة وشرائح الانترنت هل فيه برنامج اقدر اطلعها منه وش تنصحون اصرف دولارات بعدين اصرف من تركيا ليره على حسب احتياجي وش البطاقة اللي تنصحوني احد فيها فلوس فيزا مسبقة الدفع وهل تقسيم في فترة الصباح الين قبل المغرب الوضع فيه امان لو بتمشى فيه |
اتمنى الرد اللي عنده خلفيه بالموضوع |
اهلا بك بحاول افيدك على النقاط وبإذن الله البقية يفيدونك أكثر الجو في اسطنبول بيكون رائع وتحتاج جاكيت ربيعي وخصوصاً بالليل الجو في الشمال التركي بيكون بارد ما أقول برد قارص ولكن خلك مستعد إذا تحب القيادة فالاستئجار جميل الطرق جميلة ومخدومة وميسرة طبعاً اقصد تستأجر في الشمال التركي أما في اسطنبول زحمة لا تستأجر سيارة تقدر تستأجر سيارة من المطار ولكن إذا بتحسم امورك من بلدك أفضل هذه شركات مجربة وجيدة سيزجي خيار أول ثم جارينتا تقدر تروح من طرابزون لايدر وترجع والأفضل تجلس ليلة هناك طالما ايامك تسمح لا يضيع يومك بالطرق ( ساعتين رايح ومثلها راجع ) الجدول والأماكن موجودة بالتقارير وغالباً أماكن الشمال التركي معروفة يعني معظم التقارير تكرار لنفس الأماكن وهذا تقرير فيه أماكن مغمورة ولكن جميلة https://www.arabtrvl.com/vb/t52904.html السعودي ما عاد يحتاج فيزا وكل الأدوية مسموحه بلا تحديد جورجيا هي اللي تمنع أدوية معينة استخدمت عدة مرات تطبيق airalo تغطيته ممتازة وجربته بمعظم المناطق له شروحات كثير باليوتيوب وفكرته سهلة البطاقة ركز على سفر بلس الراجحي وكذلك بطاقة المسافر من بنك الاستثمار ولابد معك كاش خفيف للصرفيات النثرية ما يحتاج دولار .. خذ ريال وإذا احتجت تحول لليرة شارع الاستقلال بكل الأوقات عادي محد بيتعرض لك طالما ماشي في حالك ولكن ابتعد عن الدهاليز والأزقة في آخر الليل ولا تلتفت لأي عروض .. خلك على المحلات بالشارع بالتوفيق |
اقتباس:
و عليكم السلام و رحمة الله و بركاته بالنسبة لرحلتك في شهر ابريل الجو راح يكون ربيعي و جميل في اسطنبول و لا يحتاج ملابس ثقيلة لكن الافضل يكون معك جاكيت ثقيل لان الجو بالشمال التركي بيكون ابرد من اسطنبول بالنسبة لترتيب الجدول اقترح هذا الترتيب اسطنبول ليلتين من 11 إلى 13 ابريل اوزنجول ليلتين من 13 إلى 15 ايدر ليلتين من 15 إلي 17 طرابزون 3 ليال من 17 إلي 20 اسطنبول 6 ليال من 20 إلى 26 * رشحت لك السكن في ايدر لان المنطقة رائعة و اطلالة الجبل مميزة و الطبيعة هناك مختلفة عن اوزنجول كثيرا و تستحق قضاء بعض الايام بها . اقترح عليك مراجعة اسعار الفنادق قبل حجز التذاكر لان وقت سفرك راح تكون الاسعار مرتفعة خاصة الفترة اللي وقت اجازة غيد الفطر لذا إذا وجدت الاسعار مرتفعة عن ميزانيتك فيمكنك تقليل ايام اسطنبول ليلة او ليلتين و كذلك تقليل ايام طربزون ليلة حتي يمكنك ترتيب الرحلة بميزانية مناسبة و إذا استقر الحال بالنسبة لجدول الرحلة انصحك بحجز الفنادق مبكرا بقدر الامكان بالنسبة للتنقل في طرابزون و اوزنجول اقترح عليك استئجار سيارة من مطار طرابزون و تسليمها وقت المغادرة و يفضل تراجع تقارير الاخوة المثبتة في البوابة التركية فيها تفاصيل عن الجولات السياحية و عن ايجار السيارات و افضل الشركات . ما اظن تحتاج فيزا لدخول تركيا لانك سعودي و ارجو من بقية الاخوة بالخبراء افادتك في هذه النقطة يمكن الاعتماد على بطاقة الراجحي في جميع مدفوعاتك و لكن يفضل يكون معك بعض النقود دولار و تغيرها هناك من الصراف Doviz - تحتاج بطاقة البنك وقت حجز السيارة لانهم ياخذون مبلغ تامين من بطاقة البنك الدولار = 30 ليرة تركية و الريال السعودي = 8 ليرة تركية بالنسبة للادوية غير ممنوعة لكن لا يزيد العدد عن المعقول و اقترح عليك تاخذ قليل من الملابس معك في الحقائب حتي يكون معكم وزن كافي و يمكنك التسوق . ارشح لك السكن في هذه الفنادق : في اسطنبول اول فترة Crown plaza hotel asia istanbul https://www.booking.com/hotel/tr/via...ability_target الفندق بالقرب من مول اوتليت فيا بورت Viaport outlet mall و قريب من مطار صبيحة في اسطنبول اخر ايام الرحلة Mariott hotel istanbul sisli https://www.booking.com/hotel/tr/ist...ability_target في ايدر : https://www.booking.com/hotel/tr/ayd...39&type=total& في طرابزون https://www.booking.com/hotel/tr/nov...al&type=total& تحياتى |
الساعة الآن 12:51 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO