|
مساعدة في تخطيط رحلة شباب لجنوب افريقيا السلام عليكم ندخل بالزبدة :D باذن الله قررت ازور جنوب افريقيا بالصيفية هذي وطبعاً حنا 3 شباب :D فالصراحة ماعندي خلفية كبيرة عن التفاصيل هناك واحتاج مساعدة للتخطيط خصوصاً ان جونا شوي غير , لسنا من هواة المطاعم والكافيهات واماكن الازدحام , نميل للاختلاط بالسكان واكتشاف الاماكن الرائعة والمغامرات الرهيبة. ف باذن الله بيكون مسار الرحلة : from 26 June - 14 July الرياض - دبي - جوهانسبيرغ - ( وبعدها لم اخطط بعد :D ) ثم العودة بنفس المسار. فعندي بعض الاسئلة : 1- الفيزا الى الان لم استخرجها ( وهل لازم تعريف بحكم اني طالب بالجامعة ؟ ) 2- التكلفة التقريبية ( مثل ما فلت ما تهمنا كثير المطاعم والكافيهات ) 3- الفعاليات والمغامرات 4- المساعدة بمسار الرحلة اعتذر عن الاطالة وشكراً |
وعليكم السلام هلا ثامر وحنا بنعطيك الزبدة ان شاء الله 1- تجيب تعريف من الجامعه وتقدم خطاب تكفل بمصاريف الرحلة من الوالد وتقدم حجوزات فنادق وطيران وهمية توضح أنك جالس شهرين مثلا وبكذا يعطوك تأشيرة لـ 3 شهور 2- البلد رخيص جدا في الاكل والسكن واللي راح يكلفكم هو السيارة والبنزين لذا السكن اعتمدوا على airbnb اتوقع حول 150 الى 200 ريال باليوم تلقوا سكن مناسب الاكل والكافيهات حول 100 ريال للشخص يوميا يعني المصروف اليومي 200 ريال للشخص 200 ريال في 20 يوم = 4000 ريال للشخص في حال السفر الاقتصادي نضيف عليها التذاكر + ايجار السيارة + البنزين 3- الفعاليات كثيرة والمغامرات أكثر منها صعود جبل رأس الاسد و زيارة المحميات و الاستمتاع بالشواطئ و زيارة جبل الطاولة والاسواق مع الاحياء الشعبية و فيها سفاري رائع ولو حبيتوا القفز من اعلى جسر بالعالم او البراشوت وغيره لكنها محتاجة مصروف لوحده للتذكير يضاف على اللي فوق 4- الوصول جوهانسبرج قضاء 3 أيام فيها ثم الطيران الى كيب تاون قضاء 3 أيام فيها استلام السيارة والقيادة على القاردن روت 7 أيام العودة لكيب تاون وقضاء بقية المدة فيها بعد الاتفاق على الجدول ممكن نحدد لك الانشطة والفعاليات باليوم |
الله يعافيك حبيبنا واعتذر عن الرد المتأخر جداً بسبب انشغالي بمشروع التخرج :D بالنسبة للجدول , عطني اللي تقترحه علي لان الصراحة مثل ما قلت لك تهمني المغامرات والفعاليات كثير , فما عندي مشكلة ادور بالدولة كلها ( خصوصاً القفز من الجسر :D ) واكرر اعتذاري وشكري لك ايضاً |
الله يوفقك بمشروعك اضبط لك جدول بالانشطة والمغامرات و اكتبه هنا و لامانع من مساعدة ام نوف وبقية الخبراء وطرح ارائهم |
اللهم امين والجميع يارب والله يجزاك خير ويعطيك العافية واتعبتك معي |
يا هلا ومرحبا بالشباب المغامرين:14: بتحصل في تقريري توزيع الأيام لرحلتكم،، https://www.arabtrvl.com/vb/t22297.html إن شاء الله بتحصل في البرنامج كل اللي تبغونه، لأن أغلب الأماكن تناسب الصغار وتناسب الشباب والكبار، مثل القفز المظلي والغطس مع القرش وغيرها من النشاطات. وانا دايما اختلف ويا اللي يحطون جوهانسبرغ في البرنامج لأني أشوف إن ممكن استغلال ها الأيام في أماكن ثانية أحلى. وأنا عندي اقتراح، لأني شفت إن دبي في خط رحلتكم، فممكن تاخذون طيران الإمارات على كيب تاون مباشرة. |
اهلا وسهلا فيك ,, والله يعطيك العافية وان شاءالله استفيد من الموصوع قدر الامكان بالنسبة اني اخذ ع كيب تاون دابركت , المشكلة بالسعر ( تقريباً دبل سعر التذكرة ) ولا مانع مع استكشاف جوهانسبيرغ ايضاً :D |
صح كلامك.. هذي المشكلة الوحيدة في طيران الإمارات دايما سعرها أغلى من باقي الشركات بس بالنسبة لنا في دبي هي الخيار الوحيد المباشر لأي بلد نبغي نسافر لها،، ومن ما كانوا عيالي صغار اتعودنا نسافر عليها لأن الترانزيت أحيانا متعب ويا الصغار، خاصة لو كان كذا ساعة. الأخ أبو عائشة كاتب في تقريره من كم يوم إنهم سافروا عالطيران الأثيوبي وكذا واحد من الأعضاء شفت تقاريرهم قبل كانوا مسافرين عليها وكلهم يمدحونها، بس أنا ما جربتها. |
ما قصرت أم نوف بالنسبة لجوهانسبرج ارشح السكن في مدينة ساندتون sandton city في بوكنق تبحث بهذا الشكل Sandton, Johannesburg, Gauteng, South Africa وتدور اللي يتناسب مع ميزانيتك شوفوا مثلا هذي الشقة قريبة من ساندتون غرفتين بـ 338 ريال https://www.booking.com/hotel/za/san...otal&#tab-main برضه ابحثوا في airbnb وهو ارخص بالطبع لكن قوانينه صارمة عند الالغاء مثلا هذي الشقة بـ 180 ريال تكفي 4 https://www.airbnb.com/rooms/1680137...s=3&s=q-bRUXdj السكن في ساندتون سيتي بحد ذاته يتيح لك رؤية جوهانسبرج بدون ماتطلع من المنطقة نفسها لأن فيها كل شي فيها مركز تسوق ضخم ممكن بيوم ما تخلصه كافيهات مطاعم سينما كل شي تتخيله في نفس المركز فيه ميدان نيلسون مانديلا وحوله أفضل مطاعم ستيك ممكن تجربها لذا العشاء دايم يكون ستيك بواحد من هذي المطاعم المطلة على تمثال مانديلا تاخذوا تذكرة يوم على الباص الاحمر تستكشفوا كل معالم جوهانسبرج كل معلم تنزلون وتشوفونه ثم ترجعون للباص وعلى المعلم الثاني بس ضروري تبدأون الرحلة الصباح بدري عشان يكفي اليوم معلم مهم لرؤية جوهانسبرح من فوق هو كارلتون سنتر carlton centre اذا ماكان في رحلة الباص خذوا اوبر و روحوا له نستبعد هنا استئجار سيارة ونعتمد على اوبر تماما في تنقلاتنا يومنا كامل راح يكون في ساندتون سيتي خاصة بالليل عدا رحلة الباص والبرج نحجز من بدري على طيران flysafir للذهاب الى كيب تاون عشان السعر https://www.flysafair.co.za/ للذهاب الى المطار نطلب اوبر وعند وصولنا الى مطار كيب تاون نطلب اوبر برضه |
اقتباس:
بالنسبة لنا شباب , ف ان شاءالله مافيه مشكلة لو ناخذ ترانزيت في القطب الشمالي :D وشكراً على نصائحك |
| الساعة الآن 09:10 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO