|
رحلة لعائلة كبيرة في ربوع سويسرا السلام عليكم ورحمة الله وبركاتة الحمد لله تم الحجز لرحلة في ربوع اوروبا مدتها 26يوم تبدأ بلندن وتنتهي بجنيف هنا راح استفسر عن الجزء السويسري سبق وزرت سويسرا العام الماضي لكن كنا عائلة صغيرة ومعتمدين ع القطارات اما الان بحكم اننا عائلة كبيرة ماشاء الله فيها الكبير والصغير والشباب فراح نستأجر سيارة اكيد نستلمها من باريس ونسلمها بمطار جنيف الفرنسي لكن ماحصلت تسليم بالقسم الفرنسي فراح نسلمها بآنسي رحلة سويسرا تنطلق من آخر يوم لنا في بادن بادن مدة الاقامة في ربوع سويسرا من تاريخ 14_21 اغسطس مقسمة على النحو التالي 14_17 برن فندق برينزيرسي 17_21 تواري فندق بيزنس بارك هذي المدة مخصصة للوالد الله يخليه ويطول بعمره لانه يبغى يروق يعني ابغى اماكن قريبة من محل اقامتنا بحيرات شلالات تلفريك وكمان الشباب والاطفال يبغون زحليقة صيفية قريبة انا بحكم خبرتي المتواضعة جدا جدا فكرت ازور لوزيرن..جريندوالد..آنسي..برينز.. وطبعا جنيف السنتر والحديقة الانجليزية والبحيرة بنزورها وكمان اخوي نفسو يزور ميلان روحة ورجعة بنفس اليوم نقدر ولا تعب وارهاق اتمنى انكم تفيدوني بجدول مريح جدا جدا جدا لان آخر الرحلة الوالد يبغى يستجم ولكم مني كل الشكر وخالص الدعاء |
رد: رحلة لعائلة كبيرة في ربوع سويسرا وعليكم السلام ورحمة الله وبركاته بالنسبة للسيارة فممكن ترجعونها في مطار جنيف القسم الفرنسي وجميع الشركات العالمية لها فرع في المطار بالنسبة للجدول جيد وممكن تزيدون عدد ايام انترلاكن الى 4 وديفون 3 الزحليقات والشلالات والاماكن السياحية في انترلاكن بتلقونها في هذا التقرير في الجزء الرابع احداثيات ومواقع الاماكن السياحية في سويسرا وما حولها http://www.arabtrvl.com/vb/t904.html وبالنسبة لجنيف وانسي ايضا بتلقونها في نفس التقرير في الجزء الاول والثاني وايضا هذا تقرير اخر لجنيف وانسي والاماكن السياحية اللي فيهم وقريبة منهم جنيف اين تذهب فيها واين تذهب منها .. http://www.arabtrvl.com/vb/t1762.html ميلان بعيد عليكم والذهاب والعودة في نفس اليوم بتكون متعبه |
رد: رحلة لعائلة كبيرة في ربوع سويسرا شكرا لك مقدام يعني نكنسل ميلان |
رد: رحلة لعائلة كبيرة في ربوع سويسرا ماقصر مشرفنا مقدام بيض الله وجهه ربي يطول بعمر الوالد ان شاء الله اختي طوق وان شاء الله تستمتعون معاه بالسفره يستاهل الوالد بخصوص ميلان المسافه بالسياره 320 كيلو يعني تقريبا 3 ساعات ونص ورجعه 3 ساعات ونص يعني 7 ساعات والجوله هناك والتمشي احسبوها اذا تناسبكم المسافه ومش متعبه عليكم ممكن تروحون لها بس نفس ماقال خبيرنا نوعا ما متعبه بخصوص السياره اختي شلون ماحصلتي مكان للتسليم بالجانب الفرنسي من المطار !! ممكن نعرف من اي شركه ؟ وهل حجزتي او للحين بخصوص انتر لاكن عندكم شلالات تروميل باخ وجيس باخ اذا تبغون حدى ها الاشياء للتأجير سياكل Our bikes - Flying Wheels Interlaken Bike Center وهذا عندهم كذا مكان تقدرون تأجرون منهم في انتر لاكن وسويسرا كلها Rent a Bike AG :: Reservation, Tourenvorschlأ¤ge, slowUp, Reservation, Velos, Velotypen, Occasionsvelo, slowUp, Tandem, Velostation جوله بالمروحيه في انتر لاكن Gsteigwiler-Interlaken بخصوص الزحيلقه الصيفيه في انتر لاكن بوصف لج مكان حلوو وقريب تقدرين تروحين له مشي فيه قمه مب عاليه كثير وزحيلقه صيفيه والعاب ومنظر حلو على الجبال المجاوره ان شاء الله بوصف لج الطريق كامل بالخارطه والحين احنا نتناقش لين نوصل حق جدول مريحك لكم ان شاء الله بس بغيت اعرف اختي طوق انتو شنو الي تم حجزه الا الان يعني التذاكر والفنادق وغيرها وبالتوفيق ان شاء الله |
رد: رحلة لعائلة كبيرة في ربوع سويسرا الطيران تم حجزة الفنادق حجزناها ومسترجعة السيارة والله مو انا اللي حجزنها لكن ماتم الدفع ولا شي نبغاها ل8اشخاص المخطط اسبوع لندن 4ايام ديزني اسبوع باريس 4ايام بادن بادن اسبوع سويسرا بين المنطقتين اللي وضحتها لكم |
رد: رحلة لعائلة كبيرة في ربوع سويسرا صح نسيت اوضح شغله الميزانية ماهي محدده وبالوقت نفسه مانبغى نصرف الفلوس ع الفنادق |
رد: رحلة لعائلة كبيرة في ربوع سويسرا اختي طوق بالنسبه للسياره احجزوها من الحين امورها طيبه شوفي التاريخ اذا صحيح او لا مب مشكله بالتاريخ وشوفي مكان استلام السياره وارجاعها حصلت لكم هالسيارتين ومناسبين جدا لكم http://up.arabseyes.com/uploads2013/...6600632581.png العاب http://up.arabseyes.com/uploads2013/...6600638162.png العاب http://up.arabseyes.com/uploads2013/...6600645693.png العاب |
رد: رحلة لعائلة كبيرة في ربوع سويسرا تسلم تسلم طيب اذا ممكن توضحلي اكثر بخصوص السيارة مممم عادي اوتوماتيك وهذي الشغلات طيب ايش رايك بمخططنا انا قاصدة يكون كذا عشان الوالد لا يتضايق من كذر التنقل |
رد: رحلة لعائلة كبيرة في ربوع سويسرا صباح الخير اختي طوق بالنسبه للأماكن الي ذكرتوها انا اشوف ان المده ممتازه جدا جدا لزياره 5 او 6 مناطق وانتو مرتاحين بس خبرج الناس تختلف تحب تقعد بمكان واحد او مكانين ويتنقلون من مكان لأخر ويرجعون بنفس اليوم من جذي مرات يكون المخطط مبدئي لفهم رغبه المسافر وبعدها يتعدل المخطط اشوي اشوي لين بالنهايه نوصل المخطط مريح له بالنسبه لتواري ممكن تلغونها وتقتدرون تستدبلونها بأنسي الفرنسيه وبالنسبه لبادن بادن ممكن تستبدلونها بمدينه فرايبورغ بس الي ابغي اعرفه انتو تبغون تسكنون في جنيف او لا يعني بس تبغون مدينه قريبه منها على اساس تتجولون في البحيره والاماكن الثانيه وبعدها من المدينه الى مطار جنيف على اساس نستقر على المخطط المانسب لكم بالنسبه للسياره هالسيارات الى اخترتهم لكم اتوماتيك افضل لكم من العادي تاخذونها من احد فروعهم في باريس اخترت فرع يكون قريب منكم وترجعونها بمطار جنيف الجانب الفرنسي بعض انواع السيارات اذا رحتو هناك يمكن ماتحصلون الي حجوزتها بالضبط يعطونكم سياره بنفس المستوى والحجم ويمكن تكون افضل انا في 2014 حاجز مرسيدس ام ال ويوم وصلت هناك عطوني bmwX5 روووعه تحصلين جنب السياره كاتبين or similar يعني سياره ثانيه بنفس الفئه او المستوى وطبعا يكون النفقيشن موجود اما الامور الثانيه مثل التأمين او يكون العداد مفتوح او لا بعدها نفصل لحجز اذا اخترتي نوع السياره ونساعدج بالحجز |
رد: رحلة لعائلة كبيرة في ربوع سويسرا اخترت تواريه لانها بالنص بين انسي وجنيف واقدر منها ازور كذا منطقة ثانية مانبغى نسكن بجنيف لان الوالد حاب يسكن بمكان هادي على آخر الرحلة السيارة انا مالي فيها زوجي واخوي هم المتكفلين بموضوعها لاني غشيمه بهذي الامور بادن بادن ليش اغيرها ايش يميز فرايبورغ عنها انا عجبني السنتر وقربها من اليورب بارك هل فرايبورغ افضل |
| الساعة الآن 08:25 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO