|
ياليت تساعدوني بترتيب رحلتي 😓 السلام عليكم ورحمة الله وبركاته الحمدلله قررنا السفر بتاريخ 14_28 مايو جده_فرانكفورت_جده ابغى برنامج مناسب ومايكون متعب بيكون معانا سياره بأذن الله وحيكون بأذن الله المانيا وسويسرا فقط اول شي حابه نروح لملاهي يورب بارك الباقي اللي تشوفونه مناسب ويكون مريح بالتنقل والاماكن اللي ممكن نروح لها بالنسبه للسكن يفضل يكون شقق |
وعليكم السلام ورحمه الله وبركاته ياهلا ومرحبا اختي بخصوص المخطط المبدئ لسفرتج : الوصول فرانكفورت والمغادره مباشره الى فرايبورغ 1- الاقامه في فرايبورغ 3 ليالي ( منها زياره يوروبابارك ) 2- انتر لاكن والاقامه فيها 6 ليالي 3- بحيره كونستانس والاقامه فيها 3 ليالي 4- فرانكفورت والاقامه فيها ليلتين المجموع 14 ليله بعد مانتفق على المخطط نروح للسكن تحياتي |
اقتباس:
بس كانت رست بدل فرايبورغ طيب لو خليتها زي ماقلت فرايبورغ كم المسافه منها ليوروبابارك |
اقتباس:
الله يعافيج يارب المسافه من فرايبورغ الى مدينه الالعاب 35 كيلو يعني تقريبا مابين 10 دقايق الى ربع ساعه و سبب السكن في فرايبورغ افضل : لانها قريه حلوه وفيها تمشايه ومطاعم ومحلات وفيها خيارات افضل واكثر للفنادق وقريبه من رست وفرايبورغ جنوب غرب المانيه وبينها حدود مشتركه مع فرنسا وسويسرا المدن القريبه منها ستراسبورغ وكولمار الفرنسيه وزيوريخ وبيرن السويسريه اما رست فهي اساسا لمدينه الالعاب فقط |
|
مشكور ماقصرت وبأذن الله بعتمد هالمخطط |
العوده بتكون 27 باذن الله يعني من 14_27 بسالكم الحين المخطط خلينا ليله فرانكفورت ليلتين فرايبورغ 6ليال انترلاكن ليلتين كونستانس ليلتين فرانكفورت ابغي فنادق او شقق في انترلاكن او حولها وكيف ارتب الجدول ل 6 ليالي ابغي من ضمنها يكون زياره لهايدي كمان ابغي التلفريك المكشوف تقريبآ هذي الشيئين مهمه بالنسبه لي بس ماني عارفه ارتب جدول عشان ما ابغى حوسه او يفوتني شي مهم الله يسعدكم اعطوني ارائكم |
تخطيط ممتاز وكلام اخونا القطري مابعده كلام انا جربت فندق ممتاز على البحيرة مباشرة اطلالته وسعره ومستواه ممتاز جدا جدا http://www.booking.com/hotel/ch/brie...;m_occ=2;soh=1 وكمان الاخت ايمو لها تجربة موفقة كاتبه عنها في شقق بانترلاكن وربي يسعدكم |
العفووو اختي بالنسبه لفنادق وشقق انتر لاكن ان شاء الله راح نعطيج خيارات بس الي ابغيه منج اعرف وين تفضلين السكن في سنتر لاكن او على البحيره او في قريه جرينوايلد وايضا ابغي اعرف عددكم بالنسبه للتلفريك المكشوف CabriO هذا في مدينه ستانس السويسريه القريبه من لوزيرن والافضل تطلعين له من انترلاكن المسافه من انتر لاكن الى مدينه ستانس 65 كيلو يعني تقريبا ساعه راح اعطيج تفاصيل التلفريك في وقت الجدول السياحي بالنسبه لهايدي في قريه ماينفيلد تطلعين لها من كونستانس افضل واقرب من كونستانس الى هايدي 110 كيلو تقريبا ساعه وربع ومن انتر لاكن الى هايدي 290 كيلو تقريبا ساعتين ونص اختي لاتحتارين ولاتفكرين كثير بالجدول ان شاء الله راح نرتب لج جدول حلو وتزورين فيه كل الاماكن الجميله ولاتفوتين اي منطقه بخاطرج تطمني ان شاء الله واحنا نرتب الجدول نحط بالحسبان الاماكن الي انتي تبغين تزورينها والاماكن الي راح نقترحها عليج لهذا اقولج تطمني ان شاء الله بأنتظار تعطيني رايج بمنطقه السكن في انتر لاكن وعددكم عشان اقترح عليج الفنادق والشقق بالتوفيق ان شاء الله |
يعطيج العافيه اختي طوق نعم فندق برينزيرسي ممتاز جدا الي اقترحته لج مميزتنا لهذا السبب حبيت اعرف منطقه السكن المفضله لهم شكرا طوق |
| الساعة الآن 04:03 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO