|
مقترحاتكم لرحلة لتركيا في بداية اغسطس السلام عليكم ورحمة الله احبائنا في المنتدى الرائع والجميل فضلا لا نستغنى من شورتكم ناوي بإذن الله لرحلة لتركيا أواخر يوليو وبداية أغسطس لمدة 12 يوم لتركيا عائلة زوجين وطفلين وش نصائحكم لتقسيم الوقت بين إسطنبول والشمال التركي وهل الأفضل اكثر الوقت يكون بالشمال ؟ واماكن الزيارات الالعاب في اسطنبول شاكر ومقدر اهتمامكم مقدماً |
اهلا بك أقترح هذه الخطة إذا رحلتك مو مباشرة للشمال التركي 2 يوم اسطنبول ثم 7 أيام الشمال التركي ثم 3 أيام في اسطنبول إذا رحلتك مباشرة للشمال التركي 7 أيام الشمال التركي ثم باقي المدة في اسطنبول أقترح توزيع الشمال التركي 4 أيام طرابزون وما حولها 2 يومين اوزنجول 1 يوم آيدر هذه خطة عامة مقترحة ولو جات خطط أخرى فهذا لصالحك بحيث يكون عندك بدائل متنوعة وتثري خطتك باقي طلباتك التفصيلية تجدها في التقارير بالتوفيق |
اقتباس:
و عليكم السلام و رحمة الله و بركاته بالنسبة لمخطط الرحلة انصحك تقسم ايام الرحلة 5 ليال في الشمال التركي ( 3 ليال ايدر / 2 ليليتن طرابزون ) 6 ليال في اسطنبول اقترح تحجز طيران داخلي من اسطنبول لطرابزون على خطوط طيران بيجاسوس تتحرك من المطار الاسيوي باسطنبول مطار صبيحة المطار صغير و سهل التنقل فيه هذا رابط الخطوط www.flypgs.com بالنسبة لجولة الشمال التركي : تستاجر من مطار طرابزون سيارة و تطلع على منطقة ايدر تسكن فيها و بعدها بطريق العودة تمر على اوزنجول تزورها و تسكن ليلتين في طرابزون عندك المولات فيها اماكن لالعاب الاطفال مول فورم طرابزون forum Trabzon و مول جواهر طرابزون cevahir mall trabzon . بالنسبة لاسطنبول : عندك مول الجواهر cevahir mall istanbul فيه العاب للاطفال عندك مول فورم اسطنبول بداخل المول Legoland ليجولاند و اكواريوم للاسماك عندك فيا بورت توزلا مارينا Viaport tuzla Marina - موجود بالجانب الاسيوي فيه العاب للاطفال Viaport outlet Mall اقترح هذه الفنادق في ايدر https://www.booking.com/hotel/tr/kac...s=1&#hotelTmpl في طرابزون https://www.booking.com/hotel/tr/nov...al&type=total& تحياتي |
اقتباس:
حياك الله اخي 2 يوم اسطنبول 2 يوم ايدر 4 ايام ازنجول 1 يوم طرابزون 3 ايام اسطنبول دام عندك اطفال فاغلب العاب الاطفال في اسطنبول اذا حاب تزود يوم في ايدر تصير 3 ايام وتنقص يوم من اسطنبول فالخيار لك |
اقتباس:
مباشر للشمال باذن الله وبرجع من اسطنبول حيث يكون البداية بالاجواء الجميلة وترجع لاسطنبول التسوق بخصوص طرابزون السيارة افضل الاستئجار او السائق ووش الاشياء الواحد ينتبه لها عند استئجار السيارة مثل التامين |
اقتباس:
الله يعطيك العافية sheriok2new ما قصرت على المقترح الجميل وفندق ايدر الحمد لله حجزت فيه مرة ممتاز ومقترحات اسطنبول جدا واضحة وتخدمني فقط حاب اسال عن الشرائح الانترنت وش ازين شي ؟ |
اقتباس:
|
حياك الله اخوي وبالبدايه رحلة سعيده ان شاء الله بحكم ان عندكم اطفال افضل اسطنبول وما حولها اذا وزعت الايام وقررت سواء الشمال او اسطنبول علمنا كيف التوزيع ع شان نرتب لك الشريحه عندك نوعين اما الشريحه الذكيه او الشريحه العاديه الشريحه العاديه ارخص واكثر قيقا وافضل شركة تركي سيل الشرحه الذكيه برنامج airalo |
اقتباس:
اهلا بك بالنسبة لي أحب استأجر سيارة في كل مدن تركيا باستثناء اسطنبول الاوروبية ولكن البعض يفضل سيارة مع سواق بحيث يريح راسه من إجراءات الاستئجار وكذلك ما يشيل هم المواقف أو القيادة هذه بعض النقاط عن شركات التأجير أختار شركة عالمية أو محلية مجربة مثل جارينتا وسيزجي رخصة سعودية سارية المفعول وبطاقة ائتمانية تكون باسمك تصوير السيارة قبل الاستلام سوي زووم على مكان الخدوش يفضل ديزل بدل البنزين السعر متقارب ولكن الديزل أوفر ترجع مستوى الوقود نفس ما استلمته استملته مليان ترجعه مليان والعكس صحيح ذوقياً وللابتعاد عن الشخصنة اغسل السيارة قبل تسليمها ما تكلفك 10 ريال بالتوفيق |
اقتباس:
يعطيك الف عافية اخي الكريم بالنسبة لشرائح النت عندك عروض شرائح عادية فودافون و تروكسال تقدر تشوف افضل العروض و تشتري من الشركات الموجودة في ميدان طرابزون Trabzon Meydan . راح تجد فودافون تقدم عروض جيدة لباقة النت اسبوع او اسبوعين . تحياتي |
| الساعة الآن 10:45 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO