طبعا هذي أول مرة أسافر
وأستاجر سيارة بالخارج

وكنت قلقان من تطبيق النظام المروري
ومعرفة الاشارات والعلامات
وشايل همها

ولكن والله شيء ممتع جدا
السواقة هنا غييير
مع الجو والطبيعة والمطر
صح اني حسي بربكة في أول يومين بس بعدين صار الوضع عادي جدا



لكن من الأشياء اللي ما ألقيت لها بال
محطة البنزين

أول ماوقفت فيها أنتظر أحد يجي يعبي
وما جاء أحد

وعلى بالي زي عندنا
أنتظر العامل يجي يعبي
وين البنقالي ماجاء هههه

والله وأنزل
وأتفرج
وأشوووف هذي قدامي


http://3.bp.blogspot.com/-BUXLHUVr2d...0/DSCN0512.JPG


اوف أوف وش ذا الثلاث ليات

ياربيييي وش اسوي
وكيف هالحين اعبي

وبعدين تذكرت مكتب تأجير السيارات
قالي عبْ 95

http://1.bp.blogspot.com/-cEfgRCexth...0/DSCN0513.JPG




بلشة ياخي كيف اضغط هذا
وكل ماضغطت شوي وقف
ونسيت المثبت اللي فيه

http://2.bp.blogspot.com/-OFi-KHtEYO...0/DSCN0514.JPG



يالله قاعديين نتعلم
وش ورانا

http://3.bp.blogspot.com/-1AvxFu65Rd...0/DSCN0516.JPG

ماسك فيه
اخاف لا يطيح والا ينفلت عليّ
واحد ماهو واااالف





وطلعت الشغلة بسيييطة مررررة
وصرت افرح متى يخلص البنزين عشان اروح اعبيء
هههههه


وهالحين أي واحد يبغى أعبي له بنزين والا حتى ديزل
في السعودية يكلمني...






وهنا حطة ثانية



http://4.bp.blogspot.com/-ktjnSAWJMI...B%E2%80%AC.JPG




http://3.bp.blogspot.com/-gdq5ZZnQib...)%E2%80%AC.JPG


وش الفكرة هنا

أول ما توقف سيارتك
وتطفيها
تعبيء النوع المناسب للسيارة
وتخليها مكانها
وتدخل عند صاحب المحل أو السوبر ماركت
وتقووول له رقم اللوحة اللي انت عنده تلقاه بالاعلى
وهنا واضح رقم 3
وتحاسب
وبكل بسااااطة

http://3.bp.blogspot.com/-DhO4u-Ob10...B%E2%80%AC.JPG

بس البنزين غاااالي جدااا
ما أذكر اني عبيتها فل

لكن مرتين وأنا اعبيها
وهي على النص وكلفتني 200 ريال




------------------------------


في هذي اللوحة تبين لكم السرعة المطلوبة
على حسب المنطقة
مرة 80 ومرة 100 ومرة 130
وهكذا
ومركبين فوق

ساااااهر

http://4.bp.blogspot.com/-MHGdu_YCFy...0/DSCN0688.JPG


------------------------


هنا استخدام الخطوط السريعة
عليه ضريبة
لازم تدفعها اذا مريت فيه
قيمتها 9 يورو


وانت منطلق وماشي في الخط السريع
بعد فترة اذا اقتربت من نهايته
تجد بوابات وحواجز
للدفع
فيه موظفين
وفيه مسار خاص ببطاقة الصراف
اذا حبيت ماتوقف في السرا


http://2.bp.blogspot.com/-XTqfnwgtt0...0/DSCN0689.JPG



http://4.bp.blogspot.com/-OlbGpec9TM...0/DSCN0690.JPG



http://1.bp.blogspot.com/-Ua69xgEgzQ...0/DSCN0691.JPG



-------------------------
من الاشياء التي تُحاسب عليها

وضع الملصق الامامي على القزاز
لاستخدام الطرق السريعة بين النمسا وسويسرا



http://1.bp.blogspot.com/-i0B-5eYkMa...0/DSCN0692.JPG




http://1.bp.blogspot.com/-WMHb1E_SQQ...0/DSCN0695.JPG

قيمتها صراحة اني ما اذكرها
بس انه بسيط يمكن 30 فرنك

وتلقاه ينباع في كل المحطات اللي على الطرق


واذا مالصقته
ياويلك ياسواد ليلك
من الغرامة
تقريبا 200 فرنك سويسري


===================

وأيضا من الأشياء المربكة
لي ولأول مرررة

كيفية استخدام المواقف
والحساب فيها
وهذي سالفتها طوويلة
وطلعت أشكال وألوان هنا

تعتمد على ألوان الخطوط اللي في أرضية المواقف

الاصفر
مخصص للسيارات الرسمية
مثل الشرطة والاسعاف والتكاسي وغيرها
ممنوع الوقوف فيها


والأبيض
مجاني يسمح لك بالتوقف وبلاش

والازرق
مجاني لساعات محددة تجدها مكتوبة على اللوحة

وهذي كلها مواقف مكشوفة في الهواء الطلق
\
وغيرها تحت الحراسة أو المباني
وهكذااا




وهنا مثال تطبيقي
ندخل موقف تحت السوق
دخول عادي تضغط الزر
وتسحب الكرت
وتفتح لك البوابة
وتوقف بأي مكان

http://2.bp.blogspot.com/-a3WA_URF1A...805-WA0017.jpg



إذا اردت الخروج
قبل ما تحرك سيارتك
تمر على الجهاز وتدخل البطاقة
ويطلع لك المبلغ المطلوب وتتدخل العملات المعدنية
أو الورقية حسب الجهاز
ويختم الورقة ويرجع لك الباقي حتى لو هللات
نااس نظام ياعمي

http://3.bp.blogspot.com/-o_unKRT8zh...805-WA0018.jpg


http://3.bp.blogspot.com/-Q6k-mol5zt...805-WA0019.jpg



وتاخذ البطاقة مرة ثانية وتشغل سيارتك وتطلع من المواقف
ويقابلك الحاجز
وتدخل الكرت وتفتح لك
اذا مافتحت يعني انت مادفعت
أو ماختمت ورقتك
http://3.bp.blogspot.com/-zkyYsVaw0g...805-WA0020.jpg










http://1.bp.blogspot.com/-aNbw_SOqEh...B%E2%80%AC.JPG

http://4.bp.blogspot.com/--39YI84Mzt...B%E2%80%AC.JPG

http://2.bp.blogspot.com/-7f_feqPTUR...B%E2%80%AC.JPG

وهنا صورة لمواقف أخرى
نفس الفكرة
بس لازم تحط الورقة على الطبلون
ما تاخذها معاك
http://3.bp.blogspot.com/-TGQnzX890B...B%E2%80%AC.JPG


=====================



نغير شوي عن الاشياء المرورية




من الاشياء الجميلة في الفنادق هنا
كرت الفندق
أو كرت الخصم




http://1.bp.blogspot.com/-gXoofyJcPx...0/DSCN0802.JPG


لك عدة أنشطة وبرامج ومحلات
وباصات ورحلات
تدخلها مجانا
وبعض بربع المبلغ
واخرى بنصف المبلغ
http://2.bp.blogspot.com/-LrpuEjEVk4...0/DSCN0803.JPG


تشجيع ياعمي على السياااااحة



http://3.bp.blogspot.com/-sFPWw4yO7t...0/DSCN0804.JPG


=======================


السوبر ماركت



http://3.bp.blogspot.com/-n_y5oUYDyy...805-WA0013.jpg




في السوبر ماركت
أو في المطااار

اذا احتجت لعربة


تدخل اي عملة معدنية
اي عملة
وأنا أقصد هذي العبارة

حتى لو نص ريال سعودي


http://4.bp.blogspot.com/-ayvIA6jSbI...805-WA0015.jpg

لأنك راح تحصل العربات
مربوطة بسلسلة
وماتفك لك الا بالدفع قصدي دفع مبلغ


http://1.bp.blogspot.com/-blQVy3nhmu...805-WA0016.jpg
واذا خلصت من العربة ورجعتها
وربطتها بالسلسلة
تعطيك مبلغك
ردا لجميلك انك رجعتها لمكانها

واذا
ماتبغى ترجعها لمكانها وتخليها بأي مكان
عااااادي

يجي اي واحد يأخذها ويرجعها ويأخذ العلمة المعدنية اللي فيها
حق تعبه



شفتوا
كيف بالله النظام والقوانين حلوة





اي واحد عنده اسئلة
او اقترااحات
يتفضل

اشكرك جميعا على اطلاعكم واعجابكم بالمواضيع
واهم شيء هو الفاااائدة ونقلها للأخرين


اعتذر منكم لعدم شكري لكل فرد بردود خاصة


موفقين دنيا وآخرهَِ