![]() |
جدول سياحي لكل من المانيا النمسا سويسرا السلام عليكم فضلاً وليس امرا ابي ترتيب جدول سياحي لكل من المانيا والنمسا وسويسرا وياليت يكون مدن مع ارياف لمدة 16 يوم من شهر مايو 2016 مع العلم انه لسه الوقت طويل بس ابي اخطط لها الرحله من بدري عشان ارتب اموري واشوف اللي يناسبني بعد اخذ مقترحاتكم العدد 5 اشخاص بحيث يكون الوصول ميونخ والعوده من جنيف وحاب ازور قارمش , بادن بادن أو فرايبورغ بيرتاسو , انترلاكن , انسي الفرنسيه اكيد راح استاجر سياره ابي اعرف مكان الاستلام والتسليم بحيث تكون المسافات قريبه ما في اي صعوبه بالتنقل من مكان الي اخر ارجو من اخواني الاعزاء المساعده والمشوره في كل شي ويمكن تعديل او حذف من نقطة الوصول الي اخره ولكم مني جزيل الشكر |
رد: جدول سياحي لكل من المانيا النمسا سويسرا السلام عليكم هناك خيار ثاني لمسار الرحله فرنسا , سويسرا , ايطاليا ارجو اختيار الانسب لي وشكرا |
رد: جدول سياحي لكل من المانيا النمسا سويسرا وعليكم السلام ورحمة الله وبركاته ميونخ وصول والتوجه مباشرة الى قارمش (2يومين ، منها تزور بيرتساو وترجع) كونستانس (2 يومين) بادن بادن (3ايام) انترلاكن (5 ايام) أنسي (3 ايام ) جنيف (ليلة العودة) ويفضل السكن خارج جنيف (فرنيه - ديفون - تواريه) |
رد: جدول سياحي لكل من المانيا النمسا سويسرا السلام عليكم انا أأيد اقتراح الاخ ابومهاب جدا جميل بس اقترح كمان تشوف يوم كامل للوقانو تستمتع ببحيرتها والحديقة اللي بجانبها والساحة اللي قدامها لن يذهب من مخيلتك يوما ما وجنيف ماناسبتني نهائيا ولا حبيتها حسيت بخنقة فيها بالذاااات للعوائل اسوأ اختيار في نظري اقترح تكون مجرد مبيت للاستعداد للسفر وطبعا انصحك بانك تقرا تقارير خبراء جنيف يمكن يقنعوك بزيارتها الله يسهلك ويسهلل لكل اللي حابين يسافرو |
رد: جدول سياحي لكل من المانيا النمسا سويسرا شكرا ابو مهاب تنسيقك رائع جدا بس حاب استفسر عن المسافات هل هيا طويله ومتعبه ام سهله بالتنقل بالسياره وهل استلام السياره من منيونخ والتسليم في جنيف عليها ضرائب ام لا وش تنصخني فيه اكيد بشوف يوم الي لوقانو مره حلوه وياليت تفيدني بالميزانيه كم نكلف من غير التذاكر وشكرا لحسن تعاونكم |
رد: جدول سياحي لكل من المانيا النمسا سويسرا اهلا أبو مشعل المشكلة لوجانو مو على طريقك خصوصا انك تحب تروح بادن بادن رأيي الشخصي بحيرات بيرتساو و انترلاكن و انسي تغني عن لوجانو ، لكن لو لغينا بادن بادن، نضبط الطريق على لوجانو لو حبيت المسافات ميونخ - قارمش 90 كم قارمش - بيرتساو 80 كم قارمش - كونستانس 240 كم كونستانس - بادن بادن 260كم بادن بادن - انترلاكن 320 كم انترلاكن - انسي 260 كم انسي - جنيف 40 كم ميونخ - لوجانو 420 كم لوجانو - انترلاكن 200 كم السيارة اكيد عليها ضرايب (200-350 يورو تقريبا) لها حل انك تسلم السيارة في اقرب مدينة المانية من سويسرا وبعدين تستاجر من سويسرا يس لازم تعمل مقارنة بينهم ، اذا الفرق مو كثير (ايجار السيارات في سويسرا اغلى من المانيا) ادفع الضرايب احسن فكر في الجدول اول وشوف اللي ترتاح له اكثر وابشر بالخير |
رد: جدول سياحي لكل من المانيا النمسا سويسرا السلام عليكم فضلا وليس امرا لو خليت الوصول ميونخ والمغادره ميلانو كيف راح يكون ترتيب جدول الرحله |
رد: جدول سياحي لكل من المانيا النمسا سويسرا هلا ابو مشعل ميونخ (وصول فقط) - قارمش (2) - بادن بادن (3) - انترلاكن (5) - انسي (3) - ميلانو (3) اطول مسافة 370 كم، من قارمش الى بادن بادن ، انسي - ميلان 340 كم |
رد: جدول سياحي لكل من المانيا النمسا سويسرا السلام عليكم بعد الاطلاع على بعض التقارير قررت جدول الرحلة كالتالي الوصول جنيف والذهاب مباشرة الي انسي لمدة (3) ليالي ثم التوجهه الي بادن بادن او فرايبورغ لمدة (3) ليالي ثم التوجهه الي انترلاكن لمدة (5) ليالي ثم التوجهه الي لوقانو لمدة (2 ) ثم التوجهه الي فنيسيا لمدة (1) ومن ثم الي ميلان لمدة (2 ) ثم المغادرة طبعا راح يكون استلام السياره من مطار جنيف من الجانب الفرنسي والتسليم راح يكون في لوقانو ارجو منكم مساعدتكم واقتراحتكم على هذا المخطط المقترح مبدئياً |
رد: جدول سياحي لكل من المانيا النمسا سويسرا حياك الله ابو مشعل مشكلة الجدول المسافة بين انسي و بادن بادن 450 كم تقريبا، بس بصراحة ما تحس فيها انا جربتها الصيف الي راح ، بس انه خط سريع ما فيه مناظر كثير يعني بس دعس ثاني شي الأفضل من انترلاكن تروح ميلان ومنها تقدر تزور لوغانو و كومو ، وبالقطار تروح فينيسيا وترجع بنفس اليوم بالنسبة للسيارة تستاجرها من مطا جنيف السويسري مش الفرنسي لأنك راح ترجعها في لوجانو |
الساعة الآن 09:20 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO