|
ايش الافضل .. انصحوني السلام عليكم ايها الكرام بدخل في الموضوع على طول ، اللي هو ان رحلتي ان شاء الله تاريخ 23-5 يعني بعد شهر تقريبا ان شاء الله الرياض - زيوريخ - الرياض لمدة 10 ايام ( 1 زيوريخ ، 6 ايام انترلاكن ، 3 زيوريخ ) افراد الرحله زوجين و طفل 5 سنوات الغرض من الرحله استجماااااااام بأقل عدد من التنقلات سؤالي عن المواصلات : مع اطلاعي على اراء الكثير المؤيدين السياره خيار مستبعد جدا ☹ هل اذا اشتريت السويس باس ماراح ادفع شي في المواصلات العامه ابدا او هي فقط تخصم لي من المبلغ ولازم ادفع جزء من مبلغ اي مشوار او رحله بحثت وتضاربت المعلومات في هالنقطه ، وايش ممكن استفيد منها غير المواصلات وكمان هل راح تخدمني في انترلاكن وماحولها ، لان مافي جدولي اروح بعيد ، يعني فقط القرى اللي حولها ؟ ولا اكنسل ما اشتري البطاقه ، و ادفع كل مشوار بالباص على حده ، او حتى رحلات القطار من و الى زيوريخ ؟ مع العلم سبق وكنت في فيينا وريلامسي و المواصلات العامه رائعه بحكم ظرفنا اللي مايخلينا نستأجر سياره يعني مشت امورنا مع المواصلات العامه ، لكن هذي اول مره اروح سويسرا وكمان اول مره معي طفلي ولا ادري هل نظامها في المواصلات نفس النمسا او تختلف اشيروا علي جزاكم الله خير وتقبل الله منا ومنكم صالح الاعمال |
الله يوفقكم ويسر امركم المواصلات العامة في اوربا عموما متكامله وتفي بالغرض وخاصة ان لكم خبره وسبق استخدامها لذلك ارى ان النظام في سويسرا مثل فينا و المانيا شخصيا استخدمت المواصلات العامة في دوسلدورف كثيرا سهل التنقل انتي محتاجه احد الخبراء لتاكيد موفقين ان شاء الله |
اقتباس:
كويس يعني اقدر اعتمد عليها ، شكرا على وقتك وانتظر اصحاب الخبره بخصوص نقطة السويس باس |
وعليكم السلام اللي لازم تعرفه السويس باس هي اكثر من نوع نوع يعطيك يعطيك خصم 50% على الموصلات وهي اللي تحمل الاسم Swiss Half Fare Card وفيه وحده تعطيك خصم 100% على المواصلات بين المدن وكذلك داخل المدينة حتى القوارب والباصات لكن القطار الجبلي او العربات تعطيك خصم 50% واسمه Swiss Travel Pass وفيه نوع ثالث نفس النوع الثاني بس الفرق بينهم هذي انت تحدد الايام مثلا تقول ابي استخدمها يوم السبت ويوم الثلاثاء والابعاء والجمعة يعني مناسبة اللي عنده جدول معين ومرتب ايام سفرته بينما النوع الثاني مافيه تحديد ايام تاخذها بالايام مثلا يومان او ثلاث ايام او اربع ايام وتبداء من بداية تفعيل البطاقة طبعا البطاقة الاولى تعطيك خصم كبير على الاماكن السياحية وقد يصل بعظها مجانا لبعض الاماكن السياحية بينما البطاقة الثانية العكس تعطيك المواصلات مجانا والاماكن السياحية خصم 50% بالنسبة للاطفال تقدر تطلب لهم بطاقة مجاني اضافيه فاميلي كارد عاد انت حسب مخططك ورغباتك تحدد البطاقة المناسبة لك |
اقتباس:
ممتنه لشرحك المبسط وهو ما احتاجه تماما 💯 لعلك ترى انها معلومات عندك وكتبتها لمن استفسر عنها ، ولكنها كانت موضع قلق وحيره بالنسبه لي اسأل الله الذي سخرك للرد على استفساري ان يسخر لك الارض ومن عليها .. واعتقد انه ابسط شي اسويه اني احط تقرير بعد ما ارجع من الرحله ان شاء الله لاني استفدت كثير من المواضيع الموجوده هنا ، و ابدا فيه من الان بما ان اليوم خلصت الفيزا 👍🏻😁:1: |
اقتباس:
ما يقصر أبو منار دايم مبروك الفيزا وأكيد ننتظر منك تقرير عن الرحلة وخاصة عن نقطة المواصلات وكيف تعاملتوا معها موفقين برحلتكم :e306: وللعلم الشعب السويسري متعاون جداً ولو سألتوا عن المواصلات الكل يجاوبكم وفيه بكل مدينة أكشاك خدمة للسواح عادة بالسنتر ممكن تسألوهم أي شي ويعطوكم بروشورات حتى برنت بالشقق المتوفرة للسكن |
اقتباس:
واكيد راح نكون متشوقين للتقرير |
السلام عليكم قرب السفر و احتجت لبعض المعلومات لعلكم تفيدوني ، مافتحت موضوع جديد عشان ما اسوي زحمه 🙇🏻♀ .. رحلتي الاسبوع الجاي ان شاء الله ع الخطوط البريطانيه ، يعني الترانزيت في لندن و جهة الوصول زيورخ ، هل يلزم فحص كورونا ؟ دخلت موقعهم حرفيا مافهمت شي ، لازم ولا مو لازم وكمان ولدي عمره 5 سنوات هل يحتاج اسوي له تأمين غير اللي سويته اثناء التقديم على الفيزا او حق الفيزا يشمل الكوفيد كمان ومايحتاج اسوي ثاني ؟ .. حرفيا كل شوي تطلع تفاصيل جديده واخاف يرجعوني عشان غفلت عن شي او ماجبت ورقه مطلوبه :20: |
ياريت تنقلي لنا تجربتك باستخدام المواصلات العامة في سويسرا وبطاقة swiss travel pass لان ناوين انا واختي نعتمدها في سفرتنا في اغسطس |
اقتباس:
وعليكم السلام لو من السعودية مباشرة الى سويسرا فما يحتاج اي شي فقط نكون مكتمل الجرعات وطبيعي ماراح تطلع السعودية الا وانت وماخذ ثلاث جرعات واعتقد أنه حتى لو كنت قادم من بريطانيا إلى سويسرا فقط تحتاج تكون مكتمل الجرعات بخصوص الطفل حسب علمي لابد يكون معه تأمين كوفيد |
| الساعة الآن 04:21 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO