|
مشورتكم لرحلتي لجورجيا السلام عليكم ورحمة اللله وبركاته عليكم جميعا حبيت اخذ رايكم ياجماعة الخير برحلتي ان شاء الله مع العيال الى جورجيا باذن الله 3-8 اطلعت على التقارير والحمد للله استفدت الكثير بس استفسار بخط السير ونصايحكم بوصل تبليسي باذن الله 3-8 الظهر يوم تبليسي يومين كوداري حجزت يومين عشان جبال القوقاز برجومي يومين في منتجع او تنصحوني في باكورياني 3 ايام باتومي 2 يوم تبليسي او رايكم اوصل من تبليسي والعودة للوطن من باتومي احتاج نصايحكم ولكم كل الشكر |
اهلا بك خط السير والتوزيع حلو والرجعة من باتومي أكيد أفضل بس في هذه الحالة اعطي تبليسي أكثر مثلاً أول يومين تبليسي ثم تكمل بنفس تخطيطك باكورياني وبرجومي بينهم نص ساعة تقدر تسكن في واحدة وتزور الثانية مو ضروري تتنقل بالفنادق بينهم بالتوفيق |
شكرا أخ نواف على ردك وإن شاء الله أكمل حجوزاتي لك مني كل الشكر والتقدير |
مساء الخير تحملوني يالربع على أسئلتي ومنكم نستفيد في جبال القوقاز أفضل الفنادق وين السكن وهل أسكن في كازبجي أو غودواري |
اهلا بك لا تنحرج من الأسئلة نحن هنا نعين ونعاون بعض غوداوري وكازبجي بالقوقاز المسافة بينهما تقريباً 30 - 40 دقيقة غوداوري أول القوقاز أما كازبجي آخر حدود القوقاز بصراحة كلها جميلة وحلوة يمكن كازبجي أبرد بشيء بسيط عموماً القوقاز كله طريق واحد كل شوي بتجيك منطقة أو فعالية سياحية إذا تهمك هذه النقطة فالأقرب غوداوري لتبليسي في جميع الأحوال منت ندمان أهم شيء أختار السكن المريح لك وهذا رابط تقرير عن القوقاز حاول تطلع عليه لعله يفيدك ويساعدك https://www.arabtrvl.com/vb/t50882.html وفي هذا الرابط تغطيتي لأحد فنادق غوداوري https://www.arabtrvl.com/vb/t50534.html بالتوفيق |
عساك على القوة اخوي نواف اشكرك على تفاعلك وللامانه استفدت من ردودك الكثير واطلعت على مواضيعك استفسار أخير قريت عن مدينة كاخيتي وانها مدينة ريفية وجميلة تنصحني فيها ؟ واذا تنصحني فيها اضيفها لرحلتي شنو تتقرح عليي يكون جدولي بالترتيب اكيد بالاول تبليسي بس الي قريته كاخيتي عكس اتجاه جبال القوقاز غودواري لك مني كل الشكر والتقدير والامتنان |
مساء الخير انا شفت موقع تأمين طبي لجورجيا اليوم ب 1.5 يورو للشخص الواحد بس مدري عن الموقع اذا أحد جربه يفيدنا https://online.tbcinsurance.ge/ar/tr...ce-for-georgia |
اقتباس:
للأسف ما عندي معرفة بها وبشكل عام انتبه لوضع الطرق هناك بحيث الانطلاق في اتجاه يقابله جهد للعودة والأهم مدة رحلتك تسمح لكثرة التنقلات بين المناطق |
اقتباس:
ايه هذا يسمونه التأمين الجورجي تعامل معه كثير من المسافرين وطلعوه بالنسبة لي ما قد تعاملت معه بس مجرب وثقة شوف أي تأمين رخيص .. وأتوقع هذا أرخص شيء غالباً محد بيطلبك التأمين ولكن خلك نظامي ورسمي أحسن |
يعطيك العافية اخوي نواف وشاكر ومقدر تفاعلك معاي وسرعة ردودك تاج على الرأس الحمد لله خلصت حجوزات الطيران الوصول تبليسي والمغادرة من باتومي عندي كم استفسار ربي يحفظكم - نصيحتكم بسكن عوائل في تبليسي لان احترت كثير وحجزت فندق بس شفت رواد الفندق وخاصة من السعوديين يذموه - إذا احد عنده رقم مكتب ممكن اتعامل معاه ايجار سيارة مع سواق انا لقيت رقم سواق من الرحالة ابو صالح سيارة فان ب 130 دولار في اليوم - وهم نصيحتكم بسكن عائلي لمدينة باتومي ولكم كل الشكر والامتنان |
اهلا بك السكن شوف بوكينق وتابع التقييمات بقوقل ماب وعندك الصور الحديثة من الزوار لا تعتمد على سائق واحد خلي معك رقم أكثر من سائق احتياط في باتومي عندك ابراج اوربي بس لازم تختار شقة بنفسك او مجربة الأبراج فيها آلاف الشقق وبمستويات متفاوته بعضها نظيفة وأثاث جديد وبعضها العكس تماماً بتلاقي في الرابط السابق تجربتي في شقة نظيفة في اوربي أتمنى تكون لا زالت محافظة على مستواها بالتوفيق |
في نظري اوربي الابراج زحمة جدا جدا وطوابير عند الاستقبال والاصانصير تنتظر طويل لما يجيك ولو انكم عائلة الله يعينكم كل غرفة في دور الغرف الي سكنها انا نظيفة وترى كل الغرف السرير مزدوج لا يوجد فردي الا يمكن في الشقق وهي محدودة جدا وترى ما فيه شطاف في الحمامات |
فيه ثلاث أبراج لاوربي أحدثها اوربي سيتي .. برج A & C يوجد شقق بشطافات ويوجد شقق بسرير كينق مثل الشقة اللي جربتها بالرابط عموماً لا أنصح بالحجز قبل المشاهدة وكل الشقق تابعة لملاك وليست لإدارة فندق فبالتالي التفاوت بينهم واضح جداً في كل التفاصيل |
| الساعة الآن 10:48 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO