شبكة و منتديات العرب المسافرون - ابي رايكم و نصايحكم في السفر الى جورجيا

- بوابة جورجيا و اذربيجان (https://www.arabtrvl.com/vb/f306.html)

ابي رايكم و نصايحكم في السفر الى جورجيا

ايعد الله اوقاتكم بكل خير

بعد تردد بين جورجيا و تركيا و البوسنه

الاحتمال جورجيا

راح اسافر بعد اسبوعين تقريباً
انا والاهل 3 اطفال .
من الرياض طبعا
اعزائي ؛
ابي ارائكم ونصايحكم

وايش افضل طيران احجز عليه
وكيف البلد من ماحية الامان
و من ناحيه الاسعار
وكم تكلف رحلتي تقريبا
و كم يوم يفضل من 7 - 9 ايام تقريبا

لكم كل الحب والتقدير

لسلام عليكم اخ ابو حمد

بالنسبة للطيران ، انا سافرت من دبي على طيران اذربيجان لاني توقفت في اذربيجان كمن يوم في الرجعة.

اما بالنسبة لمدة الرحلة ، كل ما كانت اطول يكون احسن لان جورجيا فيها تنوع سياحي فيها المدن مثل تبليسي و مدينة باتومي الساحلية الرائعة و فيها القرى الجبلية مثل غوادري " لكن اخاف يكون الجو شوي بارد في الوقت اللي رايح له" و في مدن جبلية حلوه مثل برجومي .

بالنسبة لي رحلتي كانت 16 يوم ثلاث ايام تبليسي ثلاث ايام غوادري يومين برجومي خمس ايام باتومي و بالرجعة يوم تبليسي بعدين دخلت باكو في اذربيجان ثلاث ايام "وايد عليها تستاهل يومين و بس"

اهم شي تتأكد ان الجو ما يكون بارد في مدن مثل غوادري و برجومي ، انا رحلتي كانت بين شهر 7 و 8 و كان الجو بارد شوي في الجبال.

التكلفة طبعا حسب الفنادق و اذا بتتسوق او لا ، في جورجيا بتحصل بضايع حلوه و الاسعار اقل من نص الاسعار في دول الخليج.

رحلة موفقة مقدماً،،،

نسيت اضيف شي ، التنقل داخل تبليسي الافضل يكون عن طريق سيارات الاجرة و خارج تبليسي كلم اول فندق ينسق لك عشان تستأجر سيارة و استخدم جوجل ماب.

بالنسبة للسكن ممكن تستأجر شقق مفروشة.

في تبليسي Apartment Dat Exx on the Marjanishvili

في غوادري Ski House Bluebird

كل الحجوازات كانت عن طريق بوكينج