|
مساعدة في التخطيط لشهر عسل لمدة 23 يوم بسم الله الرحمن الرحيم السلام عليكم ورحمة الله وبركاته اخوكم محتاج وقفه منكم يا اخواني الاعزاء لأن لم يسبق لي السفر للخارج فاعذروني اذا ثقلت عليكم انا بحثت في المنتدى وقرأت وتكونت عندي خلفيه عن الدولتين اللي ناوي عليها وكانت سويسرا وفرنسا لكن مع الأحداث اللي حصلت ممكن استبعدها واضيف دولة اخرى . فترة السفر : من 29 يوليو الى 20 اغسطس لمدة 23 يوم طبعاً يوم السفر راح يكون ثالث يوم زواج الطيران : مباشر من الرياض الى جنيف وبعد ما اقضي 15 يوم في ربوع سويسرا انتقل بالطائرة طبعاً طيران داخلي من جنيف الى باريس اقضي باقي المدة وبعدها الى الرياض دولة السفر : الخطة (أ) سويسرا وفرنسا اذا الاحداث تحسنت بفرنسا اما اذا ساءت ننتقل للخطة ب الخطة (ب) سويسرا والنمسا الخطة (ج) تدور في مخيلتي اذا لم تتحسن الاحداث في باريس الاكتفاء بالسفر لسويسرا فقط لكن هل الفترة كثيرة على سويسرا اذا استبعدنا يومي السفر او انها افضل من حيث الاستجمام والراحة * طبعاً انا كان ودي اقضي 15 يوم في انحاء سويسرا هدوء واستجمام بما انه شهر عسل وبعدها السفر بالطائرة لباريس واقضي باقي المدة بما ان باريس مدينة صخب ومتعه اكثر تسوق وبعدها الى ارض الوطن * الميزانية : 40 الف ريال شامل كل شيء هل تكفي * بالنسبة للتأشيرات ما بدأت باستخراجها لكن ان شاء الله تكون الامور متيسره * نجي للأهم وهو اللي ابغاه ابي تقسيم للإقامة في المدن السويسرية بحيث ما يكون الجدول متعب وتنقلات اكثر زي ما قلت لكم ابيها رحلة استجمام وراح ازور اهم الاماكن والمعالم طبعاً التنقلات قرأت ان الافضل تأجير سيارة وهذا اللي بسويه بإذن الله وباريس ودنا بها عساها تزين ان شاء الله |
وعليكم السلام ورحمة الله وبركاته حياك معانا في شبكة ومنتديات العرب المسافرون وإن شاءالله تفيد وتستفيد وبالنسبة للإستفسارات إن شاءالله الأوضاع مافي إلا كل الخير في باريس وتوقيت السفرة في يوليو ماأنصح بحذف فرنسا الجدول 23 يوم 22 ليلة الوصول جنيف والعودة باريس تفضل جدولين الأول لوزان 3 ليالي انترلاكن 5 ليالي زيورخ 3 ليالي جنيف 3 ليالي باريس 7 ليالي وصار الجدول 22 يوم 21 ليلة والجدول الثاني الوصول جنيف والعودة باريس جنيف 3 ليالي لوزان ليلتين انترلاكن 5 ليالي زيورخ 3 ليالي ستراسبورغ ( الغابات السوداء 3 ليالي وزيارة منها العاب يوروبا بارك ( والإنتقال لباريس من مطار ستراسبورغ أو بالقطار ساعتين و 19 دقيقة ) باريس 6 ليالي ويكون 23 يوم 22 ليلة وفي انتظار باقي الأراء وإن شاءالله مايقصرون رحلة موفقة بإذن الله |
وعليكم السلام ورحمة الله وبركاته ابشر ياعريس خذها نصيحه مني 23 يوم كثيره جدا جدا. .. 40 ألف في 23 يوم وعريس مره قليله. .. نصيحه خلك 1 / النمسا و ألمانيا فينا -سالزبورغ - زيلامسي - انسبروك - قارمش -ميونخ 2 / النمسا و سويسرا فينا -سالزبورغ - زيلامسي - انسبروك - إنترلاكن - جنيف 3 - سويسرا و ألمانيا جنيف -إنترلاكن - بحيرة كونستانس -فرايبورغ - فرانكفورت وممكن تخلي العودة جنيف. . ميونيخ - انسبروك - كونستانس - فرايبورغ - إنترلاكن - جنيف 4 / إيطاليا و سويسرا وألمانيا روما -فلورنسا -البندقيه -لوقانو -إنترلاكن - جنيف ميلان - البندقيه - فيرونا أو سيرموني -لوقانو - إنترلاكن - جنيف 5 - إيطاليا النمسا المانيا ميلان -البندقيه - سيرموني - انسبروك - زيلامسي - كيتزبوهل -المانيا هناك خيارات كثيره ومن ضمنها سلوفينيا بس حبيت اعطيك أشياء جميله بس قرر الدولتين و ابشر 16 أو 18 يوم لاتزيد ولاتنقص و 40 ألف بإذن الله راح تنبسط استخير ربك قبل كل شيء شاور أهل الخبراء اختر دولتين فقط وممكن تخلي العودة من لندن بعدها أن شاءالله الخبراء مايقصرون راح يكونوا معك خطوه بخطوه |
اقتباس:
يا مرحبا ما قصرتي يا اختي :(125): الجدولين ممتازه مافيه مشكلة لو اقلل المدة لن تسبب عائق كبير وباقي نشوف وبإذن الله بتكون موفقه لأنها من لمساتكم |
اقتباس:
تبشر بالجنه ولاهنت خيارات جيدة :(125): كذا توهتنا كثير يا حبيب الكل :dunno: شف يا غالي عندك 1 و 2 و3 هذي حلوه بتعمق في تقارير الشباب واشوف خصوصاً انه باقي فتره طويله بيمدي ان شاء الله نطلع بشيء جمييل لكن بخصوص مدة السفر انا والله ما ابيها تقل عن 15 يوم ولا تزيد عن 23 يوم وكنت متصور ان 40 الف تكفي لكن ما فيه مشكلة نحاول نقلل مدة السفر ونزود الميزانية احسب حساب المصروف الاحتياط بعد والله انا ودي بباريس عندي احساس ان لها رونق خااص للسفر :dunno: |
شوف يالأمير انا ما أضفت لك أي خيار في فرنسا عشان الأوضاع الحاليه. ... حط في بالك الشي اللي زاد عن حده ينعاف هذي نقطه غير أنت معك عروسه يعني معك شخص جديد في حياتك وأن شاء الله انها تكون فال خير عليك وشيء طبيعي شخصية المرأه غير الرجال لأن الأرياف في المساء هدوء وسكون دايم الرجل قلبه قؤي بعكس المرأه غير دوله غريبه ومعيشه مختلفه اتمنى انك فهمت مقصدي من الكلام. ... اختيارك لباريس دليل على أنك والله العالم أنك من عشاق المدن وصخبها أكثر من الأرياف إذا الاوضاع الامنية في فرنسا متشدده فكر في لندن خيار جميل جدا. .. والله يوفقك |
اقتباس:
تبي العلم يا غالي والله م راح تفرق معي كثير لأنها بتكون اول سفره لأوروبا فراح تكون استكشاف واكيد ممتعه من اول مره تفرق كثير مع اللي يزورها دايم ممكن يطفش من اماكن زارها وكذا وانا مابي قلق فرنسا وتشددها خلها تولي ونزورها بعدين ان الله احيانا على خير اعتمد سويسرا والمانيا :(22): طبعاً الوصول جنيف يوم 30 يوليو والعودة من فرانكفورت 18 اغسطس بإذن الله طبعاً قللت الايام الى 20 يوم مع يومي السفر ومافيه مشكله لو زودنا الميزانية 10 الاف وترا مالنا غناة عن ارائكم وتجاربكم وخبراتكم انتم سبقتونا ولكم باااع طويل :(60): |
طيب ابشر يالأمير. .. 40 ألف وبتزود 10 يعني 50 الف حلو وجميل جدا. .. لاحظت انك لاتريد التنقلات بين المدن زين انك ذكرت هذي الملاحظه 20 يوم كثيره جدا على سويسرا فقط إذا قلنا العوده من ميونيخ أو فرانكفورت ماراح تفرق كثير سؤالي هل أنت مصمم على سويسرا في أغلب الأيام يعني أكثرها أو ماعندك مشكله اذا أضفنا أيام معدودة في سويسرا علما أن سويسرا لحالها سياحه لجمالها. .. |
السلام عليكم الف مبروك والله يوفقك بينكم ويجمعكم على خير ما قصروا اخواني زي ما قلت باريس لها طابع جميل ورومانسي لكن بما انك اعتمدت سويسرا والمانيا اقترح عليك هالمخطط الوصول فرانكفورت و التوجه مباشرة الى بادن بادن (3 ليالي) انترلاكن (5 ليالي) كونستانس (2 ليلتين) انسبروك (3 ليالي) زيلامسي (5 ليالي) ميونخ (2ليلتين) |
الوصول فرانكفورت نقطه حلوه لكي تستلم السيارة وتسلمها بنفس الدوله. .. فرايبورغ 3 ايام إنترلاكن 5 أيام كونستانس أو سانت غالين يومين انسبروك 3 ايام ( واذا كنت من محبي الطبيعه عندك فوسن أو سيفيلد أو ليرموس وممكن زيارتها من انسبروك ) زيلامسي 4 أيام ميوينخ 3 ايام استخير ربك قبل كل شيء وشاور الكثير وحاول أن تخلي حجوزاتك من بدري |
اقتباس:
وعليكم السلام ورحمة الله وبركاته الله يبارك فيك اميييين جزاك الله خير جدولك جيد لكن انا تعمدت الوصول يكون جنيف لأن ابي اخصص يوم يكون زيارة لقمة مون بلان على ما اعتقد هذا اسمها في شاموني والشيء الثاني العودة فرانفكورت لأن بيكون طيران مباشر الى الرياض بدون ترانزيت ما قصرت يابو مهااب :e306: اقتباس:
اقتباس:
يا مرحبا والله ان نسقت جدول مبدئي راح يكون نصيب سويسرا 8 ايام وزي ما قلت لأخوي ابو مهاب انا تعمدت الوصول يكون جنيف لأن ابي اخصص يوم يكون زيارة لقمة مون بلان على ما اعتقد هذا اسمها في شاموني والشيء الثاني العودة فرانفكورت لأن بيكون طيران مباشر الى الرياض بدون ترانزيت عشان كذا استبعدت ميونخ من القائمة لأني بحثت ف الخطوط ولقيت رحلات مباشره بنفس التواريخ من الرياض الى جنيف والعودة من فرانكفورت الى الرياض وسعرها الاجمالي 6000 وشوي على درجة الضيافة والصراحه سعر طيب بعكس ميونخ كلها ترانزيت وبالساعات بعد بإذن الله بحجز كل شيء مبكر افضل في المشاركه الثانية بإذن الله بكتب الجدول ونبي تعديلاتكم عليه |
جدولي المبدئي : 1/ جنيف لي رغبة زي ما قلت لزيارة قمة مون بلان الشي الثاني موقعها الجميل وذلك لقربها من الحدود الفرنسية وفرصه نشوف انسي . 2/ انترلاكن هذي ابغى آخذ فيها اجمل ايام الراحة والاستجمام وايضاً موقعها استراتيجي حيث تقع في الوسط السويسري . 3/ انسبروك حلو انكم نصحتوني بها ودخلت المزاج بس انا ما راح ادخل في العمق النمساوي او اسكن فيه بسكن في انسبروك واخصص يوم كامل لزيارة زيلامسي وسالزبروغ لأن المسافه بينهم قريبه وايضاً اخذ برايك يا اخوي شخص ثاني وهو هذا ( واذا كنت من محبي الطبيعه عندك فوسن أو سيفيلد أو ليرموس وممكن زيارتها من انسبروك ). 4/ كونستانس 5/ بادن بادن 6/ فرانكفورت لغرض الراحة اخر ليلة قبل السفر والتسوق استعداداً للعودة لأرض الوطن. نجي لتوزيع الايام : جنيف : الوصول 30 يوليو الساعة 2 ظهراً يعني في المساء :17: واكيد على الفندق لكن هل هو وقت الدخول المناسب - 31 - 1 اغسطس - 2 تشيك آوت والذهاب الى انترلاكن. بكذا تكون جنيف 3 ليالي . انترلاكن : 2 اغسطس الوصول وعلى الفندق - 3 - 4 - 5 - 6 - 7 تشيك آوت والذهاب الى انسبروك. وكذا تكون انترلاكن 5 ليالي . انسبروك : 7 اغسطس الوصول وعلى الفندق - 8 - 9 - 10 - 11 - 12 تشيك آوت والذهاب الى كونستانس. وكذا تكون انسبروك 5 ليالي . كونستانس : 12 اغسطس الوصول وعلى الفندق - 13 - 14 تشيك آوت والذهاب الى بادن بادن. وكذا تكون كونستانس ليلتين . بادن بادن : 14 اغسطس الوصول وعلى الفندق - 15 - 16 - 17 تشيك آوت والذهاب الى فرانكفورت. وكذا تكون بادن بادن 3 ليالي . فرانكفورت : 17 اغسطس الوصول وعلى الفندق - 18 تشيك آوت وعلى المطار الرحلة الساعة 7 مساءً وكذا فرانكفورت ليلة واحدة . المجموع 19 ليلة وصراحة بديت اميل لهذا الجدول |
ابشر ياعريس. .. الوصول جنيف استلام السيارة لوزان 3 ايام إنترلاكن 5 أيام انسبروك 4 ايام كونستانس أو سانت غالين يومين فرايبورغ 3 أيام فرانكفورت 2 |
اقتباس:
تبشر بالجنه يا الامير كذا ممتاز الجدول ان شاء الله :18: ممكن نسبتدل انسبروك بزيلامسي وش رايك لان ما ادري انسبروك فيها نشاطات سياحية ما قصرتوا جميعاً :6: طيب عندي تساؤلات انا عندي بطاقة صراف الانماء وهي تعتبر بطاقة فيزا لكن قريت انها ما تصلح نهائياً لحجوزات الفنادق والسيارة وش الافضل اطلع بطاقة فيزا مسبقة الدفع والا احاول اخذ بطاقة ائتمانية ماستر كارد الخ وافضل بنك الراجحي والا الاهلي والسؤال الثاني هل يتطلب وجود حجوزات فنادق لاستخراج تأشيرة الشنقن انا بطلعها عن طريق سويسرا والسؤال الثالث هل بوكينق يخصم مبلغ الحجز دايركت او اذا وصلت للفندق اسدد لأن ودي بالثانية ما نبيه يخصمها علطول ببدأ بحجوزات الفنادق خلال الشهر او اقصى حد الشهرين القادمة بإذن الله بنشوف وضع بطاقة الفيزا وننتقل ان شاء الله للمرحلة الثانية البحث عن افضل الفنادق واحسن الفنادق المجربه من قبل الاعضاء |
ابشر ياعريس. .. انترلاكن وزيلامسي تقريبا نفس الطبيعه والجمال تمتاز زيلامسي بكثرة الأماكن السياحيه حولها في نفس الوقت ماودي اهظم حق انسبروك كمان سياحي جميل ويكفي انها بقلب تيرول وحولها الكثير من الأماكن السياحيه الجميله جدا مثل وادي ستوباي و وادي زيلرتل وغيرها الكثير. .. إذا تبي زيلامسي كنسل كونستانس وخلي عودتك ميونيخ لوزان فرايبورغ انترلاكن انسبروك ميوينخ بالنسبة للبطاقة ارشح لك بطاقة مداد أو الاستثمار او الإنماء تكون كلها مسبقة الدفع وبارزة الأرقام والاسم مطابق للجواز. .. ضع فلوس حجز السيارة والفنادق فيها ومبلغ ربع أو نص من الميزانيه المحدده للسفر فيها. .. باقي المبلغ حوله كاش واقسمه بظروف كل يوم على جنب ... أيضا نصيحه التأمين خله كاش دايما. .. بطاقة المستر كارد الفيزا الاتمانيه خذ لك وحده من باب احتياط للضروره القصوى استخدمها وان شاء الله أنك ماتحتاج تستخدمها واذا رجعت السعوديه كنسلها ع طول. .. بالنسبة للتاشيرة اطبع حجوزات الفنادق بلغتهم وفي الإنكليزي أيضا. .. بالنسبة لحجز الفنادق احجز دايم إلغاء مجاني الدفع راح يكون عندهم مباشره ... |
زيلامسي فريبة من انسبروك لكن لازم تحسب حساب الطريق والمسافات من انترلاكن الى زيلامسي 500كم (ممكن توقف للراحة في انسبروك او شور في سويسرا للراحة) ومن زيلامسي الى فرانكفورت 560 كم (او نسلم السيارة في ميونخ وتروح فرانكفورت بالقطار او الطيارة) من وجهة نظري خليك على مخططك جنيف وصول والسكن في ايفيان (3 ليالي) يوم الوصول خليك في ايفيان وتمشى عالبحيرة ثاني يوم شامونيه زبعد الظهر مونترو ثالث يوم روح لاكلوزاس زانت راجع تمر على أنسي انترلاكن (5 ليالي) انسبروك (4 ليالي) كونستانس (ليلتين) بادن بادن (3 ليالي) فرانكفورت (ليلتين ) |
احترم اراء الجميع بالنسبه الرجل مااضاف اي مدينه فرنسيه نظرا للمخاوف الامنيه فيها ... واذا حاب يضيف فرنسا ارشح وبقوة الوصول باريس ويضيف انسي والله قهر امر زيلامسي يوم وارجع لانسبروك ... نصيحه اذا تبي زيلامسي وارشح لك ذلك خلي عودتك ميونيخ او وصولك ميونخ ... هناك حل اخر بس ماودي على قولهم اهجولك وانت عريس سواء بالقطار او طيران بعفشك او مسار خط شؤيه بعيد ... والله جدولك لا انت وضعه ممتاز جدا جدا بس استبدل بادن في فرايبورغ .. وكونستانس في زيلامسي اذا لك رغبه في وصول او مغادره ميونخ ... |
لك كل الاحترام اخي شخص ثاني اخونا الكريم كاتب انه يحب يروح مون بلان في شامونيه وهي مدينة فرنسية انا معك في مسألة انسبروك وزيلامسي عشان كدة الأفضل ما يروح لها صد ورد اذا الخطوط السعودية اقرت خط مباشر من والى ميونخ (حسب اخبارهم بتكون في الصيف الجاي) معك وبقوة العودة من ميونخ واضافة زيلامسي والغاء كونستانس وبادن بادن ويصير المخطط جنيف يومين انترلاكن (5 ايام) انسبروك (3 ايام) زيلامسي (5 ايام) ميونخ (3 ايام) |
| الساعة الآن 12:44 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO