|
إستفسارات عده لرحال جديد في كوكبة الرحل لكيب تاون السلام عليكم ورحمة الله وبركاتة أسعد الله مساء وصباح الجميع بكل خير , :e030: وجعلنا وإياكم من المقبولين في هذا الشهر الفضيل .. كما قيل ( لا يفتى ومالك في المدينة ) وانت أهل السفر والترحال طبعاً في بداية الأمر هذي أول رحلة لي في حياتي خارج حدود الخليج طبعاً الي أين الي جنوب إفريقيا علي قول ( عصام الشوالي :e142: ) مش ممكن مش ممكن يا كبرياء افريقيا. .. عندي عدد من الإستفسارات بعد أن أطرح لكم قصتي وليش رايح كيب تاون من الأساس ! قصتي إني موظف جديد وأطمح للماستر بعون الله لان عملي يوفر لي ذلك عند طلبي بالاكمال ولغتي متوسطة فقلت ليه ما أروح كيب تاون منها تمشية ودراسة في نفس الوقت رغم إن جنوب افريقيا في راسي من أيام كاس العالم وبالذات كيب تاون كان ومازال عشق من طرف واحد :e329: قلت وش الحل كيف أقدر أضبط أموري !! تواصلت مع عدة مكاتب والوضع عندهم غالي من حيث القبول والسكن مع عائلة لدرجة تحس إنك بتدرس في أمريكا مبالغ جداً عالية. تواصلت مع شخص من أخواننا المبتعثين هناك وجاب لي قبول في معهد EC وسكن مع عائلة وبعض من المميزات بمبلغ 6300 لمدة شهر فكرت في الأمر بحكم أول مره قلت الأولى ( نتعلم ) منها وبعد كذا ان شاء الله الأمور توضح إلي الأبد بعون الله خلصت أموري كلها من حجز طيران ( ذهاب وعودة ) واخراج فيزا من مكتب في جدة ترتيب الرحلة ( جدة > جوهانسبرغ > كيب تاون ) والعكس والمعهد والسكن كم ذكرت مسبقاً أحد المبتعثين هناك ضبط الأمور لي .. طيب كم للحين محصول الصرفية يا أبو هيا ! :5: .. التذكرة: 3800 ريال / ( الخطوط السعودية / الأثيوبية ) الفيزا: 500 ريال المعهد والسكن: 6300 ريال المجموع الكلي: 10600 ريال .. طبعاً بكذا ارتحت من ناحية السكن والمعهد ووجبتين فطور وعشاء واستقبال وتوديع رحلتي بتكون من ( 12 July إلي 16 August ) .. ( الاستفسارات :e114: )
شكراً جزيل لمن يمر ويلقي التحية ويفيدني ولو بالقليل وبإذن المولى إني راح أسوي تقرير كامل من كل النواحي لفائدة الأخوان اللي يفكرون ينهجون نفس مانهجت أنا وأسأل الله التوفيق والسداد لنا وللمسلمين أجمع تحيتي نلتقي أحبه :e030: |
وعليكم السلام الله يتقبل من الجميع حي الله ابو هيا منور يا عسل رغم تخبطاتك هنا وهناك لكني اعذرك لان الحب اعمى :) كتبت موضوعين عن الدراسة هناك معاهد اللغة الانقليزية في كيب تاون https://www.arabtrvl.com/vb/t33792.html دراسة الانقليزي في كيب تاون https://www.arabtrvl.com/vb/t32253.html وتكلمت فيها عن كل مايخص الدراسة هناك والاسعار 1- اذا كان هو معهد جامعة كيب تاون فهو ممتاز وتكلمت عنه بالموضوع فوق 2- استخدم بطاقة الصراف حتى لو اخذوا عمولة بسيطة بس امان لفلوسك وكثير من الطلبة ياخذ كاش ويصرف من السوق السوداء لكن وين تدس الفلوس 3- الطلبة عادة تكفيهم 1500 ﷼ كمصروف لكن انت طالب وسائح اتوقع 3000 ريال 4- يختلف الطالب ممكن من 50 الى 100 ريال اما السائح حول 100 دولار 5- كثيرة منها الواترفرونت وجبل الطاولة وملتقى المحيطين شوف التقارير افضل 6- تختلف من طيران لطيران. السعودية شنطتين كل وحدة 23 كلغ. 7- التخطيط مقبول كبداية لكن لو سكنت لوحدك كان افضل. 8- تحصيل اللغة 30% معهد 70% تعتمد عليك بحيث تتمرن مع الناس على المحادثة كل يوم تاكد ان كان سكن العائلة في حي بوكاب او لا . اذا نعم احرص على اشيائك. اذا كان المعهد يقدم رحلات خلك معهم لانه راح يكون ارخص التنقل هناك عبر اوبر حمل البرنامج واسعاره حلوة غالبية العوائل في بوكاب من اصول هندية او ملايو لذا تاكد وين سكنهم وبلغنا الله يوفقك |
اقتباس:
تم الاجابة بالاعلى :) شكراً من القلب أبو حسام جعلك ذخر يابعد راسي وهذي المعلومات بالملي متر توي مراسله واسئل الله أن يوفق الجميع لما يحبه ويرضاه تحيتي |
اقتباس:
1- المعهد ما لي خبرة فيه بس طالما له فروع عالمية اكيد منهجه كويس 2- بطاقة الصراف قصدي شراء مباشر ماهو سحب بس خلاص خلك كاش 3- مقبول عشان السكن لانه نص المتعة 4- زون بلو + ولنم ستيت ما اعرفها بس ضروي تعرف مكانها على الخريطة لاتكون بعيدة وتضطر تاخذ مواصلات للمعهد وبكذا تكلفة زيادة وضح له وقول له الاحياء الفقيرة ما ابغاها دق على الباب وشحاده طول الوقت واذا ما اعجبتني العايلة اغيرها 5- لابد تكتب لنا عن تجربتك الدراسية هناك والايجابيات والسلبيات عشان كثير يروح للدراسة هناك وبالتالي يستفيدون منك موفق يابو هيا |
شي خرافي |
| الساعة الآن 03:09 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO