|
كم تبعد النمسا عن سويسرا السلام عليكم ناوي ارتب لي رحله من الان لشهر يوليو المقبل ان شالله وحاب اروح سويسرا والنمسا وايطاليا والمانيا او ثلاث منها اذا ممكن سوالي كيف بيكون جدول رحلتي لها يعني احجز من الرياض برلين ثم استاجر سياره وامرها او اني احجز علي جنيف افضل وكم تبعد المسافه بالكيلو بين كل هذي وهل فيزا الشنغن تشمل دخول لكل الدول هذي والا كل دوله لها فيزا خاصه فيها وسامحوني طولت عليكم ؟ علما اني ناوي اروح من 10 الى 12 يوم فكرما احد يفيدني |
اولا 10 ايام او 12 قليلة على 3 دول بيروح وقتك بالتنقل سويسرا والنمسا متشابهتين تقريبا اذا ميزانيتك محدودة اكتفي بوحدة منها يكون النمسا والمانيا وايطاليا اقرب لك مطار ميونخ ليش برلين بعيدة عن النمسا وايطاليا او اذا حاب تزور سويسرا وتجمعهم النمسا وسويسرا والمانيا فيزا الشنغن تقدر تزور كل الدول اللي ذكرتها وماتحتاج فيزا ثانية |
اقتباس:
٤ دول كثيرة. برلين جميلة لكنها بعيدة جدا عن جنيف. تقريبا ١١٠٠ كيلو ممكن تزور برلين - دريسدن - بادن بادن- بال( سويسرا)- زيورخ - انترلاكن - جنيف مخططك بيكون بهذه الطريقة https://uploads.tapatalk-cdn.com/202...6dfc567bdc.jpg Sent from my iPhone using Tapatalk |
12 يوم خلها سويسرا و ايطاليا انزل جنيف بعدها انسي بعدها ميلان بعدها مونترو 1 جنيف 2 انسي و منها شاموني 6 ميلان و اطلع فينسيا و كومو و قاردا و لوقانو 3 مونترو |
الله يعطيكم العافيه كم تبعد بالسياره من سويسرا لايطاليا كم كيلو تقريبا لاني ما احب المشاوير البعيده بالكثير ساعه زمن ممكن او اني اقضيها كلها في سويسرا تشوفوا افضل يعني اوزع ال 10 او 12 يوم كلها في سويسرا |
اقتباس:
انا طبعا احب المناظر الطبيعيه ولا افكر في التسوق والتجمعات الزحمه الله يعطيك العافيه ياغالي |
اقتباس:
بس اعتقد المسافه بين هذي المناطق شوي بعيده مثلا بين دريسدن وبادن بادن ماتقل عن 6 ساعات لاني ما احب المسافات البعديه ياغالي واعذروني على اسئلتي |
340 كم 4 ساعات تقريبا اذا تحب توزعها على سويسرا 5 انترلاكن 3 مونترو 2 انسي 2 جنيف |
ايش رايكم بمخططي هذا الوصول لجنيف واطلع الى انسي 4 ايام انسي وازور منها الدن اللي حولها مثل جنيف وشاموني بعدين اطلع انترلاكن واجلس فيها 4 ايام بعدها اطلع على ميلان واقضي فيها 4 ايام وازور لوقانو وكومو بس سوالى من وين احجز رحله العوده لارض الوطن لازم ارجع جنيف ؟؟؟ والسياره اسلمها نفس المكان اللي استاجرت منه لازم ؟ |
اذا تفضل سويسرا و ايطاليا خل الوصول جنيف و العودة ميلان او العكس و السيارة تكون حجز ون وي تستلم مكان و تسلم مكان |
اقتباس:
المخطط ممتاز بحكم ان من الرياض الافضل لك الخطوط السعودية وفيه طياران مباشرة من جنيف وكذلك من ميلانو طبعا تحجز السيارة من مطار جنيف وتسلمها في ميلانو وراح يكون فيه ضريبه تسليم في مدينة اخرى |
اقتباس:
واذا بسلمها اسلمها اي مطار بيكون في ايطاليا يطلع للرياض مطار ميلان والا ميلانو لاني اعتقد فيه مطارين |
الله يعطيكم العافيه شاكر ومقدر لكل من ساعدني الله يسعدكم |
اقتباس:
برلين تحتاج ٣-٤ ايام لزيارة المعالم الاساسية. المسافة تقريبا ساعتان ونصف الى دريسدن. هي في حدود ٢٠٠ كيلو. المميز في شوارع المانيا انها مفتوحة السرعة. بالفعل المسافات بعيدة الا انها ممتعة بتجربتي في السياقة في المانيا. اذا خاطرك برلين تزورها فزرها ومن ثم خذ طائرة الى جنيف من برلين واكمل المخطط حسب ما وضحه الاخوة الكرام في الردود |
اقتباس:
يفضل اونلاين لحصول على سعر اقل. لكن عندما تصل امن على تأمين شامل لكل شئ من مطار جنيف. بالنسبة للمطار في ميلان. مطار مالابينسا الاساسي لاغلب الخطوط تنزل من الشرق الاوسط . المطار الاخر الصغير هو ليناتيه ولا يستقبل اي خطوط من الشرق الاوسط |
طيب ايش رايكم يكون مخططي الرياض برلين اجلس فيها 3 الى 4 ايام منها استاجر سياره من مطار بيرلين وارجعها من نفس المطار ثم اخذ طيران الى جنيف واستاجر سياره من مطار جنيف وكمل رحلتي في سويسرا فقط باقي المده الوصول لجنيف واطلع الى انسي 4 ايام انسي وازور منها الدن اللي حولها مثل جنيف وشاموني بعدين اطلع انترلاكن واجلس فيها 4 ايام ثم ارجع لنفس المطار جنيف وارجع للرياض يعني تكون الرحله الرياض بيرلين ثم بيرلين جنيف ثم جنيف الرياض والغي ايطاليا وما اتقروش في ارجاع السياره لمكان اخر وتحمل رسوم النقل او اني اخليها سويسرا وايطاليا ونفس الشي اقضي ايام في جنيف وضواحيها بعدها اسافر طايرة الى ايطاليا واستاجر من مطار ميلانو محتار وياليت تنوروني اخليها بين برلين وسويسرا او بين سويسرا وايطاليا مع طيران للتنقل بين الدول واستاجار سياره من كل مطار وارجاعها لى نفس المطار يعني ماعندي مشكله احجز من الرياض الى برلين او الرياض الى جنيف اهم شي تكون الرخلة الدولية مباشره وش الافضل لبرلين او لجنيف سامحوني ابلشتكم:31::31: |
اقتباس:
انا اقول ادفع رسوم وريح نفسك احسب كم تكلفه الطيران وخلافه بيكون نفس السعر الامر سهل جدا وانا بالعكس اشوف تلغي برلين وتخليك على جدولك الاول |
السلام عليكم و رحمة الله و بركاته .. رغم دخولي على الموضوع متأخر لأن الكل ما قصروا أعطوك النصائح و الخيرات .. شخصياً اضم صوتي مع أخوي "أبومنار" أستأجر سيارة و تنقل براحتك و أدفع رسوم و أستمتع برحلتك و صدقني الفرق ما راح يكون شئ يذكر و فيه توفير لوقتك بدل التنقل بين المطارات و أحسب فرق السعر بين الطيران الداخلي و ضريبة التسليم بطريقة أن عدد رفقاء الأفراد بالرحلة محتاج تشتري لهم تذاكر في حين السيارة بتدفع الرسوم مره وحده في المحطة الأخيرة ... بالتوفيق .. |
| الساعة الآن 12:40 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO