|
الوضع حاليا في جورجيا صباح ومساء الخير من جورجيا سمعنا في الاونه الأخيرة عن المشاكل اللي حصلت لبعض السياح الخليجين في جورجيا وسوء المعامله بالمطار وانه يتم اختيار الركاب على حسب المزاج والتحقيق معهم واجبارهم على العوده الى بلدهم على نفس الطيارة . انا حاليا موجودة في جورجيا منذ ثلاثه ايام وهذا الكلام غير صحيح بالعكس المعامله بالمطار جدا ممتازة وطيارتنا من الكويت كان فيها الكثير من الاسر السعودية الحمدلله ختمنا جوازاتنا ومحد كلمنا ولا حققوا معانا الوضع جدا ممتاز وأمان والجو خيال حبيت افيدكم بخصوص زيارتي الى جورجيا وهذه كم صورة للتشويق على ما ارجع الكويت ان شاء الله وأسوي التقرير https://uploads.tapatalk-cdn.com/201...6bad74d186.jpg Sent from my SM-G965F using Tapatalk |
جبال القوقازhttps://uploads.tapatalk-cdn.com/201...1a84bd1334.jpg Sent from my SM-G965F using Tapatalk |
ماشاءالله مناظر جميلة وتصوير رائع الله يهنيكم ترجعي بالسلامة وتعملي احلى تقرير... [emoji259][emoji259][emoji259] أرسلت بواسطة iPhone بإستخدام Tapatalk |
اقتباس:
رافقتكم السلامة واقامة ممتعه باذن الله سؤالي لك هل ماذكر من قبل بعض الاخوان من ضرورة توفر تأمين سفر ومخطط للسفر واثبات للسكن صحيح ؟ هل طلب منكم كل هذه الاجرائات ؟ الشكر لكم |
اقتباس:
الله يسلمك يارب انا كنت مجهزة كل الاوراق التأمين الصحي وحجز الفندق وتذاكر العودة خفت من الكلام اللي سمعته لكن عند الجوازات محد سأل عن الاوراق ولا طلبوا اي شي ختموا الجوازات وطلعنا على طول حتى العوايل السعودية اللي كانوا معانا محد طلب منهم العفو ماسويت شي |
اقتباس:
ان شاء الله احلى تقرير جورجي Sent from my SM-G965F using Tapatalk |
ماشاءالله ان شاءالله اتحببيني فيها وناطرين التقرير |
صباح النور ما شاء الله الحمد لله انك امورك مشت تمام اختي الايمان جورجيا بلد انت وحضك ممكن تعدي من الجوزات في اقل من 3 دقائق وممكن ترجع في نفس طيارتك لا يوجد قانون ولا يوجد احترام للسياح من يومين معتقلين شخص سعودي في باتومي بسبب علاج الصداع (بنادول) ومتهم انه يحمل مخدرات واطفاله واسرة متبذلين هناك الله يفك اسرة في جورجيا ممكن ترى ان الوضع طبيعي وما فيه شي بس تقع في مشكلة تبدا سلسلة المعاناه الله يحفظكم و يبعد عنكم المشاكل ويرجعكم سالمين غانمين الى دياركم |
معقولة شي مقلق :e020: |
أحمد العبدالله - الرياض تسبب مسكّن "فيفادول" في توقيف أحد المواطنين السعوديين بجورجيا ومنعه من السفر أو إجراء أي اتصال وتوجيه تهمة تهريب المخدرات له. وتفاعل مغردون مع وسم بعنوان #مواطن_محتجز_في_جورجيا، وتمكنت "سبق" من الوصول للمواطن ونقل جانباً من معاناته؛ حيث قال المواطن سليمان المسعري لـ"سبق": "سافرت أنا وأسرتي إلى جورجيا؛ لقضاء الإجازة الصيفية للاستمتاع بأجوائها، ولم يكن يدور ببالنا أنها ستكون تجربة من أصعب وأقسى التجارب في حياتي وأسرتي ووالدي الذي رافقني". وأضاف "المسعري": "بعد أن وصلت إلى المطار وتم تفتيش الحقائب عثروا بداخل إحداها على مسكّن "فيفادول" يستخدمه والدي الذي يعاني من آلام الظهر "الدس" ويحتاج إلى ذلك المسكن للتخفيف من الآلام التي يتعرض لها". وأردف: "تفاجأنا بأسلوب المعاملة الذي تلقيناه من قبل العاملين في المطار، وتم إيقافنا لمدة 6 ساعات أنا ووالدي وعزلونا عن أطفالي وزوجتي، وبعدها طلبت شريحة إنترنت أو طريقة التواصل مع سفارتي إلا أن محاولاتي باءت بالفشل، ولَم ترد عليّ السفارة رغم محاولاتي واتصالاتي". وتابع: "أخرجونا من المطار وركبنا إحدى دوريات الأمن، ووجهت لنا تهمة تهريب مخدرات، وبقيت زوجتي وأطفالي في المطار لولا تدخل عائلة سورية لا أعلم كيف أجازيهم على صنيعهم، واستضافت أسرتي وأمنت لهم السكن والمأكل وزودوني بشرائح إنترنت للتواصل مع سفارتي". وبيّن: "بقينا 6 ساعات أخرى في القسم وأحالونا بعدها لقسم العينات لتصويرنا وتبصيمنا لإجراء فحص، وألزمونا بدفع غرامة مالية تتجاوز 500 دولار، وما زلنا حتى هذه اللحظة في معاناة لم نجد لها حلاً، وتم منعي من السفر رغم عدم وجود أي ملاحظات وسلامة الكشف الطبي". واختتم حديثه بمناشدة سفارة خادم الحرمين بجورجيا التدخل العاجل لإنقاذه من الابتزاز الذي تعرض له وسوء المعاملة والغرامات المالية وانقطاع أخبار أسرته عنه. https://sabq.org/z2F3Nf |
الله المستعان |
اقتباس:
قريبه ورخيصه وتغيير جو |
اقتباس:
جزاك الله خير على الدعاء ولك بالمثل يارب امس كنت في رحله الى جبال القوقاز ماشاءالله مليانه عوايل خليجيه ومعاهم أطفال والله كنا مستانسين ومحد كلمنا واليوم كنا في بحيرة السلاحف والله ماشفنا شي يضايقنا ماادري لو الكلام اللي في تويتر صحيح كان مالقينا هالعوايل الخليجيه والله اعلم |
اقتباس:
|
اقتباس:
|
اقتباس:
|
اقتباس:
|
اقتباس:
وش وراهم !! الظاهر انهم مايعرفون الادويه والعلاجات من زين طبيعتهم وحلاوة اجوائهم ! شافوا الباندول وقالوا مخدرات :e30f: اجل لو يشوفون الاكياس اللي مع كل واحد منا وش يبون يقولون ؟ مافيا مخدرات :24: |
الحمد لله على السلامة ايمان اقول مختفية وينها اثاريك بجبال القوقاز تقرير جاء بوقته كثير من الناس تفكر بالسفر الى جورجيا والاحداث اللي صايرة خلقت نوع من التشويش على السياح رحلة سعيدة وبانتظار تقريرك |
اقتباس:
ان شاء الله اذا رجعت الكويت اضبط الصور واسوي التقرير الله يسلمك يا بوغسان |
لاحول ولا قوة الا بالله الله يفك اسره ويرجعو بالسلامة |
اقتباس:
بس اشلون انقطعت اخبار اسرته عنه وهو مرسل للسفارة وللصحيفه اشلوون عرف يكلم الصحيفه والسفاره وما قدر يتواصل مع اسرته مع انه يقول ان السوريين وفروا له الشريحه احس ان المشكله بسيطه بس هو حب يكبرها ويزيد عليها |
اقتباس:
ماعرفنا راسل السفاره والا لأ اخوي الردادي في ناس وايد تنقل الاخبار وتزيد عليها اكثر واكثر فلا تصدقهم الا لما الواحد يروح ويجرب انا اخوي راح اهو وعديله مريض معاه ادويه كثيره ما جابو سيره اي توقيف او سؤال بخصوص الادويه وترى حتى عندنا بالخليج اذا سألوا ورد عليهم المسافر بغضب تلاقيهم يعاملونه بعنجهيه شكراا لك مشرفنا على نقل الخبر والله الواحد ماوده مسلم يتعرض للاهانه من اي شخص |
الله يسهل امور كل المسافرين اموون ويسعدكم وننطر التقرير العود |
اهلا وسهلا فيك يالنشمية متعودين عليك بالأردن بس هالمرة الوجهة غير جورجيا جميلة وتستحق الزيارة والفترة الأخيرة زادت الشكاوى من تعامل موظفين المطار فقط بعكس أهلها اللي تعاملهم كان جميل معنا ولكن الحاجز الأكبر هو لغتهم وعدم تقبلهم للغة الانجليزية مسخيتا او مشقيتا جميلة لا تفوتي زيارتها فهي قريبة من تبليسي رحلة سعيدة وبانتظار التقرير الموعود تم الإرسال من SM-G955F باستخدام Tapatalk |
اقتباس:
|
اقتباس:
|
اقتباس:
والله محد كلمنا |
اقتباس:
|
اقتباس:
ان شاءالله الأردن على عيد الأضحى كلامك صحيح جورجيا جميلة جدا ورخيصة وايد لكن مشكلتهم اللغة ان شاءالله خلال السنوات القادمة يتغلبون على مشكلة اللغة ويتعلمون مستخيتا رحنا لها امس وايد حلوه لاتباعد شوف التقرير |
هلا بك أختنا الإيمان لها وحشه جورجيا [emoji7][emoji7] صور رووعة ماشاء الله وبنتظارك حين عودتك إن شاء الله لتكملت التقرير الجميل صحيح لا يوجد سفارة سعودية في جورجيا وأقرب سفارة في البوسنة تم الإرسال من SM-G965F باستخدام Tapatalk |
اقتباس:
ان شاءالله اضبط الصور واسوي التقرير :e032: |
انا سافرت ل جورجيا مرتين المره الأولى كانت في جولاي 2017 كان الدخول عبر مطار تبليسي عادي جدا فقط لما شاف الجواز سعودي جلس يتأمل فيه و يتفرج على التأشيرات بصمت وختم لنا دخول بملامح جامده. المره الثانيه في نوفمبر 2017 عن طريق باتومي طبعا وقفنا في اللاين و لما جانا الدور شافت الجواز و سألتنا انتم من السعوديه و على طول تتكلم بالمايك وتنادي ضابط جوزات و تقوله سعوديين و كان فيه عيله عمانيه ماخذين جوازاتهم وجالسين ينتظروا في الصاله , المهم اخذ جوازاتنا انا و زوجي و جلسنا في صالة المطار و هما معاهم جوازاتنا في غرفه زجاج و يتأملونا و يتكلموا يمكن نص ساعه او اكثر و الحمد لله كانت اعصابنا هاديه و مروقين الحمد لله كنا جايين من اسطنبول قلنا لو رجعونا راح نرجع اسطنبول طبعا سألونا أول مره تيجوا جورجيا قلنا لا, و بعدين أخذوا اسم المرشده السياحيه و السواق اللي كانوا ينتظرونا خارج المطار وبعد ما خرج كل الركاب و ما كان في الصاله غيرنا اعطونا جوازاتنا و خرجنا . وهذي تجربتي في دخول جورجيا مرتين من مدينتين مختلفه. و ربي يكتب السلامه للجميع و يتمتعوا بإجازه سعيده. |
اقتباس:
خذوا جوازاتنا وخلونا نص ساعه بعدين رجعوهم الحمدلله انهم رجعوا جوازاتكم وخلوكم تدخلون حياج الله بالتقرير ان اضبط الصور واسوي التقرير Sent from my SM-G965F using Tapatalk |
ربي يسلمك حبيبتي اكيد راح يكون تقرير حلو ترجعوا يالسلامه يارب أرسلت بواسطة iPhone بإستخدام Tapatalk |
الحمدالله على السلامه الايمان وو ان شاءالله ناطرين التقرير 😁 وو ممكن يكون التدقيق على الجوازات السعوديه لعدم وجود سفاره تختلف التعاملات على اختلاف العلاقات الدبلوماسيه بين الدول |
جورجيا سابع دولة في الامان مصنفة عالميا والامن فيها ممتاز ولا تحصل حد شارب في الشوارع ولا اي مضايقات والشرطة كثيرة والشعب يحترم القانون جدا .. انا زرتها مرتين مع العائلة ولا مرة تضايقنا من شي مع انه نضل في الاسواق الى وقت متأخر من الليل ..وفي مدينة باتومي الكورنيش عندهم لا ينام للصباح وجميل جدا وآمن جدا بلد جميلة وشعبها خلوق والمعيشة بها رخيصة جدا .. ولا يوجد عندهم استغلال للسياح أبدا والاسعار متساوية في اي مكان ولا يعرفون الاسعار السياحية او اي استغلال .. وكل طعامهم طبيعي ولا يوجد عش أبدا .. الصراحة أنا شفتها أفضل من أذربيجان وتركيا .. وانصح بزياراتها ويلي يرغب أن ازوده ببرنامج كيف يطلع للزيارة انا حاضر وشكرا |
شكرا ع التوضيح |
اقتباس:
ان شاءالله يعجبكم التقرير |
اقتباس:
تصدقين طيارتنا نصها سعوديين ماشاءالله لما تعرفنا على بعض العوايل كلهم من المنطقة الشرقية والله كلنا مرينا ماصار معانا أي مشكلة الحمدلله |
| الساعة الآن 07:09 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO