|
يكفني هالمبلغ والا اغير الدوله 😬 انصحوني 😞 السلام عليكم ورحمه الله وبركاته الله يتقبل من الجميع الصيام وصالح الأعمال 💜 انا اول مره اغير الوجهه للدول الاوروبيه من بعد شرق آسيا الطيبه 😁 المهم اتفقنا مع مكتب سفريات رتب لنا برنامج سويسرا وفرنسا طبعا مده الرحله 11 يوم مع ايام الطيران مع مرشد سياحي طول الرحله وفنادق وفطور اتوقع 4 ايام سويسرا و4 ايام فرنسا انا ماركزت بالضبط ع البرنامج الزبده انها زياره ل زيورخ وميلوز وباريس يبقى من المبلغ 10000 تتوقعون هذي تكفي للعشا والغداء 😔 التذاكر السياحيه هو قالي عليهم بس انا بعد بتأكد ولااهون عنها وانا خاطري فيها 😭 يمكن تقولون غيري سويسرا لانها غاليه انا خاطري فيها عشان كذا اخترتها 😞 باريس انصحوني الله يجزاكم خيرر انا قريت واجد مواضيع عندكم بااغلب سفراتي واستفدت بس هالسفره صار لازم تشاركوني برايكم 😩 |
اقتباس:
تكفي إن شاء الله ,خاصة اذا كان حجز الفنادق يشمل الإفطار لنأخذ الدولة الأغلى بالتكلفة سويسرا وجبة كاملة بمطعم متوسط غداء او عشاء للشخص الواحد من 25 الى 30 فرنك بيتزا لازانيا وجبة بمطعم هندي برياني الخ المطاعم العربية أغلى قليلاً ولاينصح بأغلبها لاجودة ولاطعم ولا احترام . |
وعليكم السلام بمعدل 1000 ريال تقريبا لليوم نعم تكفيكم ان كنتوا شخصين بس ضروري نسال المكتب عن موقع الفنادق وناخذ تفاصيل البرنامج مضبوط عشان نضمن تواجدنا يكون بالسنتر وبالتالي التكلفة تقل علينا لكثرة الخيارات حولنا من مطاعم وكافيهات ومواصلات |
اذا هالمبلغ للغداء والعشاء فقط اكيد يكفي 11 يوم ولكن نصيحة حطي مبلغ احتياطي لاي ظرف لاسمح الله الحالات الطارئه 11 يوم الرحلة 4ايام سويسرا و 4 ايام فرنسا باقي 3 ايام وينها ههههههه زبدة سويسرا انترلاكن انصحك بما انك وصلتي زيورخ روحي لانترلاكن المرشد معاه سيارة او لا |
اقتباس:
❤ كلمه تكفي خلتني ارتاح نفسيا اول ماقريتها😪 صح انا سمعت ان المطاعم العربيه غاليه هناك 🙄 طيب ليش الله يرزقك سعاده الدارين 🤲🏻 |
اقتباس:
صادق 👍🏻 شكلي اليوم بمر المكتب اخذ نسخه من البرنامج واعرضها هنا واسمع رايكم الله يسعدك 🤲🏻 |
اقتباس:
😆 3 ايام يمكن بالطياره اكيد لازم أخذ احتياطي 👍🏻 ولو علي لفيت سويسرا شارع شارع ماخليت شيء بنكون ماشين ع البرنامج ايه معاه سياره بيكون معانا من مطار البحرين محطه الانطلاق الى انتهاء الرحله 💜 شاكره لك مرورك اللطيف 🌼😊 الله يسعدك |
اعتقد الافضل حمل مبلغ زيادة لي صديق سافر هناك لمدة 10 ايام وحسب كلامة كان الميزانية اليومية لا تقل عن 1500 ريال ويمكن فية تقارير تكون اقل ولكن حسب المتوسط كذالك سويسرا غالية وغالية في كل شي اتمنى لك سفرا سعيدا |
| الساعة الآن 09:24 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO