|
شركات سياحة السلام عليكم يعطيكم العافيه حابه استفسر عن شركات للسياحه تكون مضمونه تسوي عروض على السفر لسوايسر لان اخوي يبي يسافر لااول مرا وهو مو عارف ويبغى من الشركات اللي تنظم للسفر تكون مسئوله عن كل شي الاستقبال من المطار والتنقل بين المدن وشكرا |
وعليكم السلام كنصيحة حتى تعرف الشركة مضمونه ابحث عن شخص موثوق جرب السفر مع الشركات الشركات كثيرة وممكن تصل لك عروض كثيرة لكن لا تعلم عن خفايا هذه الشركة ولو اخذت مشورتي اترك عنك الشركات ووفر دراهمك الامر بسيط لايحتاج لشركة ممكن في هذا المنتدى الموقر تجد كل ماتحتاج له انا وغيري من الاخوان في خدمتك من الصفر حتى النهاية |
المشكله هو اول مرا يسافر وخايف يتورط هناك |
كلنا سافرنا اول مرة بدون شركات والسؤال وش الفرق بين الشركات وانا او غير من الاخوان يمكن نملك معلومات اكثر من الشركات وبالمجان لمن يبحث عنها لكن من حقه يبحث شركة لكن يبحث كما ذكرت ليس عن شركة عن شحص سافر قبل مع شركة وكنت اتمنى افيدك بشركة مضمونه بسب للاسف ماعندي لعل احد يفيدك والله يسهل الامور |
السلام عليكم و رحمة الله و بركاته ... أتفق مع أخوي أبومنار .. الشركات أو المكاتب السياحية لديهم هدف واحد يجعلونه مقدم على أي شئ وهو الكسب المادي يعني مستحيل يقدم خدمة بالمجان .. و عملهم ما يتجاوز حجز الفنادق و السيارات و بعض الرحلات .. و كل هالأشياء متوفرة على النت و أي شخص عنده لابتوب يقدر يسويها و بالعكس صار كل التطبيقات حالياً متوفرة على الأجهزة الذكية يعني في متناول اليد .. أضيف إلى ذلك أن معظم العاملين في تلك الشركات ينصحك بفندق معين و هو عمره ما شافه و لا زاره و حتى يمكن أنه ما زار أوروبا من قبل !! عموماً هي وجهات نظر و لكم الخيار .. بالتوفيق .... |
طيب هل في شركة لتاجير السيارات مع السايق لان مشكلته فقط بالمواصلات والتنقل من مدينه لااخر اما بالنسبه لحجوزات السكن والطيران سهله |
اقتباس:
تأجير سيارة مع سائق في اوروبا .. تعتبر مكلفة جداً .. فالأفضل أن يستأجر سيارة و يقودها هو بنفسه أو أن يستخدم المواصلات العامة .. و التنقل بالقطارات أن كان لا يجيد القيادة و الحل الأخر أوبر داخل المدن و بالنسبة للقيادة في أوروبا سهلة جداً و لا فيها أي صعوبة "من تجربة .." |
لا انصح بالشركات ابداً الامور سهالات جداً خليه يقرأ تقارير وراح يستفيد كثير واعضاء المنتدى راح يقدمون استشارات مجانية والاجابة على اي سؤال داخل المدن الرئيسية يتجول في الباص السياحي بيودية على كل الاماكن السياحية في المدينة او اغلبها التنقل بين المدن لو مايبي يأجر سيارة يروح في باص وإلا القطارات افضل واسرع والتذاكر يلخذها من النت او المحطة الرئيسية في كل مدينة اذا لغة الانقليزية كويسة راح تمشي كل امورة واذا مايعرف الله يخلي تطبيقات الترجمة سهلت على المسافرين كثير وبأي لغه |
السلام عليكم انا جديد ع السفر وحاب اسافر لسويسرا طبعا ماسويت ولا شي حاليا بس ابي استفسر هل اطلع الفيزا قبل الحجوزات او احجز واضبط وبعدين اقدم ع الفيزا وبخصوص الحجوزات هل احجز فندق حق الوصول فقط وبعدين ادور ع راحتي وانا مثلا بجنيف لان ماحب احجز وما يعجبني المكان فاغير |
اقتباس:
و عليكم السلام و رحمة الله و بركاته حياك الله AburayanN .. بالنسبة للفيزا .. كل الأمكانية متوفرة تقدر تحجز طيران و فنادق و بعدين تقدم "وهو الخيار الأمثل و الأفضل" أو تعمل حجوزات مبدأيه قابله للألغاء و تقدم على الفيزا ... في كل الحالتين أي سفارة بتقدم عليها لازم يطلبون حجوزات طيران + فنادق النقطة الأهم .. موضوع توصل بعدين تدور سكن هالنقطة ما تصلح تتطبق في أوروبا لازم تحجز قبل السفر و توصل و أنت مرتاح و بشكل عام لابد أنك تقرأ التعليقات قبل الحجز و تختار الفندق المناسب لكم .. بس فكرة البحث بعد الوصول .. ما أنصح فيها |
| الساعة الآن 06:37 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO