|
أسعار طرابزون مرتفعة ؟ السلام عليكم حجزت لطرابزون بتاريخ ١٨ الى ٢٦ يوليو ادخل الفتره ذي اشوف الاسعار عالية هل ذا طبيعي مع ان باقي شهرين تقريبا على رحلتي ...احجز من الآن او انتظر ؟ وهل البوكينق مضمون حجزه ؟ ووش افضل الفنادق بطرابزون بسعر معقول وبخصوص حجز السيارة احجز من هناك افضل او ما راح احصل ؟ |
و عليكم السلام ورحمة الله وبركاته حجزك خلال الفترة من تاريخ 18 الى 26 يوليو تقع هالفترة في زروة الموسم السياحي بالنسبة للسفر سوى إلى تركيا أو غيرها من الدول السياحة.. نصيحتي لك إذا وجدت سكن مناسب أحجزه و لا تردد لان غيرك كثيرين يبحثون عن سكن و بنفس فترتك … نعم Booking مضمون الحجز منه في تركيا أما افضل الفنادق الحقة بالموقع و ان وجدت ما يناسبك و يتناسب مع ميزانيك اقرأ التعليقات و التقييمات قبل الحجز مثل ما ذكرنا لك الحجز المبكر أفضل من الانتظار إلى الوصول و ما يطبق على السكن ينطبق على السيارات بالتوفيق |
كما اسلف اخي العزيز ابو معتز الحجز المبكر افظل وارخص ونوع من الراحة النفسية لك تذهب وانت مرتاح وتسكن |
اقتباس:
الله يعطيك العافية...لقيت بالموقع هنا يمدحون نوفتيل طرابزون ...الفندق ما يعتبر بعيد عن طرابزون والميدان ؟ وبخصوص السيارة وش افضل نوع لشخصين تصلح للطرق الوعرة شاكر كم |
اهلا بك أؤيد ما ذكره الأخوة هذي مشكلة الشمال في الصيف وزادت المشكلة بعد ما قصرت إجازة الصيف لابد تحسم امورك من بلدك خصوصاً موضوع السكن والسيارة لو مدة سفرك أطول إبدأ من اوردو مدينة جميلة وأسعار تأجير السيارات أرخص آخر مرة نزلت في طرابزون بفندق لطيف ما نقدر نقارنه بالفنادق ذات الصيت ولكن جيد هذا موقعه وحاول تقرأ عنه أكيد في إجازة الصيف يرتفع سعره https://maps.app.goo.gl/rFkwvWdxB2FQGh4G6 نوع السيارة لا تدقق صغيرة اقتصادية ديزل هذا أفضل خيار لشخصين توصل لكل الأماكن السياحية أهم شيء ابتعد عن الطرق الوعرة بالتوفيق |
اقتباس:
الفنادق بعضها خيارات زينه لكن مشكلتها غير قابل للاسترداد |
مثل ما ذكروا الأخوة الأسعار في الصيف ترتفع بشكل كبير أنصحك الحين تحجز الفنادق بإلغاء مجاني حتى تكون في المضمون وإذا قربت السفرة وحصلت فنادق أفضل منها وبسعر أقل احجزها حجز غير مسترد وألغي الحجوزات السابقة وإذا ما حصلت خلاص ما فيه حل إلا تسكن فيها رحلة موفقة وسعيدة بإذن الله |
حجز السيارة اهم من حجز السكن ضروري تحجز الحين والدفع عند الوصل او امكانية الالغاء المجاني |
الاخ الكريم يووسف الاخوة الخبراء ما قصروا بالرد جزاهم الله كل خير بخصوص حجز الفنادق الافضل انك تحجز من الان حتي تضمن توفر الحجز لان كلما اقترب العيد حجوزات الفنادق راح تزيد و السعر راح يرتفع او لا تجد اماكن في الفندق اللي عجبك يمكن ان تعيد ترتيب رحلتك حتي لا تزيد عليكم الميزانية تقضي 4 ليال في طرابزون و 4 ليال في ايدر . ارشح لك نوفوتيل طرابزون فندق جميل و على البحر الاسود باطلالة جميلة و قريب من مول جواهر طرابزون . إذا راح تستاجر سيارة تقدر تروح بسهولة على وسط المدينة ( منطقة ميدان طرابزون ) اقترح عليك السكن في ايدر 4 ليال و ارشح لك هذا الفندق https://www.booking.com/hotel/tr/kac...=total;ucfs=1& تقدر من طرابزون تزور يوم اوزنجول و تقدر تزور hamsikoy و مرتفعات دير صوميلا . تقدر تحجز السيارة من مواقع حجز السيارات و عندك شركة Garenta https://www.garenta.com.tr/en/trabzo...8aAq6cEALw_wcB بالنسبة للسيارات المستاجرة عندهم Dacia Duster تصلح للمرتفعات و إذا ما اتوفرت اختار اللي متاح من موقعهم راح يكون السعر افضل من انك تنتظر الوصول للمطار و الوقوع فريسة الاستغلال . تحياتى |
اقتباس:
اشكركم جممميعا يا اجمل منتدى |
| الساعة الآن 08:13 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO