|
بين كوسوفو وكازاخستان جورجيا🙄 السلام عليكم يسعد مسااء الجميع زمان عن التقارير والصور والتنسيقات وعالم المنتديات فتحت الموضوع لعلي اتشجع وانزل تقرير بحاول بعديين استرجع كيف كنا ننزل الصور ..... تراا جوجيا موأكيد<<اطلعي برااا ادري من شهر وانا صاجتكم بكل المواضيع وين اسافر وين اسافر اجازتي ووطيران مباشر وياهوو وكأني اشوف نفسي اخر شي ب أبها واسير عالمدينه المنوره ..... قبل الكورونا كانت الحيره كوسوفا والا كازاخستان بلدتيين مالهم ذكر عند ربعناوسبحان الله مافتح الطيران الاكوسوفا والبانيا وصارت معلومه للجميع هالدولتين ودخلت عالخط اوكرانيا بعد ماالغوو التأشيره ..... ذكروني اصور لكم دفتر التخطيط واذا احد نوى كازاخستان يجيني يسأل مسويه عنها تقرير بدفتري ههههه حاليا ساعه جورجيا ساعه اوكرانيا لا لا خلها البانيا وكوسوف ناخذ العيال والا نخليهم عند اهلي <<برج الميزان والحيره الدائمه ..... نجي للزبده << مابغيتي مكتب سياحي الو سوي لي بكج جورجيا .. تكرم عينك .. لالا امزح يقولوو ابشر وحاضر كل مكتب اعطاني مناطق غير واقرا بالتقارير واضيع انا وين وش هالقريه هذي قريبه من باتومي والا تبليسي والا هم يحطوو مناطق من راسهم يحسسوك انهم بياخذووك اكثر من مكان وهي محصوره بين باتومي وتبليسي احسهم وهم يعددوو لي مناطق كأن قصدهم الشرقيه وبتروحي من الخبر للدمام وكذا عسى فهمتوو حتى انا مافهمت لنفسي:20::20: ...، اعطوني يومين بس واجي اخطط معاكم اللي ناوي يسافر بالعليد يجي هنا خلاص خلونا نرسى على بر كلنا جورجيا اوكرانيا مابها فعاليات:24: |
عليكم السلام امس راجع من جورجيا أي سؤال انا حاضر باختصار البلد بسيط جداً ودون المأمول النشاطات السياحية محدودة جداً البنى التحتية متواضعة المطارات اذا الشخص ما هو متعود على السفر والتنقل في مطارات العالم راح تكون صدمة له من بداية الرحلة الفنادق الزينة قليلة جداً واسعارها مرتفعة بالنسبة للبلد الأسواق متواضعة الى حد بعيد المطاعم والاكل الحلال متوفر صرافين العملة في كل مكان الأسعار رخيصة الجو في النهار حار وفي الليل جميل الشعب طيب والامن ممتاز الخلاصة البلد حق كشتات من مايو الى نهاية يونيو ومناسب للناس اللي تروح الأرياف والباقي فقط ترويج من الشركات السياحية والأفضل عدم تخصيص رحلة خاصة وانما يضاف له بلد اخر مثل تركيا او أذربيجان او حتى أوكرانيا ليست بعيدة من هناك |
اقتباس:
عاد مره جوي مو حق ارياف استمتع لحظات وانا اشرب استكانة الشاهي وبعدها خلاص ابي اسري ااذربيجان حاليا مغلقه وتركيا كمان والا كان ودي اروح الشمال التركي دامه قريب |
حتى أذربيجان ليست ببعيد عن جورجيا صح الفنادق والأسواق ارقى شوي لكن ليس كثير اما في الطبيعة جورجيا احسن من أذربيجان بكثير |
اذربيجان رحتها جاني ملل شديد مافي شي اكبر مدينة العاب عندهم جات اولادي صدمه كلها لعبتين وحقات اطفال صغار واذربيجان الان مغلقه مافتحت للسعوديين والا انا غلطانه؟ |
الله الميسر ان شاءالله تسافرين بعد ما تقررين وين بتروحين والاهم التقرير المفصل لنا |
ان شا الله دعواتكم لنا ولكم بتيسيير الأموور |
كيف انزل فيديووو ياجماعه ؟؟ واذا دخلت مركز تحميل الصور اختار رابط المنتديات والا الصوره مباشره << واضح زمان عن المنتديات بعد ماكنت اعلم الناس :15: |
الفيديو لازم يكون على اليوتيوب وبعدين تحطين الرابط له اما الصور انا استخدم رابط الصوره مباشره |
اقتباس:
|
| الساعة الآن 12:14 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO