|
أحتاج سائق في جورجيا السلام عليكم ورحمة الله بعد مشاة التقارير المحفزة تم الحجز في بداية أغسطس بإذن الله. هل يمكن أن أجد في المطار سائق وسيارة؟ واذا كان لديكم تجربة جيدة مع احد السواقين هل يمكن أعطائنا رقمه مع جزيل الشكر للمنتدى الأكثر من رائع. |
اهلا بك لو عددكم يكفيه تاكسي فاعتمد التطبيقات داخل المدن الأسعار رخيصة والمسافات قريبة أما لو بتتنقل بين المدن أو تحتاج السواق لريف باتومي لما تستخدم التطبيقات اعرض عليه قول له مثلاً احتاجك يوم كامل بسعر كذا غالباً بيوافق لأنك اختصرت عليه يومية يوم بالتوفيق |
اقتباس:
وعليكم السلام ورحمة الله وبركاته الأخ الفاضل نواف دائما يعطي الكلام المختصر المفيد بس عاد أنت يا بو عزيز طال عمرك اعطه المعلومات اللي تساعده يقدم الحلول اللي تريحك . مثل مطار الوصول والمغادرة ومدة الرحلة وعدد الاشخاص عائلة أو شباب والمدن اللي ناوي تزورها "المطار مليان كدادة مثل اللي عندنا وبيرجون رأسك لا أنت فاهم لغتهم ولا هم يتكلمون عربي او انجليزي كلها صياح ومطامر في الشمع" استئجار سيارة بدون سائق خيار مطروح تأخذ راحتك :e032::e032::e032: |
بارك الله فيك وفي الأستاذ الغالي نواف. :7: رحلتي مع العائلة ثلاث أشخاص الوصول باتومي ١٠ أغسطس والمغادرة منها بعد ٨ أيام. النية أريح يوم وأتمشى في الواجهة البحرية وتجربة التلفريك. ثم في اليوم الثاني أستأجر وأطلع على تبلسي وأبدأ من هناك.. يومين في جبال القوقاز ثم العودة التدريجية لبرجومي يوم وهكذا وصولا لباتومي قبل نهاية الرحلة بيوم. المشكلة اللي أوجاهها حاليا هي في حجز السيارة.. أغلب المواقع يبدو إنهم يوهموك بعدم توفر السيارات. لأني غيرت رأيي بخصوص السواقين لأنه بالفعل تاخذ راحتك في التحرك وتغير الخطة في أي لحظة، غير إنك راح تضطر تدفع للسائق سعر المبيت في كل ليلة يقضيها معك. فالأفضل التوكل على واستئجار سيارة وبدأ مغامرة جديدة على الطريق :7::e11d: |
اقتباس:
أنا شيكت على تطبيق رينتال كارز فيه سيارات كثيرة متوفرة |
اقتباس:
بخصوص جورجيا ماقد سافرت لها لكن باذن الله طالع مع الأهل يوم 11 اغسطس وحجزت لنا سيارة نيسان باثفايندر 2012 استلامه في باتومي وتسليمه في تبليسي (من المطار للمطار) لمدة 8 ايام بمبلغ 2415 ريال استخدمت هذا الموقع للاستئجار بعد مابحث عنه وتأكدت من انه موثوق https://localrent.com/en/georgia/ وفيه موقع ثاني تكلمو الشباب عنه هنا سابقا بس مالقيت اللي احتاجه خصوصا اني ابحث عن سياره كبيره بسعر مناسب وهو https://cars4rent.ge/ الموقعين يتميزون بوجود سيارات متعدده واحجام متعددة وموديلات متنوعه تخليك تاخذ موديل قديم وتوفر مبلغ كبير سفره ممتعه وان شاء الله تحصل اللي تحتاجه في واحد منهم |
السلام عليكم بخصوص الموقع اللي حطيته كيف طريقة تسليمي للسيارة وتسليمها لهم والدفع مقدم او ممكن لما اكون هناك |
اذا ودك سائق ومرشد سياحي ابو امير اخ عراقي تعرفت عليه هناك والى الان ماشاء الله عليه يتواصل معي رحت انا والوالدة. محترم وامين ويعرفك على الاماكن السياحية واذا تبي يسوي لك جدول ماعنده مشكلة بعد. المميزات: 1) سائق حتى بين المدن نفس السعر 2) عادي يقعد معاكم لاوقات متاخرة المفروض تدفعون له لكن كان يمشي لنا لان صار بيننا عيش وملح 3) يقترح عليكم الاماكن السياحية ومقترحات لو حبيتوا تغيروا في الجدول 4) يدليكم على الاماكن الرخيصة لاخذ المقتنيات السياحية عشان محد يسوقها عليكم ابو امير: +995 574 0661 55 |
| الساعة الآن 10:27 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO