|
2018 فانكوفر تورونتو أوتاوا كويبيك مونتريال السلام عليكم و رحمة الله تكتمل رحلتي من بعد شيكاغو الى كندا، الي حاب يقرأ من بداية الرحلة في شيكاغو هذي الرابط V V V https://www.arabtrvl.com/vb/t35763.html التخطيط لكندا ماكان على بالي، الخطة انه تكون جولة امريكية ثانية للمدن الي ماشفتها مثل سياتل و سان دييغو و غيرهم، الي خلاني افكر في كندا زميل الدراسة معاي كان دائما يحدثني عن مونتريال الي درس فيها فترة الباكلريوس، وشوي شوي صرت اقرأ عن كندا واشوف اهم المدن والأماكن السياحية، وحسبت الموضوع مره ومرتين وثلاث ومشاورات مع مع المدام الى ان توكلنا على الله و اتفقنا على كندا في البحرين عندنا قنصلية كندية ولكن ماعندنا سفارة، اتصلت فيهم وسألتهم عن الفيزا، وعطوني الموقع اونلاين للفيزا، التقديم سهل، انشاء حساب في الموقع وتلبية الطلبات ورفع المستندات مثل شهادة راتب و عقد زواج و نسخ من الجواز الخ الخ، عند اكتمال رفع كل المستندات المطلوبة تدفع مبلغ 50 دولار كندي للشخص، وبعدها بفتره جاتني رسالة اني ارسل الجوازات الى السفارة الكندية في ابوظبي، رحت حق ارامكس وشحنت الجوازات وخلال 5 ايام فقط اتصلو فيني ارامكس وقالو لي تعال استلم الجواز، وحصلت الفيزا صالحة لغاية انتهاء تاريخ الجواز ! بخصوص موقع الفيزا مالهم فيه خلل فني كل ماتدخل كلمة السر والبريد الألكتروني يرجعك الموقع للصفحة الرئيسية لازم تحاول اكثر من مره لي ماتطفش تالي يدخل !! في تاريخ 12 يونيو سوينه الـ Check out من الفندق في شيكاغو و توجهنا للمطار وكانت رحلتنا الى فانكوفر على طيران AIR CANADA وصلنا المطار وزحمة على الكاونتر مال الكندية وفقط موظفين الي يشتغلون تقريبا وقفنا 45 دقيقه لي ماوصلنا للكاونتر، الطياره كانت من نوع Bombardier crj 900 الغريب في الطيران الكندي ياخذون على الشنطة 25 دولار ! المرطبات والمشوربات مجانية بس الوجبات غير مجانية، مع ذلك سعر التذكره اذكر كان ارخص او مقارب لأمريكان ايرلاين، لكن وقت الرحلة كان انسب على الكندية مدة الرحلة تقريبا 5 ساعات اذا ماخانتني الذاكرة:59: السكن في فانكوفر في هالرحلة اسعار الفنادق كانت مرتفعة خصوصا فانكوفر وشيكاغو، وشفت بديل آخر واهوه AIRBNB وماحجزت منه من قبل وكنت شوي متخوف ومتردد، بحثت فيه شفت خيارات حلوه و متنوعة واسعار معقولة وحصلت شقة على شكل Loft وشكلها حلو وتقييمها ممتاز و الكل مادح الموقع مالها، راسلت صاحب الشقة اتأكد اذا متوفرة في التواريخ الي بنزور فيها المدينة وقالي متوفرة وحجزتها، بسعر 844.10 دولا امريكي واتفق معاي انه يلاقيني يوم الوصول عند الشقة وهذي اهيه الشقة V V V https://www.airbnb.com/rooms/22672328 اليوم الي قبل الأخير في شيكاغو راسلته من تطبيق AIRBNB وقلت له اني بوصل تقريبا على الساعة 12 الظهر و اذا ماتمانع ابقي بس ادخل الشنط، وقال ماعنده مشكله ( مع العلم انه ذاكر هالشي في الموقع انه يسمح للضيوف الي يوصلون قبل وقت الـ check in يخليهم ينزلون شنطهم او الي رحلتهم وقتها متأخر بأمكانهم يخلون شنطهم ويسوون Check out) وصلنا مطار فانكوفر و ماشاءالله المطار كله آسيويين من الصين وكوريا و هونج كونغ :44: وسوينا اجراءات الوصول على جهاز الـ Kiosk استلمت شنطتي و لكن مافي اثر حق شنطة زوجتي، تأخرت الشنطة وانتظرنا وقت وايد، رحنه لمكتب الكندية وقالو لنه الشنطة في شيكاغو تأخرت و بتوصل على اقرب رحلة، تعكر مزاجها مسكينة، ملينه استمارة حق توصيل الشنطة، انهينا كل اجراءات المطار واخذنا تاكسي، سعر التوصيلة 35 دولار كندي فانكوفر اليوم الأول وصلنا عند الشقة تقريبا الساعة 12:15 الظهر (وقت الجيك ان 3 العصر) وراسلت صاحبها Bob كتبت له اني وصلت، قالي انه داخل الشقة, طرقت الباب، وفتح الباب ورحب فينه، شكله كان مستعجل احسه كان ينظف الشقة وخلاني ادخل الشنط وسألته اذا الساعة 3 بتكون الشقة جاهزه؟ قالي عقب ساعه حياكم. هذي صورة حق فانكوفر من قوقل ماب، دائما قبل السفر اجلس واشوف المدن والأماكن وشكل الشارع والمحلات القريبة الدائرة الحمرة الصغيره مكان الشقة صايرة على شارع Seymour street المنطقة المحددة بالأسود Yale town خطوات من السكن منطقه راقية فيها و مقاهي و مطاعم الخط الأزرق Granville road اهم شوارع فانكوفر الخط البرتقالي الفاصل بين الداون تاون و الويست اند الخط البنفسجي Robson street من بدايته الى نهايته مطاعم المنطقة المحددة بالأخضر Gastown منطقة قديمة حلوه وتصير جنبها Chinatown السهم بالأسود يشير الى جزيرة Granville الي فيها السوق المحلي https://www.arabtrvl.com/up/uploads/...1340620141.png مكان الشقة جدا ممتاز،صاحبنا بوب ما اخطأ يوم كان كاتب Steps from everything اخليكم مع الصور والتمشي في المدينة هذي الشارع الي قدام الشقة، مدخل الشقة دايركت على الشارع براويكم صورها في اليوم الثاني https://www.arabtrvl.com/up/uploads/...1340620252.jpg https://www.arabtrvl.com/up/uploads/...1340620313.jpg https://www.arabtrvl.com/up/uploads/...1340620354.jpg https://www.arabtrvl.com/up/uploads/...1340620395.jpg كندا تشتهر بشي اسمه Poutine عباره بطاطس وجبن والمكونات الباقية كل محل ويتفنن فيها واصل هذي الوجبة من منطقة كويبيك، بس اكثرها يكون فيها زيت الخنزير اكرمكم الله، لازم الواحد يتأكد منهم صورة من قوقل https://encrypted-tbn0.gstatic.com/i...M7YI2lCAUuEd9g و شفت محل يبيعه و اخذت لي تصبيره بس ماصورته :21: السعر 7.24 دولار كندي تمشينه شوي في شارع Robson ودخلنا مطعم هندي، اسمه India gate اكله كان ممتاز بس مب حار ! السعر 27.25 دولار كندي https://www.arabtrvl.com/up/uploads/...1340620446.jpg https://www.arabtrvl.com/up/uploads/...1340620497.jpg شارع Granville https://www.arabtrvl.com/up/uploads/...1340620558.jpg Robson Sqaure https://www.arabtrvl.com/up/uploads/...1340620599.jpg https://www.arabtrvl.com/up/uploads/...3406206310.jpg https://www.arabtrvl.com/up/uploads/...1342851591.jpg https://www.arabtrvl.com/up/uploads/...1342851662.jpg https://www.arabtrvl.com/up/uploads/...1342851723.jpg https://www.arabtrvl.com/up/uploads/...1342851774.jpg https://www.arabtrvl.com/up/uploads/...1342851835.jpg https://www.arabtrvl.com/up/uploads/...1342851896.jpg https://www.arabtrvl.com/up/uploads/...1342851937.jpg Canada Place هذي المبنى على شكل سفينة تم افتتاحه في سنة 1986 حق الـ Expo الي صار عندهم، والمبنى اهوه ارض مؤتمرات وفندق ومركز فانوفكر العالمي للتجارة، (الملعومات من ويكيبيديا) https://www.arabtrvl.com/up/uploads/...1342851978.jpg رحلات جوية بالطيارة البحرية:18: https://www.arabtrvl.com/up/uploads/...1342852019.jpg https://www.arabtrvl.com/up/uploads/...3428520610.jpg https://www.arabtrvl.com/up/uploads/...1343501911.jpg https://www.arabtrvl.com/up/uploads/...1343501972.jpg تمشينة الى ان وصلنا Gastwon المنطقة وايد وايد حلوه https://www.arabtrvl.com/up/uploads/...1343502013.jpg https://www.arabtrvl.com/up/uploads/...1343502074.jpg https://www.arabtrvl.com/up/uploads/...1343502115.jpg https://www.arabtrvl.com/up/uploads/...1343502166.jpg https://www.arabtrvl.com/up/uploads/...3134350227.jpg https://www.arabtrvl.com/up/uploads/...1343502258.jpg https://www.arabtrvl.com/up/uploads/...3134350239.jpg هذي الساعة البخارية كل ربع ساعة تطلع نغمة من البخار المضغوط داخلها، واكثر شي يصورونه السياح في gastown https://www.arabtrvl.com/up/uploads/...3435023610.jpg https://www.arabtrvl.com/up/uploads/...1343981771.jpg https://www.arabtrvl.com/up/uploads/...1343981832.jpg هذي تمثال John Deighton او الملقب Gassy Jack، المنطقة هذي قاز تاون على اسمه، الصينيين انسى يعطونك فرصة حق تصور:11: https://www.arabtrvl.com/up/uploads/...1343981893.jpg نهاية اليوم الأول يتبع..... |
الحمد لله على السلامة ياعلي بداية جميلة للتقرير ومعلومات رائعه عن فانكوفر والصور ماشاء الله تحفه كندا الحلم هههههههههه ان شاء الله يكتب لنا زياره لها كنت اتابعك واشوف الصور ع الانستا مبدع دائما بس ابي اسألك دائم اشوف عندك هوس لتصوير السيارات ليش ههههههههه مبروك التخرج وعقبال الدراسات العليا ان شاء الله متشوق لمشاهدة كندا من عدستك المميزه .... متابع للاخر :e304: |
اقتباس:
هلا بيك عزيزي بوراكان ان شاءالله ربي يكتب لك زيارتها و زيارة الي احلى منها السيارات و السباقات غرامي و عشقي و هوايتي، اي شي يتعلق بالسيارات احبه:e023:، الشي الوحيد الي يلهيني عن التفكير في السيارات السفر و التخطيط له:e01d: تشرفني متابعتك لي عزيزي |
أخيرا راح نتابع تقرير جديد ودسم عن كندا ماشاءالله الشقة وايد حلوه وموقعها ممتاز الحمدلله ان الجنطه وصلت وماضاعت الايس كريم باي نكهه شكله غريب :29: بورغر بالسلمون اول مرة اسمع عنها اتوقع الطعم لذيذ لاني من محبي السلمون |
الله شنو هالجمال يا كندا الشوارع والجو يقولك امش لا تقعد الحمدلله وصلت الجنطة .. الايس كريم اعتقد ماتشا ؟؟ حلووه رسومات مصنع الاسمنت سؤال ما يستعملون كاش بالدفع يعني لازم بالكرت ؟؟ واو قرانفيل شكلها عجيب من السوق هذول بالكاياك شكلهم يتدربون حق الاولمبياد 2020 في اليابان :) |
اقتباس:
عليج نور:72: الأيسكريم عليه طبقة ماتشا والأطراف creme brulee يستخدمون كاش و كرت، بس انه دائما كنت استخدم الكرت، وهذي اول مره استخدم الكاش في الرحلة، الأماكن الي تقبل بس كاش جدا جدا قليلة |
الشقة ماشاء الله رائعه وموقعها كذلك الصور جميلة جدا وشوارع فانكوفر تفتح النفس برايك ياعلي كم تستحق يوم زيارة فانكوفر متابعين:e110: |
جميلة فانكوفر بس الامطار تخرب االجدول بعض الأحيان اغلب الطيران الأمريكي الداخلي ياخذون 25 دولار على الشنطة واعتقد 35 دولار للشنطة الثانية .. وبالعادة اذا تأخرت شنطتكم يدفعون لكم عشان تشتري ملابس واحتياجاتك لليوم الأول موقع Airbnb ممتاز ودائما الأفضل تختارون سكن تقييمه عالي .. وزين سويتوا يوم راسلتوا صاحب الشقة قبل الحجز لان بعض الأحيان تجد في الموقع انه يوجد حجز بالشقة ولكن لما تحجز وبعد ما تجفع يردون عليك برساله انه لايوجد حجز في التواريخ اللي حجزتوها ويرجعون المبلغ بعد كم يوم موقع الشقه حلو عجبتني الخريطة اللي سويتها لفانكوفر .. والخرائط دايما تكون مفيدة للسائح https://www.arabtrvl.com/up/uploads/...1340620141.png يعطيك العافيه على المعلومات والصور الجميلة ومتابعين معاك |
اقتباس:
بصراحة في رايي اهم شي مده لا تقل عن 3 ليالي وعلى حسب البرنامج و مخطط الرحلة |
| الساعة الآن 10:54 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO