|
رحلتي في أغسطس السلام عليكم أحبتي طاب صباحكم أنا حجزت للسفر إلى سويسرا بإذن الله تعالى لمدة 16 يوم من 2 أغسطس إلى 17 أغسطس, وهذي اول مرة اروح سويسرا وودي ازور سويسرا والمانيا وفرنسا ، كيف يكون سير الرحلة بدون تعب فالطرق لأنه تعرفون اللي اول مرة بيلقى صعوبة في الوصول للمدن اللي يبيها وطبعا باستخدام القارمن. والوصول ان شاء الله لجنيف وباخذ سيارة وبطلع على طول لانتر لاكن وبجلس فيها 5 ليالي والمشكلة عندي ما بعد انترلاكن ما اعرف الاقرب ولا الافضل. ما استغني عنكم وما راح اطلع عن مشورتكم.. تحياتي اخوكم أبو محمد |
رد: رحلتي في أغسطس ياهلا ومرحبا اخوي منور والله ابشر بسعدك ان شاء الله محد راح يقصر معاك انا او الاخوان الخبراء المجميع بالنسبه لمخططي لك اذا انت بتسافر على الخطوط السعوديه ويهمك موضوع الذهاب والعوده يكون دايركت المخطط كالتالي : مجموع الليالي 15 ليله الوصول جنيف - سويسرا (ليلتين ) الوصول وبعدها انتر لاكن - سويسرا ( 6 ليالي ) وبعدها فرايبورغ - المانيا ( 4 ليالي ) وبعدها باريس - فرنسا ( 3 ليالي ) والعوده منها بالتوفيق اخوي |
رد: رحلتي في أغسطس هلا اخوي ومرحبا بمشرفنا القدير اشكر لك تجاوبك واهتمامك وجزاك الله خير انت وكل اللي فالمنتدى الحبيب، ايه اخوي رحلتي ان شاء الله تعالى الرياض جنيف الرياض الافضل ابات في جنيف على قولتك والا امشي على طول لانترلاكن او تعب بعد السفر اخوي مخططك حلو وبيكون من خياراتي المفضلة اكيد، وبالنسبة للعودة من باريس الى جنيف مسافتها معقولة ؟ وعلى فكرة معي اولادي 2 الله يحفظ لنا ولكم ولكل مسلم ، اعمارهم 12 و 9 وحاب انهم يستمتعون هل المدن اللي ذكرتها تنفع للصغار. تقبل تحياتي |
رد: رحلتي في أغسطس اتوقع غلطة مطبعية من مشرفنا العزيز القطري أو ان في باله راح ترجع من باريس (رغم المسافة من فرايبورغ الى باريس 575 كم) باريس - جنيف 540 كم |
رد: رحلتي في أغسطس اقتباس:
حياك الله ومرحبا ، يمكن اخوي القطري يظن ابرجع من باريس لكن حجزي على جنيف والعودة منها ايضا ، بصراحة 575 كم مسافة طويلة واعتقد متعبة بالسيارة ولا هنا دلالة :) انا ابي افضل الحلول لزيارة الدول الثلاث سواء بالسيارة او القطار يا ليت الاخوان يدلوني اللي راحوا هناك ولهم خبرة . شكرا اخوي القطري واخوي ابو مهاب على ردودكم.. تحياتي |
رد: رحلتي في أغسطس مقترحي لكم كالتالي الوصول جنيف والتوجه مباشرة الى انترلاكن 6 ايام ثم الغابات السوداء في المانيا والسكن في رست 5 ايام واخيرا جنيف والسكن في القرى الفرنسية القريبة منها مثل ديفون او فرنيه 4 ايام وبالتوفيق |
رد: رحلتي في أغسطس السلام عليكم ورحمة الله وبركاته اخوي أبو محمد مساك الله بالخير وامسي على راعي قطر وخبير سويسرا والجميع. من واقع تجربتي البسيطة بسويسرا وما حولها ولايهون خبير سويسرا وانا ارشح لك انك تستاجر السيارة من الجانب الفرنسي لمطار جنيف لانه ارخص واصلن ما بينهم الاباب وتقدر تقراء بالتقارير الموجودة هنا بالمنتدى من عملاقة السفر وتستفيد منها .. جنييف بصراحة كئيبة وما فيها شي يذكر (قعدت يومين وجاني اكئتاب:yolks00430: يمكن البحيرة فيها فقط جميلة ) الا اذا حاب تروح للمدن والمناطق الي حولها زي Montreux او Lausanne بصراحة جميلة يعني لو عرضت خريطة بحيرة جنيف على قوقل ماب (خرائط قوقل) بتلقى المدن الي حولها وفيه طريقة جميلة جربتها بقوقل ماب مثلاً تكتب منطقة Montreux بتطلعلك على الخريطة وبعدين بيطلع لك مربع تحتها فيه صور عن المدينه وبجنبه بالانقليزي كلمة street view ومعناها مشاهدة الشارع او مناظر الشارع وهاذي بتفيدك كثير لانها بتعطيك صورة مبسطة عن المدينه وشوارعها وبتصير انت كانك موجود فيها وبكذا ما راح تكون غريبة عليك وينطبق هالشي على اي مدينة بتسافر لها ,, فيه خاصية ببرنامج قوقل ايرث Google Earth تكتبه كذا وتحمله من النت هالخاصية لو فرضنا انك بتسافر وبتروح من جنييف الى انترلاخن او انترلكن تحط اسماء المدن وتحفظهم ويعطيك صورة للطريق الي انت بتروح وتسافر عليه وهاذي مهمه علشان يبعد عنك الخوف من السفر والقيادة باوربا وبصراحة السواقة فيها مرة جميلة ... ولاتنسى كروت التخفيض Swiss pass تراها مرة مفيدة وحلوة وحاول ماتعتمد على القارمن لحاله نزل برنامج copilot او sygic او برنامج ميشلان Michelin لجوال الايفون او اندرويد يعني خلهم احتياط معك لو صلب القارمن او وقفك عند مكان غير الي تبيه البرامج هاذولي مفيده مرة وعن تجربه لي وتقدر تعتمد على الله ثم على قوقل ماب ولابد من توفر النت لكن فيه طريقة حلوه وهيا تقعد بالفندق على الواي فاي وتخزن كل الاماكن الي بتروح لها وتحفظها عندك بقوقل ماب وبعدها تقدر تطفي ال3g وتحطه بوضع الطيران ويصير لك قارمن ويوفر لك بطارية ... هاذا مختصر الي عندي واذا احتجت شي عطني خبر .... واسمح لي على الاطالة ولايهون الجميع.... |
رد: رحلتي في أغسطس جدول الاخ مقدام مناسب جدا الله يكتب لك الخير |
رد: رحلتي في أغسطس اقتباس:
اشكر لك تجاوبك معي واهتمامك، اخوي انا ودي ازور باريس اذا فيه مجال تكون ضمن المخطط ولا اعرف المسافات بينهم يعني حسب الاقرب اذا انطلاقي من جنيف ، وعلى فكرة ودي اجلس في جنيف ليلتين ارتاح فيها وازور اماكنها اللي ذكرت في مخططك (جنيف اين تذهب فيها واين تذهب منها) .. رحم الله والديك ووالدينا أجمعين. تحياتي |
رد: رحلتي في أغسطس اقتباس:
شكرا لك على المعلومات الرائعة وتسلم على مشاركتك وجهودك ، ولكن لابد من الاستراحة في جنيف بعد الرحلة ونتمشى فيها ونتسوق وعلشان العيال الصغار تخبر ودي امشيهم في ملاهي جنيف وتكفينا فيها ليلتين.. وافدتني عن قوقل ماب واهميتها ، وفعلا لابد من اضافة برامج خرايط للحاجة لأنه بدون هالتقينة ما راح ادل مكان ، جزاك الله خير ورحم الله والديك ووالدينا أجمعين.. تحياتي |
| الساعة الآن 08:09 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO