|
خط السفر لسويسرا هولندا السلام عليكم بستفسر من الخبراء بسافر مدة 16 يوم الى سويسرا انترلاكن واللي حولها هولندا امستردام جيثرون هذولي اهم شي عندي و باخذ طياره من سويسرا لهولندا بس مشكلتي اذا وصلت سويسرا ايجار السياره غالي جداً فكرت اخلي محطه الوصول المانيا بس صعبه الرجعه لهولندا فايش اقتراحكم لاسعار كويسه وخط سفر يكون مسافات متقاربه مشكورين مقدماً |
تقدر تأجرها من جنيف بالقسم الفرنسي من المطار ارخص |
شفت السعر اغلى اذا بسلمها بمطار زيورخ والرجعه لجنيف مسافه طويله |
و عليكم السلام و رحمة الله و بركاته محطة الوصول و المغادرة هل بتكون هولندا أو سويسرا؟؟ |
افضل سويسرا او اي اقتراح مابعد حجزت |
الوصول جنيف ليلة واحده زياره انسي الفرنسيه 5 ليالي انترلاكن واللي حولها الذهاب الى فرايبروغ ليلة ثم بادن بادن 3 ليالي العودة لمطار زيورخ لذهاب لامستردام ليلة جيثرون 6 ليالي امستردام بانتظار اقتراحاتكم |
السلام عليكم ... وجهة نظري جدول فيه تنقلات كثيرة و متباعدة لو تستبعد هولندا من الرحلة و يحل مكانها أيطاليا و تزور كومو - بيلاجيو - ميلانو و تكون الرحلة في سويسرا انترلاكن و زيورخ و بالنسبة لـ فرايبروغ أعتقد أضفتها علشان يورب بارك و ممكن زيارتها بعد أنترلاكن و العودى إلى زيوريخ هذا إذا كانت رحلة العودة من سويسرا من الأفضل للمدد القصيرة الأكتفاء بزياردة دولة واحدة أو بالكثير دولتين و تكون متقاربة ليسهل التنقل و الأستمتاع بالمكان مع الأخذ في الأعتبار وقت الأنتقال بالسيارة أو القطار و أوقات تسجيل الدخول و الخروج من الفنادق في حال كانت المدن كثيرة أثناء الرحلة ... يظل ما ذكر وجهة "نظر شخصية" تحتمل الخطأ و الصواب |
اقتباس:
وعليكم السلام المشكله لازم نرضي الطرفين سويسرا وهولندا هذا المرغوب فيه واحترت بالترتيب عطنا اقتراحك يشمل هالدولتين واحس بالعكس مده طويله جلستي بانترلاكن وامستردام مافيها تنقل كثير |
اقتباس:
طيب .. طالما المقصد أرضاء الجميع فمالك إلا أتباع الجدول اللى أقتراحته أنت و هو النزول في جنيف ... و من ثم أنسي و بعدها أنترلاكن ثم فرايبروغ و بادن بادن .. ثم العودة على نفس الخط تقريباُ لتسليم السيارة في زيوريخ و التوجهة إلى أمستردام و هذا قصدي في التنقلات الكثيرة أي البداية من نقطة و العودة على نفس الخط تستهلك جهد و وقت .. في أمستردام تعيد أستئجار سيارة مرة أخرى من أجل التنقلات أو تكتفي بإستخدام القطار للتوجة إلى جيثرون و العودة أمستردام .. بالتوفيق ... و أن شاء الله تكون رحلة سعيدة |
اقتباس:
ينفع دوسلدورف يومين ونقلل ايام امستردام لزياره الاوت لت بما انه قريب لها ولا مشاوير ؟ |
اقتباس:
أذا تبي مطار أقرب فيه مطار شتوتغارت و منه تقدر تأخذ رحلة إلى أمستردام ... و لكن إذا خطتك تمر دوسلدورف فأشوف أنك تكمل بالسيارة لأن المسافة 4 ساعات تقريباً و تقضي يومين في دوسلدورف و بعدها إلى أمستردام 3 ساعات بالسيارة ... و تسلم السيارة في أمستر دام نهاية الرحلة ... طبعاً لو أنا مكانك بأعتمد خط السير هذا و أعيد ترتيب الأيام في أنترلاكن و بادن بادن لأن بصراحة 3 أيام على بادن بادن كثيرة و 5 أيام في أنترلاكن يعني 4 يكفيها نع يوم الوصول .. |
اقتباس:
فعشان كذا فضلت نرجع نسلمها بزيورخ ونطلع ع امستردام |
اقتباس:
أنت قارن الفرق بين تكلفة التسليم في أمستردام و قيمة التذكرة بالطائرة من زيوريخ إلى أمستردام بالإضافة إلى أجرة التاكسي من المطار إلى الفندق .. و في نفس الوقت ترا في تكلفة أضافية على تسليم السيارة في زيورخ طالما أنك مستلمها من جنيف ... عموماً أنت شف المناسب لك و الميزانية و الأريح لك من ناحية التنقل |
اقتباس:
لوقانو تسوى لها العنوه يومين ؟ اقلل يوم من انترلاكن ويوم من بادن بادن ؟ شكراً والله يعطيك العافيه على مساعدتك اختصرت لي والله |
هلا عزيزتي انا من وجهه نظري تخلي امستردام في البداية و سويسرا في النهاية يصير الوصول امستردام او ممكن دوسلدورف و منها بالقطار على امسترادم و ممكن ترجعي دوسلدورف تستاجرو سيارة و على بادن بادن او فرايبورغ يومين و منها على انترلاكن و تصير العودة من زيورخ او جنيف زي ماتفضلو انا قبل اسبوعين راجعه و كان مخططي تقريبا مثلكم راح احط لك مخططي و شوفي اذا يناسبكم دوسلدورف ليله وحدة ثاني يوم بالقطار على امستردام لمدة 5 ايام و بعدها بالقطار رجعنا على دوسلدورف استلمنا السيارة و على بادن بادن 4 ايام و بعدها على لوزيرن 4 ايام و اخر شي من لوزيرن على فرانكفورت و سلمنا السياره في فرانكفورت اتمنى اكون افدتك .. رحلة سعيدة |
اقتباس:
طالما التوفير كبير .. أجل خلك على نفس الخطة حق تأجير السيارة و تسليمها في زيوريخ بالنسبة إلى لوقانو .. هي بصراحة تستأهل بس كنت بقول لك تزورها لو أنت بتروح أيطاليا لأنها قريبة من كومو و لكن في الوضع الحالي أشوف أنها خارج خط سيرك لأن بتضطر تنزل لها من أنترلاكن و بعدين بترجع تطلع إلى فرايبورغ و المسافة بالسيارة حوالي 4 ساعات ... بالتوفيق ... |
اقتباس:
ومن لوزيرن الى فرانكفورت 5 ساعات كثيره مره ماتعبتو ؟ |
اقتباس:
بالعكس كنا نوقف في المحطة نشتري سناكس و نكمل صراحة الطريق كان ممتع و ماحسينا بالتعب ابدا الحمدالله ومن لوزيرن رحنا على نهر الراين و بعدها كملنا على فرانكفورت الطرق ممتعه و بالذات في المانيا السرعه مفتوحة في الطرق فمن الممكن توصلو قب الوقت |
| الساعة الآن 08:03 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO