|
تقسيم الايام والمدن في جورجيا السلام عليكم رحلتي لجورجيا بتكون ١٥ يوم ان شاءالله بدون الذهاب والعودة وابغا تقسيمة حلوة للايام بين تبليسي، القوقاز، باتومي ، بورجومي ، باكورياني ، كوتايسي هل في منهم اقدر اروحها بنفس اليوم وارجع او لا ؟؟ هل عدد الايام يكفي او لا ؟؟ وهل المدن الاخرى اقرب لتبليسي او باتومي حاولت استاجر سيارة من تبليسي لباتومي بس ماكان متوفر ايش في مواقع تنصحوني استاجر منها وهل المدن الثانيه استاجر لها سيارة ولا لا ؟؟ اعتذر ع كثرة الاستفسارات وشكرا جميعا |
اهلا بك طبعاً فيه شباب سافروا هالأيام وبيفيدونك سواء أخونا أحمد آل مقبل أو أبو عبدالله أو الردادي ولكن حبيت أضيف شيء لحين تصلك الإجابات الشافية 3 أو 4 أيام تبليسي متضمنة القوقاز 3 أيام برجومي متضمنة باكورياني 2 يوم كوتايسي 3 أو 4 أيام باتومي فيه فكرة ثانية لربما تناسبك لو تختصر بعض أيام الجدول السابق وتخصص يومين ثلاثة تروح لطرابزون بحيث تروح لها من باتومي والمسافة ساعتين الاقتراح الأخير يخضع لظروفك والأهم تعليمات الجهة المعنية في بلدك إذا مسموح دخولك لتركيا ففكر فيها بالتوفيق |
وعليكم السلام بما أني من المسافرون العرب السابقين لجورجيا س / هل 15 يوم كافية ؟ ج / نعم كافيه جداً وأنا انصحك تعطي تبليسي يومين فقط ثم عليك بالجنوب الجورجي والافضل مدينة باطومي ولاتنسى قمة الجبل باخمارو Bakhmaro وتمشي لها بدري الصباح وفي القمه منتجعات اذا انك تفضل المنتجات وطرابزن قريبة منك اذا تفضل زيارة تركيا ايضاً على العموم خصص 10 ايام جنوب جورجيا لأنها الافضل من وجهة نظري ، اجازه سعيده ان شاء الله |
اجازة سعيدة باذن الله ولا تنسانا من التقرير والصور الجميله |
ولاتنسى تسوي لنا تقرير اخوي dark,love عشان اخوانك العرب المسافرون يستفيدون .... شكرا لك |
عليكم السلام اشوف 10ايام كافيه عليها ما فيها شئ مميز سوى الطبيعه في بعض المناطق معك أطفال معك كبار سن شخص ما اخذ اللقاح أنصحك تأجل الوضع الصحي غير جيد وما فيه التزام بالاجراءات الاحترازية والاحصاءات لعدد الاصابات غير دقيقه . الحمد لله من قبل ومن بعد رجعت مصاب بكورونا من هناك رغم اخذي جرعتي لقاح فايزر قبل حوالي 4اشهر |
اقتباس:
|
الله يرفع عنك ياخوي الردادي اجر وعافية |
اقتباس:
|
اقتباس:
|
اقتباس:
تركيا ممنوع السفر لها حاليا ☺ |
كوتايسي كم يوم يكفيها ؟ |
اقتباس:
اقتباس:
|
اقتباس:
|
بقول كلام غير كلام الاخوان هنا ( وان كانوا اعرف مني) لاتقل دائما ( كيف اوزع الايام والجدول و وو ) رح هناك واجلس بتبليسي واستمتع .. روقت .. اطلع للي بعدها .. ممكن تجلس فيها يوم ويمكن 3 ايام حسب جوك بالمدينه ذي واستمتاعك فيها السفر متعه اساسا .. / على النهر جوار منطقه الجسر هناك مكاتب كثيره تاجير سيارات .. تلقها بقوقل جنب بعض انصحك باخذ سياره من ايورب كار .. هالشركه جربتها في 4 او 5 دول ولاتعرضتني معهم مشاكل ابدا وخذ تامين شامل *لا تستاجر من المكاتب المحليه ولو كانت ارخص |
اقتباس:
|
الشركات العالمية غالية عندهم بعض الشي إذا حجزتها من المكتب او من موقع الشركة حاول تحجزها من موقع رنتال كار يطلع الفرق كبير كنت ابغى احجز سيارة تويوتا يارس من افيس طلعت تكلف من الشركة حوالي 1650ريال بدون رسوم الطريق الواحد وقدرها 100دولار كلفت عن طريق الموقع الوسيط رنتال كار 1120ريال لنفس المدة ومن نفس شركة افيس وبدون رسوم الطريق الواحد الشركات المحلية أرخص بكثير وبعضها يؤجر موديلات قديمة واسعرها رخيصه مرة بس ما تدري كيف تعاملهم لو وقع للسيارة ضرر حتى التأمين يتلاعبوا فيه وربما يكون غير موجود اصلا الخلاصه السيارة لا تاخذها الا في الايام التي تكون خارج المدن تبليسي و باتومي دخل المدن تبتلش فيها ما فيه مواقف والقيادة عشوائية عندهم والتطبيقات مرة رخيصه ويجيك سريع وفي اي مكان داخل المدن الافضل هو تطبيق bolt |
اقتباس:
|
| الساعة الآن 02:29 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO