استفسار عن سويسرا بشكل عام أرجو المساعده لمن لديه الخبره !
 

بسم الله الرحمن الرحيم

السلام عليكم ورحمة الله وبركاته

حياكم الله جميعاً واتمنى لكم اوقات سعيده


استفساري ي أخوان عن سويسرا بشكل عام انا عزوبي وحاب اخذ لي فيها من ( خمس ايام ) إلى ( سبعة ايام ) كل اللي اعرفه عنها انها مدينه هادئه وفيها من الطبيعه الشيء العجب بصراحه !! وانا احب الاماكن الهاديه والطبيعه زي م تقلون السفره هاذي سفرة نقاهه ( هروب من ضغوط الحياه والدوامات وكذا ) لذلك ابي نصائحكم عن سويسرا بحيث تشمل ( الإماكن الهاديه ، الطبيعه ، وكم التكلفه بشكل عام الطيران والفندق او المبيت ، بالنسبه للتنقل حاب يكون فيه سواق تبع للفندق بحيث يفكني من عناء التنقل ، ومن ناحية الأوضاع السياسه هل هناك مشاكل أو لا !؟ وافضل الأماكن للمبيت فيها ، واضافه كمان من ناحية استخراج الفيزا وغيرها وش المطلوب والطريقه واذا كان هناك جدول لترتيب رحلتي أتمنى منكم مساعدتي فيه ) هذا اللي حاب اسأل عنه بشكل عام لأنها تعتبر أو أول زياره لي حبيت بصراحه الصور اللي تجيني عنها وتشجعت ، طبعاً السفر راح يكون في نهاية شهر 5 ميلادي وتستمر إلى 5 أو 7 ايام يعني في بداية الصيف / معليش طولت عليكم لكن أنـا محتاج لهاذي المعلومات ضروري .

الله يعطيك العافيه أخوي انا بصراحه من ناحية الميزانيه حاط 10,000 ريال سعودي وراح تكون انطلاقتي من الرياض الى جنيف ، واذا كان مثل م قلت القطارات افضل وسهله التنقل فهذا شيء كويس واوفر لي انا من ناحية الروحات وكذا ممكن م اروح اماكن كثيره يعني لو المكان اللي بسكن فيه حوله انهار وطبيعه فهاذي تكفيني 😅 ومن ناحية السكن عادي ولا شيء مره فخم لانه بس بخليه للنوم وممكن يوم ولا يومين اجلس فيه كاستراحه م اطلع مكان التواريخ راح تكون عندي فتره محدده وملزوم فيها عشان كذا ابي استغلها صح تبدأ من 2016/5/22 الى نهاية الاسبوع يعني حق ابو 6 ايام ، وبالنسبه للتكلفه زي م قلت حاب التزم بهذا الحد بحكم اني لوحدي واتوقع م راح اصرف ذاك الصرف ، ومن ناحية الفندق او المبيت م يفرق اهم شيء يكون مريح والافطار كويس وابي الطيران الكويس اللي تنصحوني فيه بحيث يكون التوقف مره واحده كحد اقصى ومريح ، اشكركم جميعاً ومتأسف على كثر الأسئله :)