|
شهر عسل - المساعدة في ترتيب الجدول السلام عليكم ورحمة الله وبركاته اشكر جميع المشاركين والقائمين على المنتدى لما اثرو به من مواضيع ومعلومات مريت على العديد من المشاركات وبالاحرى اختنا ام نوف , واقتبست منها اللي شفته مناسب في محاولة لايجاد جدول يغطي اهم الفعاليات الرحلة راح تكون في مطلع شهر اغسطس من السعودية الى جوهانسبرغ ما راح انتظر او اجلس فيها, مباشرة طائرة الى كيب تاون الجدول احتاج فيه مساعدة كون بعض الفعاليات قد تكون غير متوفرة في نفس اليوم او الفترة, او بعضها يحتاج يوم محدد والبعض يحتاج مايكون اول يوم عشان موضوع الحجز المبكر اليوم الاول: السبت الوصول إلى جوهانزبورج ثم الى كيب تاون - استلام السيارة من مكتب تأجير السيارات في المطار ثم التوجه للفندق في منطقة الووتر فرونت أو المناطق القريبة منها العشاء في مطعم أوشن باسكت أو أي مطعم آخر اليوم الثاني: الاحد الزحليقة الطويلة (إذا كانت مفتوحة) أو مول الكانال ووك أو مول الووترفرونت وركوب العجلة الدوّارة اليوم الثالث: الاثنين كيب بوينت (رأس الرجاء الصالح،، 80 دقيقة من الووترفرونت) شاطئ البطـاريق الغداء بعد العصر في طريق العودة في منطقة كالك باي، مطعم Outspan أو أي مطعم آخر. اليوم الرابع: الثلاثاء جبل الطاولة (حسب الطقس - غالبا يكون مغلق في الشتاء عندهم اللي هو الصيف عندنا) الغداء في المطاعم على شاطئ كامبس باي أو مدينة الالعاب Ratanga Junction جولة بالهليكوبتر من الووترفرونت العشاء الساعه 7 م في مطعم Gold restaurant (ها الليلة أو أي ليلة ثانية) اليوم الخامس: الاربعاء سفينة القراصنة، تطلع من الووترفرونت (يجب الحجز المسبق على الأقل قبلها بيوم) الأكواريوم في الووترفرونت اليوم السادس: الخميس التسوق في الكانال ووك أو الووترفرونت أو أي مكان ثاني ما زرتوه في الأيام الأولى لأي سبب اليوم السابع: الجمعة التوجه بالسيارة إلى مدينة وايلدرنس في منطقة الجاردن روت الطريق 4 ساعات ونص + استراحة الغداء تقريبا ساعة العشاء في مطعم Pomodoro أو أي مطعم آخر. اليوم الثامن: السبت مشاهدة أسماك القرش والغطس معها في موسل باي (45 دقيقة من وايلدرنس) يجب الحجز المسبق،، والجولة تاخذ حوالي 4 ساعات (ممكن ما تغطسون مع القرش بس تشوفونه من المركب) العشاء في الجاردن روت مول اليوم التاسع: الاحد القفز المظلي من الجبل Paragliding من منطقة Sedgefield (بالحجز المسبق وحسب الطقس) اليوم العاشر: الاثنين مغامرة التنقل في النهر Canyoning (هذه محتاجة لياقة بدنية ومناسبة للشباب) ممكن تشوفون فيديوهات عنها عاليوتيوب،، اكتبوا في البحث canyoning wilderness. العشاء ممكن يكون في الجارن روت مول أو في مطعم Salinas Beach Restaurant اليوم الحادي عشر: الثلاثاء التوجه إلى المحمية للسفاري والمبيت في الفندق (جولة السفاري تكون العصر، وبعضهم يقدم جولة ثانية صباح اليوم التالي) إذا رايحين بإتجاه موسل باي ممكن في الطريق تتغدّون في الجاردن روت مول،، والعشاء بيكون في المحمية. اليوم الثاني عشر: الاربعاء التوجه الى مطار جورج والعودة إلى جوهانزبورج اليوم الثالث عشر: الخميس جولة في الباص الاحمر تسوق اليوم الرابع عشر: الجمعة Gold Reef City تسوق اليوم الخامس عشر: السبت العودة الى ارض الوطن آمل الافادة بالملاحظات ان وجدت, الجدول مرن اي انه ممكن اضيف يوم يومين او انقص يوم-يومين فيما يخص حجز الفنادق راح يكون خطوة لاحقة بعد اعتماد الجدول اطيب تحية |
هذه فقط بعض الملاحظات البسيطة اليوم الثاني: الاحد الزحليقة الطويلة (إذا كانت مفتوحة) أو مول الكانال ووك أو مول الووترفرونت وركوب العجلة الدوّارة الزحليقة تكون مغلقة في شهر 8 اليوم الرابع: الثلاثاء جبل الطاولة (حسب الطقس - غالبا يكون مغلق في الشتاء عندهم اللي هو الصيف عندنا) الغداء في المطاعم على شاطئ كامبس باي أو مدينة الالعاب Ratanga Junction جولة بالهليكوبتر من الووترفرونت العشاء الساعه 7 م في مطعم Gold restaurant (ها الليلة أو أي ليلة ثانية) مدينة الألعاب تكون مغلقة في شهر 8 ولازم تحجز للمطعم قبلها بكم يوم، يعني ممكن تتواصل وياهم بالتلفون أو الايميل أول ما توصل كيب تاون. إذا تحب تضيف يومين بعد ممكن تشوف جدول ال 15 يوم اللي في تقريري. |
شكرا ام نوف عالملاحظات والارشادات تم الاطلاع على ملف الوورد وموضوع جداول الرحلات والتعديل عالجدول الزحليقة خليتها اختياري باخر يوم في كيب تاون طالما انها ومقفلة وان حصل افتحوها ذاك الوقت رحنا مدينة الالعاب الغيتها واضفت رحلات كالحيتان والتجديف واحد المنتزهات اذا الجدول مناسب , هل اكتفي بالسكن في فندق واحد بكل منطقة كنقطة انطلاق لاي فعالية؟ او تشوفين انه قد يكون متعب في التنقلات والافضل اضافة فندق بمنطقة اخرى زي ما انتي مسوية بجدول رحلاتك؟ كنت حاط ببالي فندق في كيب تاون , ثم فندق في وايلدرنس واخيرا فندق في جوهانزبورج وهذا الجدول بعد التعديل اليوم الاول: السبت الوصول إلى جوهانزبورج ثم الى كيب تاون - استلام السيارة من مكتب تأجير السيارات في المطار ثم التوجه للفندق في منطقة الووتر فرونت أو المناطق القريبة منها العشاء في مطعم أوشن باسكت أو أي مطعم آخر اليوم الثاني: الاحد مول الكانال ووك أو مول الووترفرونت وركوب العجلة الدوّارة اليوم الثالث: الاثنين كيب بوينت (رأس الرجاء الصالح،، 80 دقيقة من الووترفرونت) شاطئ البطـاريق الغداء بعد العصر في طريق العودة في منطقة كالك باي، مطعم Outspan أو أي مطعم آخر. اليوم الرابع: الثلاثاء جولة بالهليكوبتر من الووترفرونت Cool Runnings Toboggan Park الزحليقة العشاء الساعه 7 م في مطعم Gold restaurant (ها الليلة أو أي ليلة ثانية) اليوم الخامس: الاربعاء سفينة القراصنة، تطلع من الووترفرونت (يجب الحجز المسبق على الأقل قبلها بيوم) الأكواريوم في الووترفرونت اليوم السادس: الخميس Whale watching tours مشاهدة الحيتان اليوم السابع: الجمعة التسوق في الكانال ووك أو الووترفرونت أو أي مكان ثاني ما زرتوه في الأيام الأولى لأي سبب اليوم الثامن: السبت التوجه بالسيارة إلى مدينة وايلدرنس في منطقة الجاردن روت الطريق 4 ساعات ونص + استراحة الغداء تقريبا ساعة العشاء في مطعم Pomodoro أو أي مطعم آخر. اليوم التاسع: الاحد مشاهدة أسماك القرش والغطس معها في موسل باي (45 دقيقة من وايلدرنس) يجب الحجز المسبق،، والجولة تاخذ حوالي 4 ساعات (ممكن ما تغطسون مع القرش بس تشوفونه من المركب) العشاء في الجاردن روت مول اليوم العاشر: الاثنين القفز المظلي من الجبل Paragliding من منطقة Sedgefield (بالحجز المسبق وحسب الطقس) العشاء ممكن يكون في الجارن روت مول أو في مطعم Salinas Beach Restaurant اليوم الحادي عشر: الثلاثاء قضاء اليوم في منتزه تسيتسيكاما اليوم الثاني عشر: الاربعاء التجديف Timberlake Farm Village اليوم الثالث عشر: الخميس التوجه إلى المحمية للسفاري والمبيت في الفندق (جولة السفاري تكون العصر، وبعضهم يقدم جولة ثانية صباح اليوم التالي) إذا رايحين بإتجاه موسل باي ممكن في الطريق تتغدّون في الجاردن روت مول،، والعشاء بيكون في المحمية. اليوم الرابع عشر: الجمعة التوجه الى مطار جورج والعودة إلى جوهانزبورج اليوم الخامس عشر: السبت جولة في الباص الاحمر تسوق اليوم السادس عشر: الاحد Gold Reef City تسوق اليوم السابع عشر: الاثنين العودة الى ارض الوطن |
تمام ما شاء الله. بس للعلم، رحلة مشاهدة الحيتان تطلع من منطقة Gansbaii وهذه على بعد حوالي 3 ساعات من كيب تاون، والرحلة تكون تقريبا 10 الصبح يعني لازم تطلعون من كيب تاون من وقت. ما أعرف إذا هم يوفّرون مواصلات وإلا لا،، نحن ما جربناها. ومن وايلدرنس تكون نفس المسافة بعد (3 ساعات). بالنسبة للسكن، يكفي فندق واحد في كيب تاون وفندق في وايلدرنس، وبيكون عندكم ليلة في المحمية. الأماكن اللي بتسيرونها مب بعيدة عن وايلدرنس، ماعدا منتزه تسيتسيكاما، حوالي ساعة ونص. |
اقتباس:
راح اشيك مع مكتب الحجوزات كيف ترتيبها اما يوصلونا او نطلعلها بدري طيب ممكن تفيدوني بهالفنادق اذا زينه او عليها ملاحظات كيب تاون https://www.booking.com/hotel/za/pre...e-town.ar.html وايلدرنيس https://www.booking.com/hotel/za/vie...ue-spa.ar.html جوهانزبرج https://www.booking.com/hotel/za/rad...andton.ar.html او https://www.booking.com/hotel/za/the...empire.ar.html او https://www.booking.com/hotel/za/pro...alaika.ar.html |
للأسف ما أقدر أفيدك عن فنادق جوهانسبرغ، لأني ما زرتها أصلا. بالنسبة لفنادق كيب تاون ووايلدرنس.. مبدئيا مواقعهم زينة وتقييمهم بعد زين. بس الأفضل تقرأ آراء النزلاء.. هي اللي تعطيك فكرة عامة عن الفندق. ولا تنسى الاستخارة قبل الحجز. |
اتمنى لك رحله سعيده وترد سالم غانم وفقك الله تحياتي |
شكرا لك الزعيم تم بحمدالله اصدار التاشيرة المكاتب بالخبر اسعارهم مبالغ فيها الجواز الواحد يتراوح بين 700-750 شاملة رسوم التاشيرة استفدت من مشاركة احد الاعضاء بخصوص DHL الارسال لاول جواز 180 ريال , وكل جواز اضافي 20 ريال الارجاع لاول جواز 180 ريال , وكل جواز اضافي 20 ريال رسوم التاشيرة لكل جواز 227 فتم توفير 113 في الجواز الرئيسي و 433 بكل جواز ثانوي والخدمة خلال 5 ايام تسليم واستلام شغال الان عالحجوزات الدولية الى جوهنزبرج وبعدها مباشرة الى كيب تاون هل احجز جوهانزبرج الى كيب تاون من الان ؟ وماهي افضل خطوط ؟ هل احجز عند الوصول علما بان الرحلة توصل باذن الله 10 صباحا ؟ كم تستغرق تقريبا فترة انهاء اجراءات الدخول عند الوصول ؟ كاعلى تقدير |
اذا صادف برنامجك يوم الاحد انسى اي فعاليه او مول .. في كيب تاون عندك اهم مزار وهو جبل الطاوله .. لازم تصعد له بالتلفريك وايضا جبل الشاره اللي من خلاله تقدر تشوف منطقة الجرين بوينت والسي بوينت وايضا جزيرة روبن اللي انسجن فيها مانديلا عندك شاطى الكامبس .. لازم تزوره خاصة وانت راجع من راس الرجاء الصالح المنطقة روعه و ايضا الطريق جميل . عندك حديقة كريستن بوش kirstenbosch ولا تنسى اوتليت اكسس بارك Access park .. بخصوص العجله .. لا تركبها بعد غروب الشمس بخصوص الحيتان .. افضل منطقة لمشاهدتها هي مدينة هيرمانوس واللي تبعد عن كيب تاون 150 كم باتجاه منطقة القاردن روت وتقدر تركب مع هذه الشركة Southern Right Charters | Hermanus Whale Watching اما السكن في القاردن روت .. انا افضل السكن في نايزنا knysna .. لانها السنتر لاهم المناطق السياحية المنطقة فيها الكثير من الفعاليات .. مثل لعبة الجامبي .. وهي الاعلى في العالم https://www.faceadrenalin.com/ ايضا اتمنى تجرب zipline https://www.google.com.sa/maps/place...1!4d24.0223461 ايضا حديقة الفيله و خارطه افريقيا .. ايضا حديقة الفراوله ... ....... ............ بخصوص الفيزا .. سعر مبالغ فيه .. في جدة 237 ريال على الجواز .. بخصوص الطيران .. ممكن تحجز من مدينتك الى كيب تاون عن طريق الخطوط السعودية ف يطلع عليك الطيران الداخلى سعره حلو علما بان الرحله توصل 7 صباحا بتوقيت جوهانسبيرج او احجز الداخلى على طيران كولالا الاقتصادي Full-on Travel | Flights, Hotels, Car Hire, Packages - kulula.com وهذه الشركة ممتازة للسيارات First Car Rental بخصوص السكن في جوهانسبيرج حاول تسكن في ساندتون .. خاصة بالقرب من ساحة مانديلا .. بالتوفيق ان شاء الله |
اقتباس:
لهالردجة الاحد كل العالم ماجزة ؟ وش الاشيا اللي ممكن الواحد يزورها , ميادين وحدائق ؟ بخصوص الحيتان دخلت موقع الشركة Southern Right Charters وعند الحجز لقيت 3 فترات 09:00 - 11:00 12:00 - 14:00 15:00 - 17:00 هل في وقت مفضل عن البقيه ولا ماتفرق واختار اللي يناسبني ؟ بخصوص نايزنا قريت وشفت الحرايق وما ادري وش صاير عليها الان فحجزت جنبها في ويلدرنس https://www.booking.com/hotel/za/ibi...dge.en-gb.html هل عليه اي ملاحظات سواء مكان الاقامة او المنطقة ؟ بخصوص حجز الطيران على السعودية بحثت مباشرة الى كيب تاون وفعلا حلو سعرها لكن الترانزيت يقتل خصوصا في الرجعه فوق ال 8 ساعات في جوهنزبرج وبعدها 2-4 ساعات في جده فراح اشوفلي طيران داخلي يمكن انسب لي بس هل احجز الداخلي من الان ولا اذا وصلت مطار جوهنزبرج اطلع اقرب رحلة ؟ شاكر ومقدر |
| الساعة الآن 08:35 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO