|
الفزعة لإنهاء الرحلة السلام عليكم ورحمة الله وبركاته انا طالع لسويسرا وحجزت فنادق من بوكينج واجودا وحجزت طيران وخططت لفعاليات الايام تبقى لي سيارة اذا ممكن تزودوني برابط حجز سيارة من مطار جنيف واذا فيه اشياء مهمة يتطلب اني اسويها ذكروني فيها علشان ماأورط وبالنسبه للسيارة اذا جيت احجزها كيف اعرف انها بنزين او ديزل شامله للتاأمين او لا والعملة ف سويسرا هل فقط فرنك لأن صرفت فلوس للفرنك فقط والبطاقه الي تكون معاي هناك بطاقة إئتمانيه او فيزا تسوق ولاتقصرون معاي باي معلومة تهمني وتفيدني |
وعليكم السلام ما تحتاج كاش في سويسرا البطاقات تعمل تمام ولا فرق كبير لأن سعر صرف الفرنك ثابت السيارة تقدر تشيك على الموقع فوق تحت " تأجير سيارات " وهو تابع لـ بوكنق وتلقى في الخيارات manual عادي automatic اتوماتيك كذلك الأصل أن السيارة بنزين ما لم يتم تحديد ذلك علماً بأن ايجار سيارات الديزل أغلى https://bit.ly/3cV5XgT ممكن تروح لموقع كل شركة على النت وتقارن بين الأسعار بس لابد تحجز من هنا قبل الوصول وممكن تحجز بدون تأمين واذا وصلت تطلب التأمين من كاونتر الشركة نفسها |
و عليكم السلام و رحمة الله و بركاته .. ما قصر أبو غسان أعطاك المفيد و حبيت أضيف لا تنسى تأخذ معاك رخصة دولية لأن بعض الشركات تطلبها أثناء تسليم السيارة .. و أن لم تطلب في الشركة فقد تحتاجها لا سمح الله أثناء تجولك .. للصرف .. أيضاً وضح أبو غسان لك بأنه ما تحتاج الكاش في سفرك و يفضل يكون معاك بطاقة عملات و تضيف لها الرصيد بعملة الفرنك السويسري و تستخدمها أفضل كثير من حمل الكاش بالتوفيق |
مرحبا اخوي الاخوانماقصروا بس حبيت اضيف : موقع economy car rental ممكن يكون مفيد لك جرب ادخلة وحط الاستلام والتسليم وشف السعر ولاحظ ان قيمة شحن السيارة اذا اختلف موقع التسليم مشمول بالسعر بالنسبة للتامين ضروري يكون تأمين شامل وفيه طريقتين: الاولى تشترية من الموقع وعادة يكون ارخص بس فيه شوية وجع راس لان اغلب شركات التاجير بتحجز مبلغ تامين يغطي قيمة الاكسيس ( مبلغ التحمل في حال حصول حادث لاسمح الله ) ولو صار حادث بتضطر تدفع نسبة التحمل وتاخذ اوراق وتقارير من شركة التامين وتسوي مطالبة بالنت لشركة التامين اللي انت امنت عن طريقها . الطريقة الثانية اغلى واريح : اذا حجزت لاتسوي تامين شامل ( فقط التامين الالزامي اللي يكون عادة مشمول بالسعر ) واذا استلمت السيارة اطلب تامين شامل من نفس الشركة بيكون اغلى بكثير بس ماراح تضطر تدفع اي شي بعدها ولو صار اي حادث تسلم السيارة وانت مرتاح بالنسبة للصرف انصحك و بقووووة تطلع بطاقة العملات راح توفر عليك كثير عن الفيزا التقليدية او مسبقة الدفع وبرضو تتحكم بمصاريفك ( كل يوم او كل مدينة حول المبلغ اللي انت راصدة وبكذا تتحكم بمصاريفك ) وشكرا |
شكرا لكم وماقصرتم الله يبيض وجيهكم |
طيب بالنسبه لتطبيق sixt لحجز السيارات احد له معاه تجربه الاسعار فيه طيبة |
اقتباس:
الشركة ما عليها كلام معروفة باوروبا وان كان عليها بعض الملاحظات لكن ما تعرف أي شركة الا بعد ما يصير لك مشكلة معاها اذا لقيت شي رخيص توكل على الله |
اقتباس:
واضحة الخبرة بالرد ما شاء الله عليك :e306: |
هذي السيارة مثال من sixt لكن مو واضح وش نوع الوقود بنزين ولا ديزل https://up6.cc/2022/07/1659296622061.png |
أخوي العتيبي .. ترا السيارة قير عايدي و بعدين ترا الوقود ما يفرق كثير بين الديزل و البنزين من حيث السعر .. الفرق الوحيد هو أن الديزل يمشيك مسافة أطول نوعاً ما و فيما يخص السيارات الصغيرة البنزين أفضل |
| الساعة الآن 04:23 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO