|
استفسارات عن رحله الى تركيا السلام عليكم ورحمة الله وبركاته حابه استفسر عن شغلات وان شاء الله اهل الخبره يفيدوني _ ايش الاماكن للي بالشمال التركي تستحق الزياره يعني ايدر شنو فيها مميز لو بروح لها انا راح اسكن بطرابزون وتنقل بين الاماكن وبعدين ارجع لسكن _ ابي شركه كويسه تاجير سياره يعني سمعنا عن شركات تنصب نبي مكتب تاجير مضمون ويكون سعره معقول يعني كم تقريبا يكلف لخمس اشخاص وهل تفرق بسعر كثير لو سياره مع سواق _ على اي خطوط احجز من طرابزون الى اسطنبول _ ابي اماكن تسوق تكون في الشمال او اسطنبول صناعه تركيه ورخيص مو ماركات عالميه يعني ايش اقرب شارع في اسطنبول يعني احجز فيه الفندق وروح اتسوق مشي يعني ماحتاج لمواصلات _ المبالغ الماليه اخذها كاش من السعوديه دولار او ليره بحدود كم اخذ كاش وهل يوجد بوه صرفات عندهم يعني اسحب دايركت ليره او ياخذون نسبه صرافه كبيره لان من هالنقطه مو فاهمين كل يقول راي وهل بطاقة سفر بلس حلوه تنفع بسفر او صرافه العاديه تودي الغرض _ وش افضل تنقل باسطنبول يعني السفينه وقطار والمترو من وين اجيب خريطه مفصله بالعربي لوسائل التنقل والاماكن وهل باسطنبول عادي كل شي بجنب بعض بس تمشي ؟ هذي اول مره صراحه نسافر لتركيا ومختبصين ودنا حنا نضبط جدولنا على كيفنا ماودنا صراحه بشركات سياحه لان ياخذون مبالغ عاليه واكون شاكره لكم لو تردون على استفساراتي :e304: |
اقتباس:
وفقكم الله في رحلتكم |
الله يسعدك بن قوت مشكور على ردك الطيب |
الاخت ام صبا اخونا بن قوت ما قصر بالرد جزاه الله كل خير بالنسبة للاسواق - في الشمال التركي : عندك مول جواهر طرابزون و مول فورم طرابزون و عندك اسواق في وسط ميدان طرابزون في اسطنبول : الاسواق في اماكن مختلفة يعني عندك السوق المغطي و يسمي الجراند بازار في محطة بيازيت و تحديدا في شارع محمود باشا و عندك مولات فيها محلات مميزة مثل مول فورم اسطنبولforum istanbul بمنطقة بيرم باشا و مول الجواهر بمنطقة شيشلي و مول استينيا بارك يوجد اسواق في منطقة عثمان بك osmanbey شارع روميلي Rumeli Caddesi الافضل التنقل بالمترو لان المدينة مزدحمة بالسيارات و عندك تطبيق للتاكسي انصح به تطبيق Bitaksi |
شكرا لكم الله يسعدكم :e032: |
فيه سؤال مهم سألته الاخت وما افدتوها والفائده للجميع السكن طوال الاجازه في طرابزون ومنها تنطلق يومياً للاماكن السياحيه هل هو امر جيد ام لا تنصحون فيه سؤال اخر استخدام البطاقه البنكيه مدى هل فيه مشكله ؟ |
اقتباس:
الاخ الكريم Ali بخصوص السكن طوال الفترة في طرابزون تختلف حسب كل مسافر احد المسافرين يفضل يسكن في مكان واحد و مستعد للقيادة كل يوم لمكان مختلف لزيارة المعالم السياحية مثل اوزنجول او هامسيكوي او ايدر يعني مستعد للتنقل لمنطقة تاخذ ساعة و نصف او ساعتين ونصف صباحا و مثلهم عند العودة او يكون معه سائق خاص يوصله كل يوم لاماكن مختلفة . البعض الاخر من المسافرين لا يفضل القيادة كل يوم و يبحث عن الاستجمام و الراحة فترة الرحلة حتي يمكنه الاستمتاع لذا يقوم بتقسيم الرحلة حسب الاماكن يعني يقسم الايام بين طرابزون و ايدر لانها تبعد عن طرابزون ساعتين و نصف تقريبا . و مرتفعات ايدر متميزة بطبيعة رائعة و الجبال كلها خضراء و جوها منعش اكثر من طرابزون و اقل حرارة . فيمكنه السكن ليلتين في طرابزون عند وصوله يقوم بعمل جولة في المنطقة و بعدها يتوجه للسكن في ايدر لمدة يومين او 3 ايام و بطريق عودته من ايدر باتجاه طرابزون يخصص يوم لزيارة قرية اوزنجول لانها قريبة المسافة بينها و بين طرابزون ساعة و نصف . بخصوص البطاقة البنكية اتمني من بقية الاخوة افادتك تحياتي |
| الساعة الآن 11:37 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO