|
قرية جميلة وقريبة من غريندلوالد ؟؟؟ السلام عليكم انا للحين في مرحلة التخطيط لرحلتي القريبة جدا الخطة كانت : الوصول من مطار زيورخ دايركت ل غريندالولد بسيارة ( مامعانا سيارة .. بناخذ سيارة بسواق يومها وللتنقلات بين المدن بسس الباقي مواصلات عامة ) 3 ليالي غريندلوالد 2 لوزيرن 2 زيورخ وممكن ازيد يوم على لوزيرن او زيورخ ***** نص اللي معاي اعترضوا ان لوزيرن مدينة وبعدها زيورخ مدينه ! يبون بعد ريف وطبيعة وبنفس الوقت مابي الباقي يتمللون فاقترحوا انه يبون مكان استرخاااء ويختلف شوي عن غريندالولد ويبون فندق جميل وراقي وفيه سباا ... وصراحة احتررررت فكرت في مكان يكون يطل على بحيرة مثلا او اي شي جميل ؟ وين ممكن تقترحون الفنادق الجميلة في بوكنق لقيت في بيرجنستوك و زيرمات و ادلبودن بس صراحة ماقتنعت بشي ومترددة ! واذا مافي فنادق فخمه مو مشكله وين عالاقل قرية تكون جمييلة واطلالتها حلوه وماتكون مملة؟ |
عندك قرية لوتربرونن جنوب انترلاكن بـ 14 كم تقريبا. سبق وارسلت لك رابط فيديو عنها مع قرية جريندلوالد مشهد مصور من الجو (طيارة درون) لقريتي جريندلوالد و لوتربرونن |
اقتباس:
يعطيك العافية فعلا القرية جميلة وزرتها قبل من انترلاكن وناوية ازورها بعد من غريندلوالد بس كسكن احس صعبه شوي اولا مافيها فنادق مقبولة ابدا .. بتواريخي ماطلع لي الا فندق بو نجمتين واحنا الفندق مهم عندنا ثانيا سهله زيارتها من غريندلوالد .. ومادري ماحسه تغيير اذا سكنا فيها لانه نقدر نزورها ونرجع عموما ماقصرت وشكرا على الاقتراح |
المنتجعات غالية بسويسرا خاصة اذا عددكم كبير لذا افضل لكم تشوفوا فنادق في وسط الطبيعة بأسعار حلوة مثلا منطقة Engelberg اللي قريبة من لوزيرن وفيها التلفريك لقمة تتلس الثلجية شيكوا على صور هذا الفندق https://www.booking.com/hotel/ch/kai...fs=1&#tab-main اذا تحبوا يكون فيه اكشن وحركة مستمرة هذا في سنتر انجلبيرج https://www.booking.com/hotel/ch/bel...fs=1&#tab-main من أجمل الفنادق بالمنطقة seehotel وهذا احد فروعه الجميلة خذوا طلة على الاسعار لان موقعه خرافي على بحيرة لوزين بس من الجهة الثانية يعني حول 10 دقائق الى سنتر لوزيرن https://www.booking.com/hotel/ch/see...fs=1&#tab-main |
اقتباس:
يعطيك العافية .. صراحة حابين ندلع نفسنا يومين ف لو تعرف منتجع معين راقي و اطلالته جميلة ياليت تذكر لي اسمه حتى لو غالي مو مشكلة . عموما راح اشيك كل الفنادق اللي ذكرتها :e32e:.. اشكرك جدااااا ع الخيارات المتعددة ماقصرت الله يجزاك الف خير |
هذا واحد من افضل الفنادق في سويسرا ويقع بين مونترو ولوزان http://www.booking.com/Share-vRGeK6 شوفوا اذا ناسبكم |
اقتباس:
حبيت الفندق جميللل :e32b: لو عودتنا من جنيف كنت حجزت فيه بدون تردد بس عودتنا من زيورخ بيكون بعيد شوي نطلع من غريندلوالد عليه ونرجع مرة ثانيه ل زيورخ عموما حفظت الفندق عندي للسفرات الجاية ان شاءالله، ماقصرت شكرااا |
دلعوا انفسكم هنا https://www.booking.com/hotel/ch/wel...fs=1&#tab-main أو هنا https://www.booking.com/hotel/ch/the...fs=1&#tab-main اذا اعجبكم الموقع افتحوا الخريطة في بوكنق و دوروا شي قريب منه اذا السعر غالي |
| الساعة الآن 07:52 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO