شبكة و منتديات العرب المسافرون - مساعدة ترتيب الاماكن السياحية ف انترلاكن

- بوابة سويسرا (https://www.arabtrvl.com/vb/f150.html)

مساعدة ترتيب الاماكن السياحية ف انترلاكن

السلام عليكم مثل مو واضح بالعنوان انا حسكن في انترلاكن فقط 3 ليالي ف ابغى ترتيب للاماكن الي قريبة لبعض

ابغى ازور مطل هارد كلم و heimwehfluh و ابغى اخذ ججولة في بحيرة برينز او ثون و الطيران الشراعي و غريندالوالد ابغى الزحليقة الجوية الي بنفس القرية و لو تربرونين ابغى ازور شلال تروميل باخ و ستاوباخ و البحيرة الزرقاء و اوشن سي اذا ممكن ترتبونها ليا

* القمم بروح تتلس فقط طبعا مو بنفس الايام هذي لا بعدين حروح ع زيورخ و منها اروح لتتلس احس جنقفرو غالية و متعبة

اذا عندكم زيادة او اماكن تستحق اني اروحلها لان اول مرة ازور اوروبا
و بسال عن سعر الطيران الشراعي بكم و هل فيه حرمة تقفز معاي و لا بس رجال :27: و سعر الجولة ب احد البحيرات :5:

و عندي اخر سوال انتو لمن تسافرو لازم تزورو كل القمم و الشلالات و ....؟ و لا وضعي طبيعي
و افضل زحليقة فين الاقيها بسويسرا عموما

وعليكم السلام ورحمة الله وبركاته

الطيران الشراعي فيه حرمة ممكن تطلع معاكم بس لازم تخبرونهم انكم تريدون حرمة عند الحجز ويفضل حجز الرحلة قبل بيوم او يومين وسعرهم 170 فرنك
وهذا رابطهم AlpinAir Paragliding Interlaken | Switzerland â€“ Paragliding & Adventures in Interlaken Switzerland

وبالنسبة لسؤوالكم الثاني عن زيارة كل القمم والشلالات فيعتمد على عدد الأيام اذا كانت قليلة فأزور اهم الأماكن فقط واذا كانت طويلة أحاول ازور اكبر قدر بالإمكان من الشلالات وبعض القمم على حسب جمالها وموقعها

عدد ايامكم قليل فإذا اردتوا زيارة كل الأماكن اللي اخترتوها فالافضل تبدون برنامجكم بدري

بالنسبة للجدول فيعتمد على الساعه كم بتوصلون انترلاكن ومن وين بتكونون قادمين لها

ممكن اقترح الجدول التالي ولنفترض ان وصولكم لانترلاكن متأخر
في اليوم الثاني مقترحي لكم
قرية جريندوالد وفيها زحليقة بفينستيج ثم الزحليقة الجوية ثم وادي لوتربنين شلال تروميل باخ ثم شلال ستوخ باخ

اليوم الثالث
حجز الطيران الشراعي ومدة رحلته تقريبا ساعه ونصف الى ساعتين
ثم جوله بحرية في بحيرة برينز ومنها تزورون شلال جيس باخ وسعرها 51 فرنك ذهاب واياب
ومدتها من 3 الى 5 ساعات
ثم البحيرة الزرقاء واللي تفتح الى الساعه 8 المساء تقريبا واذا كان عندكم وقت ممكن تزورون بحيرة الاوشن سي قبل البحيرة الزرقاء
وكله يعتمد على موعد رحلة الطيران الشراعي والأفضل حجزها الصبح

اليوم الرابع وهو يوم المغادرة تطلعون لمطل الهادر كلم وبعدها تطلعون لزيورخ
ومطل الهومفلو عادي ومافيه شيء مميز ومطل الهادر كلم يغنيكم عنه

للعلم اذا كان وصولكم اليوم الأول بدري وكنتوا قادمين من جنيف او لوزان فممكن تمرون على البحيرة الزرقاء وبحيرة الاوشن سي قبل الوصول لانترلاكن

استغل نهاية النهار بالجلوس ع البحيرات وشرب القهوة
الاجوااااء حاااالمه
انا لي روحه بشهر نوفمبر فما ادري كيف جلسة البحيرات راح تكون

لا انصح في نوفمبر

بصراحه انا حاب استغل فرصة الفيزا باقي فيها كم شهر

بالنسبه للبرد مو مشكله ناخذ احتياطنا
وبالنسبه للنشاطات ممكن الاغلب مقفل
الي خايف منه الثلوج يعيق السواقه بالسياره

الثلوج بمشيئة الله من نهاية ديسمبر وبداية يناير .... وممكن يتواجد الثلج على المرتفعات القريبة ...ولكن ليس عائقا لاخذ السيارة او للقيادة .