|
اسعار دول اوروبا فرنسا ايطاليا سويسرا النمسا المانيا لشهر يوليو السلام عليكم ورحمة الله … حابه اسأل الناس الخبره او الي يسافرون بكثره عن اسعار اوروبا بالتحديد الدول الي ذكرتها اقصد السكن و المعيشه المطاعم وكذا والبانزين وهكذا يعني مثلا في بوكينق اشوف اسعار الفنادق لشهر يوليو 400 وفيها ومتخوفه ان وقتها ترتفع فجأه يعني يستلزمني حجز مبكر وانا رافضه جداً هالمبدأ وباذن الله مسافره ولكن ابي احد يطمنني لان كثيرررر يشتكون من الغلى والي يقول ع حسب صرفيتك ادري اني انا احدد ولكن اتكلم بشكل عام وهل يكفي مبلغ 30 الف بدون تذاكر شامل كل حاجه!!! لشخصين . |
و عليكم السلام و رحمة الله و بركاته .. طبعاً بالنسبة للغلاء ,, تتربع سويسرا على قمة الدول الأوروبية في غلاء المعيشة بالنسبة للسائح ثم تليها فرنسا و النمسا ... بشكل عام الغلاء يكمن في عدم دراسة الخيارات المتاحة فيما يخص السكن و التنقل و الأكل بالمطاعم .. فلكل شئ بديل مناسب حسب ميزانية الأشخاص مثال .. هناك من يختار السكن في فنادق 5 نجوم في حين يوجد فنادق 4-3 نجوم و مستوى نظافتها ممتاز و في مناطق أمنة و في السنتر و بأسعار مناسبة و فيها توفير مادي .. و بعض الأشخاص يختار للتنقل سيارة فارهة في حين البديل موجود بأسعار أقل و أيضاُ الأكل البعض يصر على الذهاب للمطاعم الراقية (من أجل تسجيل حضور) أو تقليد فقط !! من ناحية حجز الفنادق لا يوجد مخاوف من الحجز المبكر إذا كان قابل للألغاء أو التعديل قبل الوصول و المهم قراءة سياسة الألغاء قبل الحجز مبلغ 30 ألف لمصاريف شخصين بالتأكيد يكفي و زيارة بالتوفيق |
رحلة موفقة ان شاء الله التخطيط الجيد يوفر عليك اشياء كثيرة والاخ ابو متعز اختصر لك كل شي تعتمد على المسافر نفسة :72: انا توني جاي من هولندا وبلجيكا والمانيا الاسعار مرتفعة مقارنة بالخليج واهم شي لاتقارني الاسعار هناك ببلدك لانك تشوفها غالية جدا جدا اذكر تعشينا في مطعم في امستردام اربعة اشخاص ب 1300 ريال ثاني يوم قررنا نفطر فطور جامد والغداء مع العشاء مرة وحدة واخذنا سناك بين الوجبات خفف عليناالصرف السكن هناك متعدد وفية تطبيقات غير بوكنق تعطيك ارخص 30 الف كفاية جدا |
رحلتي مدتها 21 يوم وكلها بالدول الي كتبتها ولكن خوفوني من ناحيه البنزين مع العلم ان سيارتنا استأجرناها من الان حول 9 الاف ريال |
والله البنزين والديزل غالي جدا بالرغم ان اغلب السيارات الان فيها توفير للطاقة استاجرنا بي ام جيب اذا وقفنا عند الاشارة تطفي اوتمتك ومع ذالك نعبي 600 ريال |
تم الإرسال من SM-N960F باستخدام Tapatalk |
لا سيارتنا صغيره هونداي ما اتوقع تشرب كثير زي الجيب البي ام ولا؟ |
وجهة نظري و من تجربتي في أوروبا .. لمن أراد التنقل بالسيارة الحرص على أستئجار السيارة و تكون ديزل ولو ان سعره قريب من البنزين لكن ميزته يعطي مسافة أكثر قد تصل ضعف المسافات المقطوعة بسيارات البنزين … بالتوفيق |
المشكلة في المواقف غالية جدا خسرنا فيها أكثر من البنزين تم الإرسال من SM-N960F باستخدام Tapatalk |
ما قصروا الشباب اذا الرحلة 21 يوم والميزانية 30 الف ريال هذا يعني اليوم 1400 ريال والمتوسط عادةً 2000 ريال لليوم بدول اوروبا الغربية اذا لابد نحسبها مضبوط عشان تكفينا ونراعي بالصرف 500 ريال للسكن 100 ريال للبنزين 100 ريال مواقف 200 ريال افطار 100 ريال سناكات 400 ريال عشاء 1400 ريال المجموع ممكن نخلي العشاء وجبات سريعة عشان نوفر ونستخدم فلوس التوفير لشراء شريحة نت أو ستيكر الطريق أو غيرها الوجبات السريعة لشخصين 100 ريال ممكن نبحث عن سكن يقدم وجبة افطار وبالتالي نوفر 200 ريال يومياً الاهتمام بجانب المصروفات مهم جداً عشان الواحد يستمتع برحلته دون منغصات مشكلتنا تعودنا كل بلد نروح له لابد نستأجر سيارة وهذا برأيي ضد فكرة التوفير في اوروبا بسبب غلاء البنزين وأجرة المواقف ثلث تكلفة الرحلة يروح للسيارة+البنزين+المواقف وهذا كثير جداً |
ياسلام عليك ابو غسان اوجزت واوفيت |
اقتباس:
اخوي ال30 دفعنا منها حوالي 9 الاف للسياره يعني بقي منها الان21 الف اعتقد ! كفايه او لا للرحله؟ |
اقتباس:
هل حجز السيارة قابل للالغاء ؟ هل طلعتوا فيزا شنغن ؟ بالبداية نرسم مخطط للرحلة ونختار الفنادق ونشوف كم اسعارها 1000 ريال باليوم ما تكفي أبداً برأيي |
اقتباس:
|
ايش المدن اللي تحبوا تزوروها بالكثير 3 مدن وهل استخرجتوا شنغن ؟ |
المدن فرنسا النمساء سويسرا ايطاليا المانيا لسى ما استخرجناها لان بدري مره ال 30 بدون تذاكر السفر. يعني ما ادري بس ع كلامك حسيت ان الوضع يكون صعب |
من أي موقع حجزتوا السيارة ؟ هل حجزتوا طيران ؟ |
اي حجزنا طيران ما اعرف ايش موقع السياره صراحه |
ايش خط الطيران ؟ عشان نرسم مخطط ونشوف التكلفة التقريبية |
الوصول باريس العوده جنيف |
عندكم 3 خيارات حالياً 1 زيادة المبلغ الى 30 ألف على الأقل لـ 21 يوم 2 تقليل مدة السفر الى 14 يوم 3 ارجاع السيارة ومحاولة الوصول مع الشركة لحل ممكن تعطوهم أي عذر وتشوفون ردهم أنتوا رايحين اوروبا بعز الموسم شهر جولاي لذا أسعار السكن ترتفع بشكل كبير لقلة المتوفر يعني 500 ريال باليوم للسكن شبه مستحيلة بالموسم لذا رأيي تحطوا خطة للرحلة وتحجزوا سكن من الآن |
انا توني راجعه من باريس واعرف لندن اسعار اوربا وصرفج نفس اللي عندنا تقريبا والفلوس تكفيج على حسب صرفج التاكسي المشوار ابو عشر دقايق بالكثير ياخذ 10 يورو التاكسي عندهم ما يشيل الا 3 اشخاص وتلاقينه في محطات بالشوارع او مواقف خاصه لهم ولكن الارخص واذا تبين لمكان بعيد اخذي عن طريق البرامج نفس اوبر تسألين اصحاب الفنادق ويعطونكم المواقع والاكل حسب طلبج وفي بالجمعيات كل ما تحتاجين اذا بتوفرين مثلا العشا تاخذين من الجمعيات مثل كارفور وغيره |
انا جالس ارتب رحلة في شهر يوليو الاسعار اعلى من قبل بكثير السكن والسيارة والطيران وحسب المختصين بترتفع اكثر حاول تخلص حجوزاتك بدري وتكون ايضا مسترده والله يوفق الجميع |
حطوا ببالكم أن السيارة راح يكون عليها تأمين يتم حجزه على البطاقة الائتمانية وقت استلام السيارة ما يقل غالبا عن 1000 ريال وما يتم فك الحجز إلا بعد التسليم بأسبوع على الأقل انا جالس أخطط الآن للسفر في يوليو والحمدلله حجزت السكن بالكامل قابل للالغاء لحد شهر يونيو لأني لاحظت ارتفاع كبير في الأسعار بالإضافة لقلة الخيارات الجيدة بسبب حجزها أيضا بخصوص السيارة حجزت بدون دفع عن طريق Europecar وكل فترة أرجع أشيك على الأسعار ولقيت مرة أن السعر نزل حول ٥٠٠ ريال من إجمالي الحجز فرجعت ألغيت حجزي الأول وحجزت من جديد التخطيط المبكر يساعد بشكل كبير في خفض التكلفة والحصول على خيارات أفضل |
اقتباس:
انا مع هذا الراي تمامآ , اختي العزيزة .. البترول نار وفي ازدياد وهذه اشكالية تواجه ميزانية السائح .. وايضآ المتوقع ازدياد عدد السواح هذا الصيف .. لأن الاغلب توقفوا عن السفر عامي 2020 و 2021 .. فالاسعار راح تضرب فوق |
| الساعة الآن 10:49 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO