|
فزعتكم تكفون ببرنامج شهر عسل السلام عليكم مساء الخير للجميع ناوي ان شاء الله شهر العسل يكون بالشمال التركي ولا عمري زرته ..المنتدى ومواقع التواصل الاجتماعي فيها اشياء تخلي الواحد مخه ينقلب وماعاد ادري وين الاصلح .. رجائي وطلبي من اهل الخبره والتجارب اللي سبقونا برنامج 10 ايام ولو نزود يوم يومين مش مشكله يوضح السكن وتوزيع الايام بين المناطق والاماكن اللي ازورها يوميا يعني اليوم الاول ازور كذا وكذا واليوم اللي بعده كذا انا اسف لو بكلف عليكم لكن مثل ماوضحت فوق الموضوع سبب لي صداع ولاني عارف وين اروح واخاف اختار فنادق او اكواخ واماكن ماتصلح واترك الزين بسبب قل المعرفة تعرفون شهر عسل والواحد وده يستمتع و يحلل الروحه ويختار افضل الاماكن وافضل خيارات السكن .. الرحلة 12 اغسطس والعودة 21 اغسطس مبدئيا لو مازدت يوم او يومين ويعطيكم العافيه مقدما للجميع |
اقتباس:
الاخ malek و عليكم السلام و رحمة الله و بركاته اتمني لك رحلة شهر عسل موفقة بالنسبة لترتيب الرحلة إذا راح تقضي كل الفترة في الشمال التركي اقترح عليك هذا الترتيب ل10 ايام ايدر 5 ليال / طرابزون 4 ليال - المغادرة انصحك عند الوصول تستاجر سيارة من مطار طرابزون و تطلع مباشرة على منطقة ايدر المنطقة جميلة و الجو فيها اقل حرارة من طرابزون و اطلالة الجبل رائعة بعدها تتجه إلى طرابزون و يمكنك من طرابزون زيارة قرية اوزنجول يوم و بحيرة سيرا يوم ارشح لك هذه الفنادق : في طرابزون Novotel hotel trabzon - الفندق علي البحر مباشرة باطلالة رائعة و قريب من مول الجواهر طرابزون https://www.booking.com/hotel/tr/nov...al&type=total& في ايدر : kackar hotel - الفندق يقع في حديقة كشكار بمنطقة ايدر كل الطبيعة الخضراء حولك https://www.booking.com/hotel/tr/kac...=total;ucfs=1& |
اقتباس:
انا توقعت اني لازم اوزع الايام على كل المدن هناك يعني طرابزون وريزا وايدر واوزونجول شكرا على توضيحك واني مااحتاج اتنقل بالسكن والايام فيهم ايضا انا خاطري اسكن بالاكواخ اللي في ريزا اللي عالنهر شفت مقاطع لها وعاجبتني جدا |
حياك الله اخ مالك والله يسعدكم في حياتك الزوجية بما انكم عرسان لازم طبيعة ولازم كوفيهات ومولات اقترح عليك 5 ايام استنبول و5 ايام الشمال التركي |
اقتباس:
الاخ الكريم malek انصحك قبل الحجز في الاكواخ تمر سريعا على بعض التقارير الموجودة في البوابة التركية راح تساعدك في اختيارك و تقييم الاماكن بعض الاكواخ قد تكون بعيدة عن الخدمات مثل المطاعم الجيدة و الماركت و لا تكون مخدومة بوسائل الراحة المطلوبة الصور لا تعكس الوضع الحقيفي كما انك في ذروة الموسم السياحي المكان مزدحم بالسياح . تقدر تقسم المدة بين ايدر 3 ليال و ريزا 2 ليلتين . لترتيب جولتك السياحية تقدر تخصص يوم لجولة طرابزون و بقية الايام خارج طرابزون . المسافة بين اوزنجول و طرابزون - ساعة و نصف بين بحيرة سيرا و طرابزون - 16 دقيقة بين Hamsikoy هامسيكوي و طرابزون - ساعة تحياتي |
اقتباس:
والله يجزاك خير يارب ماودي صراحه احط شي مع الشمال التركي لان الموضوع كله 10 ايام وماابي يروح منها ايام في تنقل وسفر حتى لو مكان قريب زي اسطنبول ضف على ذلك الجو بيكون حار بإسطنبول في اغسطس لذلك بخليها كلها بالشمال ان شاء الله |
اقتباس:
انا مريت والله على تقارير كثير وعلى مراجعات كثير حتى خارج المنتدى وفعلا داج مخي ولا عرفت وين الزين فقلت مالي الا هالمنتدى وأعضاءه الكرام اللي سبقونا بالزياره وبيفيدونا بخلاصة تجربتهم عاجز عن شكركم وتوضيحاتكم جميعا 🙏 |
اقتباس:
الله يسعدك اخي الكريم و يوفقكم بالرحلة حاضرين لاي استفسار خالص تحياتي |
عسى الله يوفقكم ويجمع بينكم على خير اسطنبول وضواحيها انسب للعرسان من الشمال |
اقتباس:
اسطنبول جوها حار الان لذلك الشمال شفته انسب من ناحية الاجواء والطبيعة والهدوء |
| الساعة الآن 02:10 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO