|
تكفون يااهل الخبره ساعدوني 🤕🤕🤕🤕 السلام عليكم ورحمه الله طبعا درت ولفيت ومالقيت تفاعل وتعاون رائع الابهالمنتدى فاتمنى الي عنده خبره يساعدني طبعا امنيتي اني اسافر سويسرا وتو نقرر السفر بس تعبت اذور حجوزات وترتيبات فالي يقدر يسوي لي برنامج له دعوات بضهر الغيب ابي ترتيب لسفره لسويسرا افضل احجز على اي مدينه وافضل الاماكن ابي شقق واكواخ اذا فيه عالبحيره لان الاغلب مخلص وعندي تقريبا 17يوم ابي توزيع لها فياليت تساعدوني :😢😢😢😢 |
وعليكم السلام ورحمة الله وبركاته حياج معانا وان شاءالله تفيدين وتستفيدين وعندج 17 يوم 16 ليلة وذكرتي بس سويسرا الإقتراح الوصول جنيف والعودة فرانكفورت المانيا جنيف ( انسي او ديفون ) 3 ليالي انترلاكن 5 ليالي زيورخ ليلتين بادن بادن 4 ليالي ( الغابات السوداء ) ليلتين فرانكفورت للتسوق وفي بعد بدال المانيا تكون إيطاليا إن شاءالله بعد اختيار الجدول مع الخبراء الإفادة بالسكن والجدول اليومي رحلة موفقة بإذن الله |
ياعمري فديتك انا ماابي تسوق اهم شي عندي المناظر ماتهمني المدن واجد واذا بروح مثلا المانيا هل بيكون لها فيزا لحالها الي اعرفه ان سويسرا اجمل بكثير من المانيا فماادري هل اذا قضيت الاجازه كلها بسويسرا بتكون ممله |
وينكم ياليت الي عنده معلومات يساعدني عشان يمديني احجز واطلع الفيزا لاننا عائله ☹️☹️ |
العفو فداج اللاش اذا جذي هالجدول مناسب ٣ مدن سويسرية وطبيعة جنيف ( ديفون انسي شامونيه ) انترلاكن وزيورخ والمانيا منطقة الغابات السوداء ( طبيعة ومدن قديمة وبحيرات بوسطها ومدينة العاب يوربا بارك ) وفرانكفورت مدينة ختامها علشان المطار والفيزا هي فيزا وحدة لهم فيزا شينغن هذا انسب دامكم عائلة وتحتاجون ترفيه اذا في صغار وتحت ١٨ سنة |
طيب لو ابدا السفر من فرانكفورت. الوصول لان السياره ارخص بواجد من سويسرا والرجوع من جنيف عادي كذا |
واذا بديت من فرانكفورت كيف تقسيم الايام على الاماكن وافضل السكن يكون بشقق او اكواخ ابي مكان تكون الاطلاله عالبحيره او مناظر حلوه ,,,شاكره لك ردودك ❤️ |
واااسفه عالاطاله بس سؤال بعد الفيزا اطلعها لاي دوله بلد الوصول او الي بجلس فيه ايام اكثر |
تطلع الفيزا من الدولة اللي بتجلس فيها اكثر لكن المانيا متشددين اذا وصولك المانيا لازم تستخرج منها الفيزا فيه ناس تحجز اكثر مدة بالمانيا ويكنسلو الحجز اذا وصلو هناك سويسرا جميلة اذا سفرك بالصيف حاولي تخلي وصولك انترلاكن يوم السبت اذا تبغى اكواخ او شقق لانه يتم استاجرها بالاسبوع عندك المسار الاول الوصول فرانكفورت والمغادرة جنيف فرانكفورت رست او بادن بادن انترلاكن جنيف ممكن يكون مسارك دائري حنيف وصول ومغادرة جنيف انترلاكن رست او بادن بادن كونستاس جنيف - ممكن تستغني عن كونستاس جربي حجز السيارة من القسم الفرنسي بمطار جنيف اغلب شيء ارخص من الجانب السويسري متى وقت سفرك وكم عددكم واعمار الاطفال انتي الحين احجزي التذاكر واختاري مخطط وبعدين نساعدك بالسكن |
اول شي اشكركم على الرد ربي يسعدكم ويوفقكم يارب ثاني شي كيف اتاكد من موضوع الفيزا ،،، وبالنسبه للاكواخ عادي بستاجر شقه الين يسير يوم سبت وباخذ كوخ اسبوع بس اهم شي يكون امان ومكانه جميل ونظيف مرره ماابي حشرات اهم شي النظافه والمكان يكون يستاهل اجلس اسبوع فيه لو عندكم روابط ارسلوها الله يعافيكم والخطه فرانكفورت بادن بادن سويسرا جنيف اذازيورخ تستاهل اوقف اوامرها بالطريق يكفي ماادري ياليت تفيدوني وسؤال اليوربارك كم تبعد عن بادن كذا السفره اسهل من اني اخليها دائري بس قالقني الفيزا |
| الساعة الآن 10:44 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO