|
ارجو المساعده في تنظيم رحلتي ل سويسرا السلام عليكم ورحمة الله وبركاته.. السفر بيكون ان شاء الله في شهر 10هجري انا وزوجي وطفلين :54:لمدة اسبوعين نبغى نروح انترلاكن ومدينتين ثانيه او وحده مع الاطفال نفضل عدم كثرة التنقلاات :21:ايش تنصحونا مدن جميله تستحق الزياره ..بالاضافه للاماكن كمان شي يناسب وجود الاطفال وبالنسبه للنقاب ياليت تذكرون مدن ماتمنعه مع انترلاكن ولكم مني جزيل الشكر ...:e304: |
وعليكم السلام لو تعتمدين الميلادي بتخطيط الرحلة أسهل أتوقع يوافق شهر 7 جولاي دام معكم أطفال ممكن تروحون يورب بارك في مدينة رست المانيا حوالي 200 كلم يعني تقريباً ساعتين بالسيارة طبعاً في انترلاكن يفضل الحجز المبكر للسكن لأنه موسم والاماكن الحلوة تنحجز من بداية السنة |
وعليكم السلام ياهلا ومرحبا ممكن اختي الوصول جنيف - انتر لاكن - كولمار - باريس من جنيف تستلمون السياره من القسم الفرنسي وبعد انتر لاكن تروحون كولمار الفرنسيه ومنها تزورون المناطق الي حواليها ( ستراسبورغ - يورب بارك - بادن بادن ) كولمار حلوه ممكن تسمينها فينيس فرنسا وهذي صورها https://www.google.com/search?q=%D9%...XJBBwQ_AUIBigB ومن سترايبورغ تسترجعون السياره وعلى باريس خط مباشر بدون توقف تقريبا ساعتين والعوده من باريس للبلاد وهذا مخطط الرحله : https://www.google.com.eg/maps/dir/%...d48.856614!3e0 |
شكرا لكم ع الرد ..لكن احنا مانبغى نروح اي مكان خارج سويسرا . وفرنسا ممنوع النقاب .. قريت عن لوزان ولوسيرن وجنيف بالاضافه ل انترلاكن كيف نزورها بالترتيب يعني الوصول جنيف والسكن بمكان قريب منها يهمنا فندق تكون المواقف فيه مجاناا ونظيف وموقعه ممتازايش تنصحونا ؟واليوم الثاني ممكن نتمشى في جنيف .واليوم الي بعده نروح انترلاكن وياليت الله يسعدكم اماكن سياحيه مناسبه مع الاطفال اعمارهم 3سنوات وسنتين |
خطتكم تكون : جنيف 3 يوم ومنها الى لوزان 1 يوم ثم انترلاكن 7 يوم ثم لوزيرن 3 يوم هذا الفندق مناسب جداً في جنيف عبارة عن أجنحة وسعره رخيص ومقابل لاكبر مول في سويسرا وفيه مواقف محدودة امام الفندق مجانية بجانب مواقف خاصة مدفوعة https://www.booking.com/hotel/ch/sui...ther;cdl=en-gb بالنسبة لـ لوزان ارشح تسكنوا في فندق موفنبيك الشهير المطل على البحيرة امامه مواقف عامة وحوله الكثير من المطاعم والفندق رائع https://www.booking.com/hotel/ch/mov...ighlight_room= في انترلاكن الخيارات كثيرة لكن الحجز من الآن ضروري الافضل على بحيرة ثون ممكن تشيكوا على الفندق هذا او قريب منه https://www.booking.com/hotel/ch/str...track_spadnt=1 في لوزيرن الحالمة وهي من أجمل مدن سويسرا ممكن تسكنوا في قرية ريفية ومنها تروحوا لسنتر لوزيرن قريبة بالسيارة دقائق https://www.booking.com/hotel/ch/hot...ighlight_room= سويسرا عموماً هادئة و ذات طبيعة خلابة وتنفع للبالغين أكثر من الاطفال توجد العاب على البحيرات لكن محدودة واسعارها مرتفعة |
رحلتنا من جده ان شاءالله يوم 26/2017 يونيوالساعه 9 تقريبا صباحا الوصول لجنيف تقريبا الساعه 14 ظهرا والعوده من جنيف يوم 10/2017يوليو تقريبا الظهر بتوقيت جنيف يعني رحلتنا 14 ليله وحابين نخلي جنيف اخر محطه يومين فقط ماهي خطة السير المقترحه من حيث المسافه بين المدن والسكن.. بالنسبه للمدن المختاره هي لوزان ولوسيرن وانترلاكن وفي حالة رغبتنا زيارة أنسي الفرنسيه ماهي المدينه من المدن الثلاث الاقرب لهاوهل فيه اشكاليه للنقاب مثل المدن الكبيره... وبالنسبه للسياره من وين تنصحونا نستاجره من القسم الفرنسي او السويسري وماهي الشركه الأفضل من حيث السعر وكذلك يكون معها استكر ضريبة الطريق وكذلك كراسي الاطفال لان عندي طفلين 3 سنوات وسنتين وما المقصود بالقسم الفرنسي والسويسري وهل هم في نفس المطار يعني رحلة الخطوط السعوديه تنزل في اي قسم ولا لازم اروح صاله ثانيه لجهة القسم الفرنسي مثلا ولكم جزيل الشكر .. |
وينكم .الله يسعدكم ردو |
المطار ينقسم لقسمين الجزء الاكبر سويسري وجزء صغير فرنسي اول ماتوصلوا تروحوا لوزان حوالي 60 كلم من المطار ثم انترلاكن ثم لوزيرن و بالاخير جنيف انسي وشامونيه ممكن تزوروها من جنيف لانها قريبة جداً منهم 40 كلم مايفرق سواء استاجرتوا من القسم الفرنسي او السويسري ولا يفرق كثير اذا ديزل او بنزين شوفوا الارخص لكم وانا اشوف بدجت ارخص شركة لكن ممكن تجربوا يورب كار وايفس بالبداية جربوا موقع كاياك و رنتال كار لانها مواقع مقارنة بين الشركات ستكر السيارة ممكن تشتروه من اي محطة على الطريق لامشكلة |
شكرا لك اخوي الله يعطيك العافيه طيب ايش رايكم في هالفنادق الي اخترناها هل هي كويسه لوزان / فندق نوفوتيل لوزان بوسيني انترلاكن / فندق بليفو..او روسلي لوسيرن / فندق دي ألب.... او فندق إيبيس ستايلز لوزيرن |
انتظر الرد :2:الله يجزاكم كل خير ..نبغى نرتب ونحجز ان شاء الله |
انتظر الرد ..الله يجزاكم خير ..نبغى نحجز ونرتب ان شاء الله |
فندق نوفتيل لوزان جيد جدا رغم انه ليس في لوزان (8-10 كم عن لوزان) انترلاكن أنا أفضل البعد عن السنتر في هذا الوقت ولكن بيليفيو ممتاز مع ملاحظة الموقف بيس مجاني واذا لقيتوا شقة في برينز او لوتربرونين او ايستوالد افضل خصوصا ان المدة أسبوع مثال Hotel Sterne, Beatenberg, Switzerland - Booking.com ويمكن تشوفي موقع https://www.airbnb.com/s/Interlaken-...s_tag=H8-d7kUR |
شكراا لك اخوي احترنا ايش المدينه القريبه جداا من جنيف علشان بتكون اخر محطه لنا بعد انترلاكن ومنها يصير نقدر نزور جنيف ونكون جاهزين للرجوع ل ارض الوطن طبعاا غير لوزان .لانها محطتنا الاولى |
عندكم انسي الفرنسية ولا اتوقع تواجهون مشكلة مع الحجاب ابدا فيها لأن كثير من الخليجيين يزورونها لو مش حابين ممكن تختاروا مونترو |
اشكرك جزيل الشكر اخوي طيب من انتر لاكن ل منترو كم ساعه؟ ومن منترو ل جنيف كم والمطار خاصه ؟ |
من انترلاكن الى مونترو تقريبا ساعتين من مونترو الى جنيف ساعة وشوي ما انصح السكن بعيد عن المطار أنسي او أيفيان 40 دقيقة ديفون او تواريه 30 دقيقة فرنيه فولتير 20 دقيقة نيون (سويسرا) 30 دقيقة |
مشكور اخوي جزاك الله خير كم تبعد لوسيرن عن جنيف ..نبغى نكون قريبين علشان المطار .لان مانبغى نسكن في جنيف يعني رحلتنا تكون كالتالي من المطار على لوزان لمدة 3ايام ومنها الى انترلاكن 7ايام ونروح يوم لهايدي ونرجع بنفس اليوم ل انترلاكن ومنها نروح ع لوسيرن 3ايام ممكن نزور جنيف بيوم معليش سامحوني ع كثرة الاسئله :12: ولكم جزيل الشكر |
اقتباس:
اسألي لما تطمني لوسيرن بعيدة عن جنيف (3 ساعات بالسيارة) من انترلاكن الى قرية هايدي ساعتين ونص (شخصيا ما تستاهل التعب ما دام مو على طريقك) من لوسيرن اقرب (ساعة ونص) ليلة العودة ضروري تكون قريب من جنيف وانصحك بهالفندق جنب المطار Hotel ibis Saint Genis Pouilly Genève |
الله يعطيك العافيه اخوي مشكووور |
ياخبراء جزاكم الله كل خير ايش رايكم في هالفنادق الوصول ل مطار جنيف ان شاء الله والتوجه ل لمدينة لوزان والسكن في فندق نوفتيل لوزان بوسني او موفنبيك او رويال سافوى لوزان لمدة 4ايام.... ///////////////////////////////////////////////////// التوجه ل انترلاكن والسكن في فندق برنزيسي على بحيرة برينز..او فندق بليومليسالب دورينت بنتربينغ على بحيرة ثون او بليفو لمدة 8ايام .... ///////////////////////////////////////////////////// العوده ل جنيف والسكن بفندق ان اتش يبعد1كم للمطار او نوفتيل سويتس ايبرو جنيف 5دقايق للمطار يوم واحد ... وسامحونا ع كثرة الاسئله والحيره :63: |
مرحبا اختي ماقصرو الاخوان جزاهم الله خير بالنسبه للجدول حلو اختي بس السكن في انتر لاكن لو تسكنين بفندق على اطلاله حلوه ومن وجهه نظري ابعدي عن فندق بلفيو ما انصح فيه اذا تبغين فنادق في انترلاكن بعطيك خيارات ان شاء الله بس تقولين لي الفندق تفضلينه في سنتر انتر لاكن او مطل على البحيره او على الطبيعه والخضره ونفس ماقالك خبيرنا هايدي من انتر لاكن ماتسوى ابدا الا اذا يتنقصين يوم من لوزان وتحطينها في سانت غالين او لوزيرن |
الله يجزاك كل خير اخوي ماقصرتو جميعاا .. ع البحيره افضل الفندق ..طيب الي بثون وبرينز ..مو كويسين والا ايش؟ وهايدي نفسي ازورها كيف ننظم الجدول ممكن نسكن في فندق هايدي ليله وحده وبعدها نمشي ع جنيف هل كذا كويس والا مسافه طويله :26: والفنادق الي اخترتها في لوزان وجنيف هل هي كويسه ؟ |
اخر برنامج توصلنا اليه انا وزوجي كالتالي : اول مانوصل المطار ناخذ سيارتنا ان شاءالله ونتجه مباشره للوزان 3 ليالي وبعد ذلك نتجه ان شاء الله من لوزان مباشره إلى لوزيرن ونجلس فيها3 ليالي نزور منها قرية هايدي لان ودي اسلم على بنت العم هايدي:32: والجد واعزمهم عندنا في جده وبعد لوزيرن نتجه ان شاء الله إلى انترلاكن ونجلس فيها 7 ليالي ومن بعدا التوجه ان شاء الله اخر ليله لجنيف والسكن بفندق قريب من المطار للاستعداد للعوده لارض الوطن الغالي علما ب ان رحلتنا 9يونيو الساعه 9صباحا ..والعوده يوم 10يوليو س14 هل توزيعنا لليالي صحيح |
كدة التوزيع ممتاز بالتوفيق بس التواريخ شكلها بالغلط |
جزاك الله خير اخوي مشكووور هل الحجز من الاان افضل والا بدري عن الموضوع لان السفر بعد 5شهور اذا ربي احيانا وقدر لنا |
الجدول ممتاز لكن اشوف بدري على الحجز فقط يتم مراقبة الاسعار لمحاولة الحصول على افضل سعر |
شكراا لك اخوي الله يعطيك العافيه ايش الاماكن الي ماتنصحونا بها لوجود الاطفال يعني صعبه معاهم .يعني مثلا التلفريك والزحليقه..اعمار اطفالي سنتين و3سنوات والله يجعل ماتقدمونه لنا في ميزان حسناتكم |
أكيد التلفريك لا لأنه مفتوح عندهم واطفالك صغار ماتقدرين تتحكمين في حركتهم برضه الزحليقة خطيرة عليهم لذا ابعدوا عنها ترى هم يتركون كل واحد يقرر بنفسه اذا بيسمح لاولاده يركبون ولا لا لذا حاولوا ماتركبون أي لعبة فيها ولو نسبة خطورة بسيطة على الاطفال |
الله يعطيك العافيه اخوي ع الرد كل العربات مفتوحه :12::31: |
مساء الورد لاسف ما وصلت مشاركاتي ٢٠ حتى أتمكن من رفع الصور لكن احببت اخبرج ان العودة من هايدي لاند الى انترلاكن الطريق جبلي صعود ونزول في أوت ليت روعه جديد قريب جدا على هايدي ضيف بالرحله لو تحبون اذا تمكنت من كتابة تقرير لكم عن هايدي لاند وما حولها وكيف الذهاب لها مشي قبل يفرج ان شاء الله او اكتبه لج هنا قبل السفر تقبلي مروري |
شكرا لك اخوي اتمنى تساعدوني بترتيب الاماكن السياحيه المناسبه لوجود الاطفال اغلب الي قريتها صعبه مع الاطفال ..الله يسعدكم ساعدوني يعني مثلا هل فيه شلال سهل الوصول له بدون مشي كثير ولا صعوبه بعربية الاطفال هل تلفريك كابيرو مناسب لهم ؟ولو مو مناسب هل فيه ثاني سهل ومافيه تنقلاات ومحطات كثيره .. وحديقة حيوان في انتركن اوقريب منها؟ البحيرات ايهم مناسبه للاطفال ؟ |
ممكنتروحي هالاماكن حديقة حيوانات سيرفيون او منتزه وحديقة سيجنال دو بوجي (قرب لوزان) تلفريك انجلبيرج (قمة تتلس) يبعد ساعة عن انترلاكن شلال جس باخ مناسب والأفضل جمعها مع جولة البحيرة واستخدام الفونكلير (العربة المعلقة للصعود) |
اشكرك اخوي جزيييل الشكر طيب فيه غيرها اماكن مناسبه ؟ وهل فيه مولاات اسعارها كويسه |
حديقة القطارات المصغرة قرب مونترو مصنع شوكلاته نستله مصنع الجبن وقلعة غرويير بالنسبة للتسوق في سويسرا غالي بعض الشيء ولاتوجد مولات كبيرة لكن عموما انا أتسوق من المانور https://www.manor.ch/ (له فروع في أغلب مدن سويسرا) في سويسرا حسب الحاجة |
اقتباس:
|
احترنا في فنادق انترلاكن ..ودنا في شقه فندقيه مو اي شقه .. يكون متوفر فيها مطبخ للاشياء السريعه . لقينا بلويمليسالب دورينت لكن في منطقه مرتفعه يمكن يكون الطريق له صعب ..وكمان اسرة الاطفال تحت وغرفة النوم فوق او هل الفنادق لو اخذت قدر طبخ كهربائي وطبخت اشياء بسيطه للاطفال مثلا .فيه مشكله |
اقتباس:
|
:( |
ممنوع الطبخ بالفنادق لا تعرضي نفسك لموقف محرج وراح يعطونك غرامة مالية بحثت لك في انترلاكن اغلب الخيارات محجوزة والباقي جدا غالية شوفي قرية غريندلوالد تبعد عن انترلاكن 20 كيلو وجوها ابرد من انترلاكن طريقة سهل مو صعب مرة ط´ظ‚ظ‚ ظپظٹط±ظٹط§ظ† ظپظˆظ†ظˆظ†ط؛ ط§ظٹظ… ط±ظˆط±, ط؛ط±ظٹظ†ط¯ظ„ظˆط§ظ„ط¯طŒ ظ…ط¹ طھظ‚ظٹظٹظ…ط§طھ - Booking.com هذي الشقة تقيمها كويس اذا على اكل الاطفال احجزو فندق وكلميهم انك تحتاجي تسوي اكل للاطفال اغلبهم متعاونين وراح يساعدوك وتسوي اكل عيالي بمطبخ الفندق |
مشكوره ياعسل ع الرد ..بس اقصد قدر للاطفال اشياء مسلوقه بدون ريحه واشياء قويه ..ياربي ليش يسوون مشكله والحجز لين الحين باقي ماحجزنا.لاطيران ولا فنادق :27: والله يكتب الي فيه الخير |
| الساعة الآن 10:35 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO