|
اسـئـلـة :) السلام عليكم .. يعطيكم العافية جميعا ماقصرتوا في موضوعي السابق :e032: السفر بعد اسبوعين ان شاء الله وباقي عندي عدة اسئلة ياليت تساعدوني فيها 1- بالنسبة للسيارة ان شاء الله بناخذها من مطار جنيف .. سؤالي : اغلب الاراء تنصح باستئجار السياره من القسم الفرنسي .. بس انا بسلمها في مطار زيورخ فهل اذا خذتها من القسم الفرنسي بيعتبرون انه تسليم السياره في بلد ثاني وبيكون علي ضريبه او استلمها افضل من القسم السويسري بما اني راح اسلمها في زيورخ ؟ 2- الطيران الداخلي (بين باريس وجنيف) احجزه من هناك ولا من الحين افضل ؟ بالنسبة للجدول اليومي .. عطوني ارائكم .. آنسي 3 ليالي : اليوم الاول : التوجه من مطار جنيف ل آنسي .. واخذ جوله فيها > اذا فيه نصايح معينه ياليت تفيدوني اليوم الثاني : شامونيه بس مابي قمة المونت بلان ف هل يكفيها نص يوم وبعدها التوجه ل مونترو مثلا ؟ اليوم الثالث : جنييف + ؟ تلخبطت في المسافات هل الافضل معها لوزان او ايفيان او مونترو ؟؟ ولا يبيلها يوم كامل ؟ انترلاكن : 5 ليالي عندي مخططين لليوم الاول : 1- في الطريق بين انسي و انترلاكن التوقف في مصنع نستله .. ف بيروح اليوم تقريبا ع الطريق و المصنع و بعدها الوصول والتشك ان او 2- : الوصول الى انترلاكن و اخذ جوله فيها و ممكن مطل هاردر كلم اليوم الثاني : زيارة جريندلوالد واخذ جوله فيها ثم زيارة قمة جنغفرو اليوم الثالث : زيارة وادي لوتربينن و شلال تروميل باخ < وهل في الوادي انشطه او شي معين لازم اشوفه .. صوره جدا جميله بس مادري اذا فيه اشياء معينه تنصحون فيها اليوم الرابع : بحيرة برينز + شلال جس باخ اليوم الخامس : بحيرة اوشن سي + البلو سي ------------------ ممكن تفيدوني بالايام اللي اقدر اضيف فيها اماكن زياده ؟ و الاماكن اللي تقترحونها ؟ بالنسبة ل الزحليقه الصيفيه ف مو من اهتماماتنا وهل اشتري السويس هاف فير .. بتفيدني بالنسبة للاماكن اللي بروح لها ولا مب ضروريه ؟ خصوصا انه صح تعطي نص سعر قمة جنغفرو بس اتوقع الزياده نفس قيمة الهاف فير ؟ هل ناخذها وبتنفعنا ولا ؟ ارآئكم ؟؟ |
وعليكم السلام ورحمة الله وبركاته السيارة بما انكم بتسلمونها زيورخ فالافضل استئجارها من الجانب السويسري جدولكم ممتاز بالنسبة لانسي اليوم الأول الأفضل والاريح لكم التجوه مباشرة الى انسي وكله يعتمد على وقت وصولكم لمطار اليوم الثاني شاموني حلوة والتمشي فيها حلو وممكن قبلها تمرون على منطقة سيكست فير شيفال SIXT FER A CHEVAL منطقة جميلة وفيها العديد من الشلالات واشهر الشلالات هو شلال دو روجيه اليوم الثالث الفتره الصباحية ممكن تزورون جنيف وباقي اليوم تخلونه لانسي في الطريق الى انترلاكن ممكن تمرون مونترو وتتغدون فيها وبعدها تمرون تحلون وتاخذون جوله في مصنع الشوكلاته واللي يسكر الساعه 5 المساء او مقترح ثاني وهو زيارة مصنع الشوكلاته ثم قرية غشتاد الجميلة اليوم الثاني جدولكم حلو قمة جونغفرو وقرية جرينوالد والأفضل انه ما يكون يوم إجازة عشان ما تكون القمة زحمة اليوم الثالث قرية لوتربنين و شلال تروميل باخ وشلال ستوخ باخ اللي بيكون على طريقكم وممكن تضيفون له قمة Schilthorn اللي فيها المطعم الدوار وممكن بداية اليوم تزورون مطل الهادر كلم او تضيفونه لليوم الخامس اليوم الرابع شلال جيس باخ ثم شلال ريخن باخ ثم قرية برينز وركوب القوارب الكهربائية فبها وفيها أيضا القطار البخاري اللي يصعد الى قمة Rothorn اليوم الخامس مطل الهادر كلم ثم بحيرة الاوشن سي ثم البحيرة الزرقاء وممكن تضيفون لها قرية برينز هذي تقارير بتفيدكم في رحلنكم جنيف اين تذهب فيها واين تذهب منها .. أماكن سياحيه قريبه من أنترلاكن وماحواليها احداثيات ومواقع الاماكن السياحية في سويسرا وما حولها وبالتوفيق |
^ شكرا اخ مقدام.. استوحيت الترتيب من اقتراحاتك يعطيك العافية اضفت سؤال عن الهاف فير ياليت تنصحني بهالموضوع |
السويس هاف فير سعرها 120 فرنك واذا حسبناها مع الاماكن اللي بتزورونها قمة جونغفرو سعرها 180 فرنك ومع خصم هاف فير 90 فرنك قمة الهادر كلم 28 فرنك ومع الخصم 14 فرنك بحيرة الاوشن سي سعرها 22 فرنك ومع الخصم 11 فرنك بتطلع عليكم بخسارة 5 فرنك تقريبا وما انصحكم بها إللا ذا بتروحون اماكن وقمم اضافية مثل قمة روثورن في قرية برينز فسعرها 80 فرنك وبعد الخصم 40 فرنك فبهذه الحالة تحتاجونها لانها بتوفر عليكم 35 فرنك على الشخص كله يعتمد على الاماكن اللي بتزورونها والبطاقة ممكن تشترونها من محطات القطار ومدتها شهر وعند شرائها لازم يكون عندكم جوازات السفر |
اذا بتزور مصنع نستلة ضيف معاه مصنع الجبن غورير |
جدولك ممتاز وبصراحة بعد مقدام لاتقراء تقرير ماقصر كفى و وافى بس حاول قدر المستطاع لاتقيد نفسك بجدول يومي خليها ع روقان يعني مثلا لاتخلي هدفك من سفرتك أني لازم أزور المكان هذا والمكان هذاك خلك ع الرايق متع عمرك ولاتنسانا بتقرير جميل لهذا المنتدى الروعه |
يعطيكم العافيــة جميعا ماقصرتوا :e303: |
| الساعة الآن 01:32 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO