|
رحلة الى جنوب افريقيا السلام عليكم ابي اخطط لرحله مو قريبه بس عشان ارتب الايام في اجازتي السنويه وعشان اشوف حجوزات التذاكر وقت الا يصير عروض احجز ابي اروح جنوب افريقيا في ديسمبر وهذي اول زياره وبكون مع زوجي في بالي 10 ايام, اكثر شوي او اقل شوي حسب رايكم وين المطار الا احجز عليه وصول ووين المطار الا احجز مغادره كم عدد المناطق المهمه وشلون طريقه التنقل شفت صور في السوشال ميديا الى فلل خاصه و الى بحر البطاريق والى السفاري فاذا ممكن ترتبون لي برنامج وتخبروني بنصايح للسفره وللفنادق نظيفه وآمنه ومايكون بتكلفه عاليه وشكرا |
وعليكم السلام .. رداً على أستفسارك عن جنوب أفريقيا … نحنا زرناها مرتين و كانت زيارتنا لها بالصيف الماضي شهر يوليو 7 .. المدة المناسبة (وجهة نظري) 12 - 14 يوم المطار المناسب للوصول و المغادرة كيب تاون المناطق المناسب بالتأكيد كيب تاون و يأتي بعدها مناطق القارات روت و هي الأجمل لأن المنطقة تمتد على مسافة 600 كيلو و أشهر مناطقها نايزنا - بلتنبيرغ بي - ويلدرنس - جورج - موسيل باي - هيرمانوس و أغلب مناطق القارات روت تشمل العديد من الفعاليات مثل السفاري بالنسبة للتنقل من الأفضل بالتأكيد أستئجار سيارة للتنقل (عجلة القيادة في اليمين) السكن من الأفضل و الأشهر الحجز عن طريق موقع Airbnb فالخيارات فيه كثيرة جداً … لمعرفة أسعار السكن يمكن البحث في موقع Booking للفنادق و موقع Airbnb للفلل …. معلومة اخيرة فصول السنة عكسنا و شهر ديسمبر بيكون من شهور فصل الصيف و الأسعار تكون مرتفعة نوعاً ما لديهم … |
شكرااا على المعلومات لكن اذ المسافه 600 كيلو بنحتاج طيران داخلي ؟ |
العفو عزيزتي أم لولو منطقة القاردن روت تمتد على مساحة 600 كيلو و هي المناطق اللى ذكرتها أعلاه و المنطقة المهمة في القاردن روت مثل وايلدرنس نبعد 400 كيلو عن كيب تاون و يمكن قطع المسافة في 5 ساعات بالسيارة على طريق ممتع و مناظر جميلة و سبق جربنا الرحلة بالسيارة مرتين و الطريق أمن و بشكل عام السيارة ضرورية في جنوب أفريقيا للتنقل |
بالتوفيق ان شاء الله |
وعليكم السلام.. أتمنى تطّلعين على التقارير المثبّتة في البوابة، ومنهم تقريري اللي فيه كل المعلومات اللي تحتاجينها لرحلتكم، ولو إنه قديم شوية، بس فيه كل المعلومات الأساسية، وأغلب المناطق السياحية والنشاطات هي نفسها موجودة، وبتحصلين في مواقع التواصل بعض النشاطات الجديدة. https://www.arabtrvl.com/vb/t39760.html شوفي التقرير وحطي جدول مبدئي لكم، وإذا عندك أي استفسارات بعدين ف نحن حاضرين إن شاء الله. |
شكراا جزيلا على الرد |
| الساعة الآن 01:35 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO