|
مسافر ل جورجيا في جولاي السلام عليكم مسافر لجورجيا في جولاي لمدة خمسة ايام وما عندي برنامج محدد وودي ازور تبليسي و باتومي في الي عنده مخطط لهم ياريت يرسله وهل استئجر سيارة بنفسي او اخذ لي سواق |
وعليكم السلام ينقل لبوابة جورجيا |
5 ايام انصحك تكتفي ب باتومي . الطريق بين تبليسي و باتومي اكثر من 4 ساعات بالقطار . و بالسيارة اكثر من 6 ساعات لأن الطريق غير جيد . اذا ما حجزت رحلتك انصحك تحجز على باتومي ذهاب و عودة . واذا مصر تزور المدينتين احجز ذهاب على تبليسي و عودة من باتومي و رح من تبليسي الى باتومي بالقطار . طيران ناس عنده رحلات مباشرة الى باتومي . و تقدر تكتفي ب باتومي و تروح يومين طرابزون في تركيا تبعد ساعتين بالباص من باتومي . الخيارات كثيرة شف وش يناسبك . وما يحتاج سواق لأن المدن صغيرة و التكاسي والباصات رخيصة . و لو حبيت تستاجر سيارة استاجر بدون سائق طبعاً . السائق ماله لزمة و يثقل عليك و يفقدك الخصوصية غير انه زيادة مصاريف . و الديرة شوارعها مافيها زحمة و سكانها قليل |
اهلا بالبناخي .. ياحيالله خمس ايام ياوجه الرفيق ماتكفي ابد .. انت مسافر دولي ودافع حول 2000 وشوي تذاكر .. خمس ليالي قليله .. تبليسي جميله وانيقه والتجول فيها بالتكسي والامور سهالات ولاهنا غلا .. ويكفيها يومين صافيه غير يوم جيتك .. وبعدها رح عند الجسر اللي على النهر وعلامته الفارس ابو فرس (تمثال) جنبه عشرات المكاتب لتاجير السيارات اكتب بقوقل رنت كار ويطلعون لك .. ( انتبه لاتاخذ الا من شركه دوليه) سكست او يورب كار او غيرها يعني لاتاخذ من مكتب محلي لمشاكل عدم معرفه التامين .. ثم لا اصبحت بدري انطلق مع طريق باتومي تراه حول 6 ساعات وضيق ويمر ملايين القرى ويبي طوله بال .. لين تاصل باتومي .. واسكن جنب البحر .. فيه منطقه جبليه اسمها كوزبكي ماهي بعيده عن تبليسي تروح وترجع بنفس اليوم لازم تشوفها روس الجبال بيض من الثلج وتجربه حلوه ( ماهي على طريق باتومي ) هذ وحفظكم الله في حلكم وترحالكم لاتنسى ان رحله للجبل تمر اللي يبيعون العسل شي .. رايق |
عليكم السلام ما قصروا الشباب اجابات وافيه انا بس بعلق على ايجار السيارة انا افضل انك ما تستاجر سيارة فيها تقودها بنفسك لان النظام عندهم يفتح الله لصار لك شي كل واحد ينفض يده منك حتى التأمين عندهم الكثير من الشركات يقولك مؤمنه وهو يكذب خصوصاً الشركات المحلية لذلك كون حذر من هذه النقطه |
الله يعطيك العافية .. مجهود تشكر عليه |
دليل سياحي فقط افضل النقل العام رخيص جدا وسيارة الاجرة ايضا |
اقتراحنا للجدول مبني على المطار اللي انت بتروح له وانت ما حددت المطار . هل هو مطار تبليسي ولا مطار باتومي . مثلاً اذا كنت بتروح على مطار باتومي ذهاب و رجعة ما يسوى تروح ل تبليسي 6 ساعات بالسيارة وانت ماعندك الا 5 ايام . الأفضل اجلس في باتومي واذا تبي تغير المدينة رح لطرابزون اجلس فيها يومين . تعبر الحدود على الأقدام ثم تركب اقرب باص ب 30 ليرج او اقرب تكسي ساعتين من الحدود وانت في وسط طرابزون . واذا تبغا مدينة ريزا التركية بينها وبين الحدود ساعة وحدة فقط |
بالتوفيق ورحلة سعيدة:e32f: |
5 ايام ما تكفي ابدا لجورجيا، فيها مدن كثيرة تستاهل الزيارة "تبليسي - جوادري - كازبجي- برجومي - باتومي" و غيرهم، برأي اقل شي 10 يام 4 منهم لباتومي. بالتوفيق،،، |
| الساعة الآن 10:51 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO