|
تأمين عشان جورجيا ؟ أخوي نواف فزعتك بأرخص تأمين عشان جورجيا ؟ |
اهلا بك جرب تكافل الراجحي أو الصقر وأعتقد إذا طلعت بطاقة السفر بلس الراجحي ممكن تطلع تأمين مجاناً علماً أن البطاقة مجانية بالتوفيق |
أشكرك أخوي نواف معي بطاقة سفر بلس الراجحي لكن بصراحة ما اعرف التأمين وهل يمشي في جورجيا ؟ بحيث يكون أكيد وموثوق |
أي تأمين يمشي ونسبة 99٪ محد بيسألك ولكن الاحتياط واجب |
الشكر لك اخوي نواف أنا اظن انهم راح يسألوني لأني راح اوصل بكرسي متحرك فبيقولون هذا مريض ابشوف تأمين وتتيسر ان شاء الله نبغى فزعتك في منتجع أو مكان صحي أو هادي كويس في تبليسي أو حولها والسعر يكون مناسب وألف شكر لك |
الف سلامة عليك والتأمين مبلغه بسيط فيه منتجع حول تبليسي ما قد سكنت فيه بس يمدحونه اسمه ( لابوتا ) وفيه حول باتومي يمدحونه اسمه ( باراغراف ) المنتجعات دائما مرتفعة الأسعار فحاول تبحث بالنت عن شركة سياحية يمكن تلاقي عندهم عروض على المنتجعات بالتوفيق |
انا رايح جورجيا في 5 يوليو ان شاء الله ومكتب السفر قال لي لا تطلع تأمين خسارة على الفاضي ولا تقلق منه غير مطلوب لذلك ما طلعت تأمين وعلى الله تتيسر الامور |
اقتباس:
ولو إحتجت لا سمح الله هالتأمين يغطي تكلفة علاجك وأي مسافر لأي دولة أرى من الواجب أن يكون معه تأمين صحي . حفظنا الله واياكم ، |
اقتباس:
ولكن هل يمديني اطلع الان وش ارخص شركة علما ان الرحلة 10 ايام فقط وانا مسافر على طيران ناس لاني سمعت انه فيه تامين طيران ناس ولا ادري لاهنت |
اقتباس:
أخي الفاضل عذير بن شداد أستفسارك عن التأمين سبق رد عليه الأخ نواف بالتفصيل و ذكر الشركات و ذكر حتى تأمين البطاقات الأئتمانية و سنجد الردود في المشاركات أعلى الموضوع نواف ذكر تجربة تكافل الراجحي أو شركة الصقر و ما أعتقد أن التأمين مكلف لدرجة تؤثر على ميزانية السفر |
اقتباس:
اذا دخلت على حجزك في طيران ناس تلقى خيار إضافة تأمين وتأكد من السعر وعندك تكافل الراجحي أعلى باقة ب 150 ريال والتعاونية ب 320 وميدغلف والوطنية وغيرها الكثير من الشركات. |
اقتباس:
وشكرا لاهتمامك لكن سؤالي هذا اول مرة اطرحة ورجعت لقيت فيه سائل غيري وعموما المسافر دائما يحب يعرف ويسأل الاجواد اللي امثالكم .. فارجوا انك توسع صدرك علينا حفظك الله .. |
اقتباس:
طبعاً أخوي أنت طرحت أستفسارك في موضوع سبق طرحه من قبل عضو غيرك و أستفسارك تقريباً نفسه عن أرخص أو أفضل شركات التأمين و ردي عليك هو أن الأستسفسار سبق الرد عليه و المقصد أن تستفيد من الرد … و من ناحية سعة الصدر ترا و أنا أخوك تواجدنا هنا للرد على الجميع دون أستثناء و لوجه الله تعالى |
شوف هذا رابط لتأمين جورجي أتذكر كان سعره حول 6 ريال عن كل يوم ما جربته لكن كثير جربوه ويمشي حاله إذا يهمك التغطية الصحية خلك على تأمين سعودي https://online.tbcinsurance.ge/en/tr...ce-for-georgia شوف الأصلح لك وتوكل على الله ومثل ما قالوا الأخوة التكلفة بسيطة على الأقل ما تقعد بالطيارة وأنت متوتر ولاّ أغلبنا طلعناه ولا أحد سأل ولكن صعب ننصحك بشيء غير النظام بالتوفيق |
بالنسبة لي طبعت التأمين تبع فيزا (سفر بلس) ونقول تتيسر ان شاء الله ولو نشبو لي أبحاول معهك و ابقول اللي تبغون وادفع فلوس تأمين وإذا اقدر اسوويه عالسريع من جوالي شكرا للجميع وأخوي نواف خصوصا |
جربت موقع تأمين من الرابط تبع أخوي نواف في دقيقة التأمين الرابط https://online.tbcinsurance.ge/en/tr...ce-for-georgia رحلتي = 7 أيام المبلغ = 10.50 يورو = 43 ريال تقريبا وممكن يفك أزمات في المطار :) |
إن شاء الله اموركم ميسرة وما تحتاجون له .. وترافقكم السلامة |
حبيبنا أخوي نواف وكل التوفيق لك |
| الساعة الآن 12:39 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO