|
كيف تستلم عفشك من مطار اتاتورك؟؟ مرحبا وحياكم الله داخل هالموضوع القصير اللي اتمنى فائدته تعم على الكل طبعاً انا ودي انزل تقرير رحلتي الى تركيا لكن انا باقي اتهاوش مع الصور واتهاوش مع برنامج تحميل الصور لأن برنامج تحميل الصور يطلب حجم مخصص للصورة يعني لازم اصغر الصورة ومشكلتي الى اللحين في تصغير الصورة يأخذ وقت ويأخرني يعني هالصورتين طولت على بال ماصغرتهم وقرت احملهم :(88): وانا كل ما صغرت الصورة كل ماضاعت النكهة والإحتراف اللي فيها خاصة انا مصور محترف مشهور في بيتنا فقط :(41): <<< وحتى جيرنا مادورا عن ابداعاتي المهم فأنا رحت تركيا وكنت متحمس للسفر مو عشان باروح تركيا لا انا كنت متحمس عشاني رايح شهر عسل:(6): والا تركيا عادي حديقة بيتنا احلى منها << خف علينا يازيلامسي المهم من زود الحماس نسيت البطاقة الإتمانية في الفندق في جدة:(7):<< هذي بدايتها طبعا انا سافرت عن طريق جدة لأني دخلت موقع الخطوط وتفاجأت رحلة من جدة الى اسطنبول ذهاب واياب 999 ريال فقط:(58): يعني حنا شخصين بـ 1998:(158): انا هنا ماصدقت وخذيت اشيل الكمبوتر واهزه عشان اتأكد من السعر :200:<< بغى يفوتني العرض وانا باقي اتأكد ومسوي حالي منصدم المهم على طول حجزت ودفعت الحجز من غير اي تردد والله ودي اتكلم لكم كيف رحت لجدة وسكنت في فندق هيلتون جدة ودي انزل صور له واذكر لكم بعض الاحداث اللي صارت هناك في جدة لكن يبي لي وقت اللين اتقن تحميل الصور ثم ابشروا :(90): لكن بأختصر لكم وادخلكم في لب الموضوع كيف تستلم عفشك من مطار اتاتورك طبعاً أنا وصلت مطار اتاتورك الساعة 3 العصر بتوقيتهم وقبل الهبوط بـ 10 دقايق انا خطفني منظر الجو والمطر والغيم يعني لدرجة اني فكرت اخبي جوازي وأفاوض السعودية ماعاد ارجع الا ويعطونا جو زي كذا:(47): المهم طلعت من الطيارة ودخلت المطار ورايح أدور مكان قص الفيزة تعبت وانا امشي وذابحني الجوع وماخليت سير كهربائي متحرك الا وجلست عليه وكل شوي اسأل وين مكان قص الفيزة بعضهم يحاول يخدمني بس مايعرف يتكلم انجليز :thumbdown: المهم مشينا سيدة الا المدام تقول هذاك هو المكتب انا استعجلت في السؤال لأني ماكنت ادري ان المكتب قدامي مايحتاج حوسة :(59): وحسيت العروسة تقول هذي بدايتها مع هالزوج الله يستر :200: وبصراحة انا تعمدت اترك قص الفيزة من المطار كان فضول فيني اعرف اجراءات ومشاكلها لكن بصراحة لقيتها اجراءات جدا سلسة وسهلة وماتأخذ وقت قصيت لكم قصة حياتي ونسيت الموضوع:(47): المهم عشان تفتك من دفع القيمة اضعاف الإضعاف لأجل استلام عفشك راح اعطيكم الطريقة لهناك الخدمة داخل المطار 80 ليرة للعامل اللي يخدمك مانقدر نقول نصب واحتيال ولكن هذي الاسعار تبي حياك ماتبي دبر حالك لأن الأغلبيه اذا وصلوا هناك مايلاقون عربات نقل العفش متوفرة في كل مكان مثل مطاراتنا هناك العربات في مكان مخصص ومترابطة مع بعضها كأنها حلقات سلسلة فالبعض قد يحتار كيف يستلمها ويظطر على عمال خدمة المطار فأتمنى ان تكون الصور اللي انزلها هنا والشرح اللي باقوله واضح للكل وتعم فائدته<<< طبعا أفكر أبيع المعلومة عليكم لكن أخاف فيصل يطردني :(157): طبعا عامل المطار يخدمك بـ 80 ليرة يشيل عفشك من المطار الى بوابة الخروج بينما اذا خدمة نفسك تفك العربة من السلسة بليرة وحدة فقط انت اذا طلعت من صالة تختيم الجوازات وبتتوجه الى صالة استلام العفش وهناك راح تشوف العربات متصلة مع بعضها بهذا الشكل http://www.arabtrvl.com/up/uploads/a...9771608860.jpg ولو تلاحظون السلاسل مرتبطة مع بعض وفيها حاجة حمراء وهذه النقطة الحمراء هي اللي تحط فيها الليرة وتفك العربة من اختها اللي مربوطة فيها وهذي صورة خاصة لمدخل الليرة أنت مجرد تدخل الليرة في النقطة الحمراء راح تفتك من السلسة وبعدها تأخذ عربتك وتتوجة الى مسار عفشك وتوفر 79 ليرة وهذا المبلغ اللي وفرته يوصلك الى الفندق وزيادة :(41): أنا بصراحة ماكنت ادري عن الطريقة لكن يوم وصلت كلمت السواق اللي ينتظرني ابوعبد الرحمن سوري محترم وطيب جدا ومع ذلك أعجبتني امانته وراح اذكر الموقف اللي صار لي معه المهم كلمته وبلغته اني خلصت تختيم الجوازات واللحين باروح استلم عفشي فقال لي انتبه تخلي عمال خدمة المطار يخدمونك وذكر لي الطريقة وانا بالفعل رحت كشك اصرف 5 ليرة عشان اخذ ليرة وانا احوس ادور ليرة الا وزوجتي تأشر لي تعال جيتها لقيتها فكت وحدة من العربات << قلت في خاطري ثاني محاولة فاشلة قدام العروسة ياعريس زين زوجتي ماغسلت يدها وقالت خلنا نرجع السعودية أنت شكلك بتضيعنا :(47): سألتها شلون دبرتي ليرة؟ طلعت عائلية مصرية الله يذكرهم بالخير هم اللي عطوها ليرة وفكو لها العربة المهم استلمت عفشي ورحت للسواق لقيته ينتظرني بلوحة كاتب فيها اسمي :(89): أنا هنا صرت كشخة قدام العروس شوفي اسمي انا انسان مشهور:(22): اخذ الشناط وركبنا السيارة والجو صراحة في البداية كان برد لأني ماكنت لابس ملابس شتوية وصلنا الفندق ونزلنا اغراضنا الساعة 5 وربع تقريبا مع اذان المغرب خلصت الاجراءات 5 ونص ودخلت الفندق صليت مغرب وعشاء لاتنسون اني جوعان مررررة :(88): اللحين ابي شيء اكله وما أدري وش المطاعم اللي حول الفندق وابي اخذ الجوال اقرأ المطاعم اللي كتبت عنها مسافرة وبس الله يذكرها بألف خير وهي العضو اللي من يوم رجعنا في هالموقع الجديد ماشفت لها اي موضوع اللي عنده خبر عنها يفيدنا ويطمنا؟ المهم احوس ادور للجوال مالقيته بالمرة :(50): واتذكر يمكن مع السواق او عند الاستقبال سألت الاستقبال يقول مو عنده أتصلت على السواق من تلفون الاستقبال يقول انا في الشقة بانزل ادور في السيارة واعطيك خبر المهم خذيت 5 دقايق رجعت ودقيت عليه يقول اي جوالك موجود :(127): قلت طيب جيبه لي الفندق وهنا طبعا لازم استغل الموقف قلت اسمع وانت جاي جيب لي معك عشاء من مطعم مرتب انا ميت جوع ومشتهي مشاوي:(34): والله يجزاه الف خير رجع الجوال وجاب لي العشاء وطلب مني 20 ليرة حساب المشوار لكن انا عطيته اكثر بصراحة يستاهل والف شكر له وألفين شكر لكم عشانكم دخلتم موضوعي:(41): |
رد: كيف تستلم عفشك من مطار اتاتورك؟؟ استمتعت بقرائة موضوعك باسلوبه الخفيف المرح ولكن متى كان موعد رحلتك ؟؟ انا اذكر انك من المنتدى القديم كنت ناوي تتزوج وتروح تركيا ؟؟ يا ليت لو ترتب امورك وتكتبلنه تقرير عن رحلتك. تحياتي |
رد: كيف تستلم عفشك من مطار اتاتورك؟؟ الحمدلله على السلامة أزيدك من الشعر بيت اذا رجعت العربية وشبكتها مع العربيات تطلع لك العملة الي دخلتها |
رد: كيف تستلم عفشك من مطار اتاتورك؟؟ علي البركه يا عريس ما عاش من يطردك شكرا علي المعلومه |
رد: كيف تستلم عفشك من مطار اتاتورك؟؟ ههههههه موضوع جميل بصراحة توفير رهيب من 79 ليرة إلى ليرة وحدة فقط وعلى كلام ابو رواء لو رجعت العربية ترجع لك الليرة والله شيء حلو جدا الله يعطيك العافية |
رد: كيف تستلم عفشك من مطار اتاتورك؟؟ مبروك اخونا المعرس .. :(6): ماشاءالله عليها العروسه فهيمه اتعرف ادبر بالسفر .. :(89): ترا الي قالكم الخدمه ٨٠ ليره كان بينصب عليكم اهي ٥٠ ليره انا كل مره اخذها :(127): الحمدالله الله وفقكم بسايق أمين وو خدوم عاد خل رقمه عندك عشان لي رجعتو ع طول معاه :200: شكرا اخوي ع المعلومه وو ناطرين باقي التقرير .. :(125): |
رد: كيف تستلم عفشك من مطار اتاتورك؟؟ هلا وغلا بالعريس أخيرا طلع المستخبي وشفنا شيء يفتح النفس كمل كمل وراح نعدل إسم موضوعك خل نشوف بلاويك ، قصدي موضوعك :) وزي ما قالت مدام أولقا ، هي ب 50 ليرة ، تحتاجها بصراحة لما يكون معاك عائلة ولما معاك وقت للتنقل إلى المطار الداخلي لـــ اللحاق بالرحلة الداخلية أكرر شكري الجزيل لحرصك ، وبيض الله وجهك ، وتذكر إن الليرة ، او الصرف في رحلاتك القادمة مهم ، أنا بصراحة المعدن :) ما ينزل من جيبي ، أحطه قبل الجواز :) عن إستمتعت شكرا لك |
رد: كيف تستلم عفشك من مطار اتاتورك؟؟ واصل يابطل بانتظار القادم اتوقع بيكون التقرير مميز |
رد: كيف تستلم عفشك من مطار اتاتورك؟؟ اقتباس:
حياك الله حازم أي نعم انا من المنتدى القديم بس انا سافرت شهر العسل وانشغلت عن المنتدى ومكتوب ياهو استغلوا غيابي وقاموا يلعبون في المنتدى:(155): يعني لو انا باقي موجود كان ياويلهم:(2): وان شاء الله أحاول أرتب اوراقي وأموري وانزل تقرير عن هذه الرحلة انا كان موعد رحلتي اخر يوم في شهر نوفمبر اللي هو شهر 11 يعني ثاني يوم لي كان تاريخ M 1/12/2014 |
رد: كيف تستلم عفشك من مطار اتاتورك؟؟ هلا فيك ياعريس تسلم على المعلومة والسرد الممتع على ايش 80 او 50 ليرة ! والله كفو يالعروسة ما شاء الله لازم تتنتبه لنفسك لا تغطي عليك هههههه ماقلت لنا كيف حليت مشكلة البطاقة ونطالبك بتقرير والصور ماهي مشكله فيه موضوع طريقة تصغير الصور دفعة وحدة راح احط الرابط لك وانا(مسافرة وبس) بس غيرت اللبس (: |
رد: كيف تستلم عفشك من مطار اتاتورك؟؟ اقتباس:
والله يسلمك ويعطيك الف عافية على المعلومة والافادة لكن تبي الصراحة الواحد بس يوصل التاكسي ماعاد يهمه الا طريق الفندق وشاكر لك دخولك هنا اقتباس:
الله يبارك فيك وعاشت ايامك اكيد مافيك اي شك وتأكد ان هذا اقل واجب نرده لهذا المنتدى وعطاءاته اللي عم خيرها على كثير من الناس |
رد: كيف تستلم عفشك من مطار اتاتورك؟؟ اقتباس:
اي توفير لأن كثير من الناس يجهلون هذي المعلومة فبالمبلغ اللي بيدفعة لأجل يستلم عفشة يقدر يدفعه في مشوار للفندق أنت بشر وين اخر سفرياتك؟ اقتباس:
لا لاتخافين على العروسة شقردية طالعة لزوجها :(41): بالنسبة للمبلغ 80 ليرة قال لي السواق والا انا ماجربتها بس انتي ليش تدفعين لهم 50 ليرة يعني مامنتي تعرفين الطريقة او يعني انك طنخة فلوس:(123): والسائق رقمه عندي وبينا تواصل خفيف على الواتس وان رجعت هناك ان شاء الله راح اتواصل معه وبصراحة كلمته كنت ابي اروح معشوقية وسبانجا وقلت له ابي اروح سيارة خاصة وانا وزوجتي وفر لنا سيارة بنز كبيرة تتسع 7 اشخاص موديل 2013 نظيفة ومريحة وقضيت في سبانجا يوم كامل ورجعنا المغرب لأسطنبول ويوم رجعت اسطنبول على طول قررنا نسافر الشمال مع ان الشمال التركي ماكان في الخطة نهائيا عشان الجو هناك ثلج:(47): نزلت للإستقبال وخذيت كمبيوتر من عندهم وحجزت على الطيران التركي من اتاتورك الى طرابزون وبس تأكد الحجر الغيت حجز السكن بالفندق ومن الصباح طلعنا الى المطار:(125): وبصراحة احمد الله اني رحت للشمال :(88): حياك الله وان شاء الله ان قدرت انزل تقرير فراح انزله بكل احداثه |
رد: كيف تستلم عفشك من مطار اتاتورك؟؟ اقتباس:
ما كنت موجوده قبل 8 شهور ولا جان باركتلك :(127): الله يسعدكم وو يوفقكم انت وو الشقرديه :(89): لا اعرف بس الخدمه لانه عندي اكثر من جنطه وو بعدين اريحلي اهمه يشيلولي وو يحطولي وو يدخلونهم السياره :yolks00730: سابنجا جميله احبها بالاخص اذا كان الجو حلوو :yolks00360: الشمال مو شي بالثلج لو رايحين بورصه جان استانستو حق التزلج وو سياكل الثلج وناسه :(3): لازم اتنزل التقرير ناطرين .. :(94): |
رد: كيف تستلم عفشك من مطار اتاتورك؟؟ اقتباس:
حياك ربي ووجهك ابيض وماهذا اللي قدمته الا نقطة من بحر عطاياك هنا وان شاء الله احاول اكمل باقي الصور اللي اقدر احملها بأحفضها في الكشكوش او ما ادري وش اسمه حق المنتدى:(155): المهم اذا حملت كل الصور باحاول اكمل باقي الموضوع عن بعض احداث الرحلة وبعدها تشوفون بعض البلاووي:(153): وكنت حاجز على طرابزون في 1 اغسطس لكن صارت ظروف اقوى مني وأظطريت على التأجيل :surrender: وبالفعل انا رجعت من تركيا وعندي كثير من المعدن وسافر ناس من اصحابي ذكرت لهم المعلومة واعطيتهم المعدن وبصراحة استفادوا منها كثير حياك ربي وشاكر لك مرورك وعباراتك هنا |
رد: كيف تستلم عفشك من مطار اتاتورك؟؟ |
رد: كيف تستلم عفشك من مطار اتاتورك؟؟ أهلا بعريسنا ( بارك الله لكما وبارك عليكما وجمع بينكم بخير .. ) موضوع جميل ومهم لحظة الوصول لأرض تركيا .. سردك للموضوع يجعلنا نُلِح عليك بسرعة كتابة التقرير ( إحساسي يقول راح يكون بمزاج عااااالي ) والرائعة ( زهرة نيسان ) ماقصرت بموضوع تصغير الصور ... لم يتبقَ إلا همتك .. |
رد: كيف تستلم عفشك من مطار اتاتورك؟؟ فكره حلوه وتنبيه نحتاجه خاصه اذا كنت راح تقيم في اسطنبول |
رد: كيف تستلم عفشك من مطار اتاتورك؟؟ اقتباس:
وان شاء الله أقدر واسويه تقرير ويحوز على رضاكم شكرا لك من الاعماق اقتباس:
ارررحبي ياهلا وغلا والف الف شكر لك على كل ماطرحتيه لي من معلومات للأمانه استفدت منها في سفري وكان ودي اشكرك بس ماعرفت انك غيرتي ثوبك :(37): فمن موضوعي هذا التمس الفرصة لأعيد لك كل الشكر :(2):<< وش دخل فيس الهوشة ما ادري وبالنسبة للعروسة حاولت تصير احسن مني لكن استعدت قواي وركزت في رحلتي :(155): وبالنسبة لمشكلة البطاقة كان معي بطاقة الصراف لبنك الإنماء وبصراحة انها قامت بكل الخدمات وبكل سهولة وانا اصلا طلعتها لأني اعرف ان بطاقة الصراف لبنك الانماء هي البطاقة الوحيدة اللي تقدر تستخدمها في السفر كفيزة بكل سهولة والتقرير ان شاء الله في القريب احاول اشتغل عليه لأجل عيونكم وماقصرتي ارسلتي رابط الشرح وان شاء الله احاول اعدل كل الصور |
رد: كيف تستلم عفشك من مطار اتاتورك؟؟ مساء الخير هذا استفسار وصلني من الاخوان على الخاص وحبيت اطرحه هنا حتى تعم فائدته اقتباس:
اقتباس:
استلامك للعفش جدا سهل ومافيه أي صعوبة لأنك بس تخلص تختيم جوازات وتطلع من عندهم على طول تشوف صالة استلام العفش على يمينك وراح تشوف الناس كلهم متوجهين هناك بس اذا حاب تسأل فبالتركي تقول لهم: باكاج تسليمي نيردا |
رد: كيف تستلم عفشك من مطار اتاتورك؟؟ موضوع مميز وطرح بسيط وممتع ومعلومات قيمة مع فائق الشكر والامتنان |
رد: كيف تستلم عفشك من مطار اتاتورك؟؟ اقتباس:
لا لا زين اني رحت للشمال بالعكس هو ماكان من ضمن الخطة قبل السفر بس صار لي موقف هناك اجبرني على مغادرة إسطنبول وعلى طول قررت اروح الشمال بدل ما ارجع للسعودية لأني من يوم رجعت من سبانجا وصلنا الفندق بدلنا وطلعنا سوق وهناك حصل تغير للخطة كاملة:(37): وانا اتفق معك سبانجا حلوة ولا يحليها الا الجو لازم يكون بارد او في الربيع اما في الصيف فانا قريت اكثر من تقرير يشتكون من الحر فيها والتقرير ان شاء الله راح انزله بس أتوقع يحتاج وقت على بال ما اجمع كل الصور واحصل الوقت الكافي للتجهيزه لكم:(149): والشقردية تسلم عليك وتقول الموعد في بورصه عند السياكل:(95): |
رد: كيف تستلم عفشك من مطار اتاتورك؟؟ اقتباس:
الله يجزاك خير ويرزقك حور العين << اخاف ادعي لك بالزواج تكون متزوج وأفرض انك متزوج وزوجتك تدخل وتشوفني ادعي لك بالزواج بعدين تمنعك ماعاد تدخل المنتدى ثم نخسر عضويتك ونخسر خبرتك ويزعل فيصل عشاني السبب ويجي فيصل ويطردني من المنتدى ثم يحذف موضوعي ويخسر الاعضاء معلومة انا طرحتها لهم << وفجأة يطلع جحفلي:(155): خلاص امزح انا من يشكرك على ردك ودعواتك الحلوة والله لايحرم الاجر وبالنسبة للتقرير ان شاء الله اقدر وانزله لأجل عونكم وطلباتكم والف شكر للزهرة نيسان احرجتني ماعاد لي عذر حلت مشكلتي:200: |
رد: كيف تستلم عفشك من مطار اتاتورك؟؟ ياهلا ويامرحبا بعريس بعد 8 أشهر..... **** نبارك لك بعد الزحمه..... والموضع لاشك مهمم ولكن أنا أشوف انها ماهي حلوةخليجي وكاشخ وتدف عربيه محملة !!!!!! لا تزعلون أمزح......:(34)::(34): ودك تحصل مثل هذه العربات عند المغادرة لكن!! عموما كثر الله خيرك على المعلومة الطيبة والمفيدة..... |
رد: كيف تستلم عفشك من مطار اتاتورك؟؟ اقتباس:
اقتباس:
ولك كل الشكر |
رد: كيف تستلم عفشك من مطار اتاتورك؟؟ اقتباس:
هههههههههه وحلوة اعجبتني وجهة نظرك وحبك للمظاهر يعني العالم كلهم يشوفون الأمريكي داف عربية عادي ويشوفون اللبناني داف عربية عادي ويشوفون المصري داف عربيه عادي بس يشوفون الخليجي يدف العربية بتسدحون ضحك في المطار ويمكن يصورونه وينزلونه في سناب شات خليجي يدف عربية :yolks00250: امززززح لكن تأكد الكل في الخارج يخدم نفسه وفخور بخدمة نفسه ومافيه اي انتقادات وماتنزل من قيمة الشخص لو خدم نفسه وأشكرك على مشاركتي الموضوع وأتمنى تعم فائدتة على الكل |
موضوع جميل |
هذا الموضوع مارقني لان اول سفر للخارج ان شاءالله مايقصرو بموضوعي |
لكن افادني الموضوع كثييييييييييييير الله يجزاك خير |
أشكرك أخي على التوضيح ... وأحببت الإضافة بمشاركة لتكتمل دورة الليرة وتعود من حيث أتت ... رأيت البعض يقوم بذلك ولكن لم يطمئن قلبي لسلامة التصرف .. ولكن هي مجرد نقل مشاهدة وأترك الحكم لكم ( عند الانتهاء من استخدام العربة يمكنك شبكها بأي عربة أخرى لتسقط الليرة مرة أخرى وتعود إليك :7: ) |
معلومه مهمه جدا نقلتها بشكل مبسط وسلس ومرح وبكده لا يمكن أن تنسى ألف مبروك الزواج >>>> متأخره عارف :D ومشكور على المعلومه المهمه |
:58::58::58: |
هالموضوع انا داشته ومعلقة عليه ليش مافي تعليقي المهم الحتمي انت وينك والا الزواج نساك المنتدى |
اقتباس:
ان شاء الله يكون بخير. |
جزاك الله خير |
يعطيك الف عافيه طرح خفيف دم :1: |
بارك الله فيك 👍 |
الله يعطيك العافيه |
| الساعة الآن 02:45 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO