|
مساعدة في التخطيط لرحلتي الى سويسرا السلام عليكم .. ان شاء الله ستكون رحلتي مع عائلتي المكونه من الزوجين و 3 اطفال(5 و 12 و 16 سنه) في شهر 7 او 8 ميلادي وننوي ان تكون الرحلة لسويسرا و باريس وديزني لاند ان شاء الله ويهمنا ان تكاليف الرحلة تكون معقولة تفكيري المبدئي باريس 3 ليالي و ديزني ليلتين اما سويسرا محتاره في عدد الليالي استفسارتي بخصوص الرحلة : 1) ايهما افضل لبدء رحلتي هل ابدأها بسويسرا وانهيها في باريس او العكس ؟؟ نبي الاسهل بما انا عائلة 2) شنو اقتراحاتكم لي في مخطط الرحله؟؟ ما اعرف شنو عدد الليالي المناسبة لانترلاكن مثلا اهم شي ان مانبي نمل في المكان ..من خبرتكم هل اسكن في انسي او تقترحون مكان ثاني ؟؟ 3)بالنسبة للسكن شنو اقتراحاتكم في كل منطقة وايهما افضل السكن في اجنحه فندقيه او شقق ؟؟ ووين تقترحوا اسكن في انترلاكن ؟؟ 4)هل لازم نستأجر سياره في سويسرا ؟؟ وايهما اوفر استئجار سيارة او التنقل بالمواصلات العامه؟؟ 5)من خبرتكم كم احط ميزانيه للمصروف اليومي ؟؟ وكم تتوقعون تكلف الرحلة ؟؟ 6)كيف راح يكون الجو في سويسرا شهر 7 و8 ؟ هل اكتفي بالصيفي او لا ؟؟ 7)شنو افضل خطوط الطيران اللي جربتوها من ناحية السعر ؟؟ 8) شنو احلى الشلالات اللي تستحق العنوه لان حسب ما فهمت ان فيه شلالات وايد فمو عارفة الافضل 9) سمعت بسويسرا المصغرة ان شاء الله ناويه اروحها لكن مادري وين مكانها ...وبالنسبه لبيت هايدي اقدر اروح له من انتلاكن؟؟ اعذروني اذا كثرت اسأله لكن هذي اول مره اخطط بنفسي لرحله وزوجي معتمد علي في التخطيط بسبب انشغاله واللي خلاني اخطط بنفسي اني سمعت ان الحجز عن طريق لمكاتب السياحيه راح يكلفنا اكثر بواايد من لو حجزنا بنفسنا |
الله يوفقكم يارب ..حنا مثلكم ناوين نسافر سويسرا ..بس الي محيرني للحين النقاب:2: ان شاء الله يردون عليك الخبراء |
اقتباس:
كلام سليم رتبي كل شي بنفسك وان شاء الله الاخوان هنا ما يقصروا معاكي وأهم شي اسألي وشاوري بعدين استخيري والله يوفقكم |
اقتباس:
وبالنسبه للنقاب اكتبي سؤالك في الاستفسارات وان شاء الله المشرفين والاعضاءما يقصرون |
اقتباس:
1)بخصوص باريس وديزني قصدك اني اسكن في باريس 5 ليالي واترك الشنط في الفندق واروح ديزني ابات ليلتين؟؟...لكن بهالطريقة راح ادفع لفندق باريس ليلتين انا ما احتاجهم !! صحح لي اذا كنت غلطانه 2)ورايك اذا كانت بداية الرحلة باريس هل اتجه لديزني مباشرة اول ما اوصل لو ابات ليلة في باريس ويوم ثاني اروح لديزني ؟؟ 3)بالنسبه للسكن في انسي او ديفون و فرنيه فولتير تقترح كم ليلة ؟؟ انا في بالي نروح مصنع نستله وحديقة الحيوانات سيرفيون رايك اي منطقة من هالثلاث اقرب لو ما تفرق ؟؟ 4)حديقة القطارات المصغرة هل هي نفسها سويسرا المصغرة؟؟ واذا مو نفسها هل تستحق الزيارة؟؟ 5)شنو اقتراحك للسكن سواء شقق او غيره في انسي و ديفون و فرنيه ؟ 6)بالنسبة لاقتراحك لخط الرحلة هو : باريس ثم انترلاكن ثم انسي او ديفون وفرنيه بحكم قربهم من جنيف والمطار ...صح؟ 7)بالنسبة للسيارة كم راح يكلف استئجارها في سويسرا وكم احط ميزانية للبنزين والباركينق ؟؟ ا8)لمصروف اليومي اللي اقترحته شنو يشمل ؟؟ هل يشمل دخول الاماكن السياحية؟؟ 9)حسب ما فهمت ان فيه اكثر من قمه ثلجية واكثر شي اسمع عنه تتلس هل هي الأفضل لو في افضل منها ؟؟ 10) نسيت اسأل عن طريقة التنقل من باريس لسويسرا هل هي قطار ام طيران ؟؟ 11)اذا بستأجر سيارة في سويسرا منوين استلمها وفي وين اسلمها؟؟ وشنو المواقع الي تقترحها علي من ناحية السعر والتعامل 12) من وين استخرج الفيزا ؟؟فرنسا لو سويسرا؟؟ |
. |
اقتباس:
يعني تقترحي ان العودة تكون من زيوريخ مو من جنيف؟؟ بما اني بسكن في انترلاكن انا كنت افكر اني امر زيوريخ بعد ما اخلص من شلالات الراين يقولون التسوق فيها احلى من جنيف :24: شرايكم ينفع اروح لزيورخ مرور ؟؟ وبالنسبة لغلاء سويسرا سمعت عنه لذلك سألت عن اوفر الوسائل للتنقل ويمدحون سويس باس شكرا على اقتراحج اختي وياليت الخبراء ما يقصرون ويعطوني اقتراحاتهم لاني ما زلت في مرحلة التخطيط |
اقتباس:
|
اقتباس:
1)بالنسبة لديزني ..كم تبعد عن باريس ؟لاني كنت اعتقد ان لازم مبيت ..وهل اقدر اروح لها يومين ورا بعض لان يوم واحد ما يكفي اخلص الاستوديو والبارك 2)هل تنصحني ابيت في زيوريخ؟؟لان ودي اروح لشلالات الراين وجزيرة الزهور ..لو اقدر اروح لهم من انترلاكن بدون الحاجة للمبيت؟ ولو كان فيه مبيت في زيوريخ هل راح يتغير مسار الرحلة ويتغير بلد استخراج الفيزا؟؟ ؟ 3)شنو تقترح علي المغادرة من جنييف لو زيوريخ ؟؟ 4)يوجد اكثر من زحلاقية صيفيه حسب ما فهمت لكن ما اعرف شنو اشهر وحده فيهم واللي تستاهل العنوة؟؟ 5)ياليت تقترح لي ترتيب للاماكن السياحية اللي اتمنى ازورها وهي : بحيرة اوشن سي وبحيرة بلو سي و مطل هاردكلم و قمة تيتلس و شلالات الراين وشلالات تروميل باخ وزحليقة صيفية و جزيرة الورود و حديقة الحيوان ومصنع نستلة و اذا عندك اقتراحات ياليت تنورنا بها |
اقتباس:
آمين يا رب 1) يورو ديزني تبعد 50 دقيقة بالمترو من باريس ، وكلامك صحيح تروحي يومين ورا بعض وتشتري تذاكر حق يومين 2) الراين وجزيرة الزهور متعبة من انترلاكن روحة رجعة، الافضل السكن في زيورخ ما يتغير المسار بس تنقص أيام انترلاكن الى 5 أيام 3) المغادرة من جنيف او زيورخ زي بعض (يعتمد على خطوط الطيران وأسعار الرحلات وتواريخ رحلتكم ، من وين مسافرين؟) 4) بالنسبة للزحليقة الصيفية انا ما رحت الا اللي في النمسا اللي اعرفه في وحدة قريبة من انترلاكن (زحليقة بفينستج) بس ما رحت لها 5) من زيورخ ممكن زيارة الراين والزهور في يوم ، ويوم تزورون بيت هايدي واوت لت لاندكوارت ومدينة شور وهذا بيعتمد على وقت وصولكم زيورخ وانتم مغادرين زيورخ الى انترلاكن على طريقكم تمرون لوزيرن وقمة بلاتوس واذا تحبو تجربو نلفريك كابريو بعدهها قرية لونجرين ومطلها من انترلاكن يوم قمة تتلس وبالرجعة شلال جس باخ مع جولة البحيرة يوم زحليقة بفينستج وقمة فيرست وقرية جراندلفالد وقرية لوتربرونين يوم بلو سي و أوشن سي وبالرجعة مطل هاردر كلوم 6) وانتم مغادرين انترلاكن باتجاه جنيف زيارة مصنع نستلة ومصنع الجبن واذا في وقت حديقة الحيوانات ثاني يوم أنسي ولاكلوزاس ثالث يوم مونترو و لوزان والقطارات المصغرة وحديقة الحيوانات اذا ما رحتو لها اول يوم |
| الساعة الآن 03:47 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO