|
السفرة الفجائية بعد اسبوع ل كوريا , مشورتكم السلام عليكم ورحمة الله وبركاتة الله يعطيكم الف عافيه,, فجاه قررت اروح ل كوريا الجنوبية بعد اسبوع لمده 10 ايام لحالي single اول مره اسويها :30: لاني ما اقدر اسافر لمده سنه كامله الا بهذا الوقت لضروف العمل والدراسه فقلت استغله واسافر كوريا لانها جميله ومايحتاج فيزا, ف نصايحكم لمده 10 ايام كم مدينه اروح ووش الجدول وكم راح تكلفني السفره بدون الطيران تقريبا؟ الميزانيه تقريبا 10 الاف او اقل ... وطبعا توني جاي من ماليزيا سفره عايليه واستمتعت بالمرتفعات والجزر ف ودي اشوف شي جديد ... .... واهم شي عندي قبل لا احجز, اي مطار اختار؟ ااشكركم ع تفاعلكم والله يجزاكم خييييير ... |
وعليكم السلام ورحمة الله وبركاته .. حياك الله أخوي واتمنى لك سفره سعيده .. اتوقع وقت سفرتي لكوريا نفس وقتك .. تفضل المواضيع اللي جمعتها خلال فترة بحثي .. https://www.thai-trips.net/newboard/threads/9145/ https://www.arabtrvl.com/vb/t22102.html https://www.arabtrvl.com/vb/t1764.html https://www.arabtrvl.com/vb/t371.html https://www.zabihah.com/mob?c=3&o=1&msg=90 كذلك هذه برامج راح تفيدك: https://uploads.tapatalk-cdn.com/201...c683eeed5a.png اتمنى لك رحلة آمنه وسعيده .. بالتوفيق .. BoHathal |
المطار Incheon هذي على طيران الامارات الاماكن اللي اسمع عنها Cheonggye stream Insadong ملاهي Everland |
Bo Hathal تسسسلم لي ويعطيك الف عافيه راح افتح رابط رابط وبقرا يبيلي قعده :72: والتطبيقات راح تفيدني اكييد كثييير ماقصرت ... وان شاءالله نستمتع بالسفرره منيره شششكرا لك اختي ع معلوماتك وانا محتار بين الامارات والاتحاد بس بشوف الاقل وقت بتوكل واحجز :) |
انا حتى الحين ما اخترت المدن اللي بروح لها لكن اللي عنده خبره يفزعلي بالفنادق حلوه ومش غاليه حيل ومكان مميز ز وان شاءالله بخطط واقولكم الجديد :22: |
العفو ياغالي .. انصحك تقسم المده بين سيئول و جزيرة جيجو .. بالنسبة لحجز الطيران انصحك بموقع سكاي سكنر وتقارن بين الأسعار ومدة الرحلة .. بالنسبه للسكن: بإمكانك استخدام هوتيل كومبايند ، بوكينق واير بنب BoHathal |
الله يعطيك العافيه اخوي ابوهذال قريت اغلب التقارير اللي فوق وعرقت ان اهم المدن سياحه سيؤل و بوسان وجيجو ايلاند .. واكتشفت ايضا ان مافي انشطة واماكن كثيره جدا مثل ماليزيا... هل تنصحني في بوسان ولا ؟ وهل تنصحني في جيجو, بما اني قريب رحت جزيره بينانغ في ماليزيا ؟ شششكرا :57: |
الله يعافيك ياغالي .. حقيقة ما اقدر افيدك لأني ماسبق لي زيارتها من قبل .. تعتمد اولاً واخيراً على رغبتك .. بالنسبه لي شخصياً لو يسر الله لس زيارة اخرى سأزور جيجو واستبعد بوسان .. اقترح عليك تقرأ أكثر عنهم وبعدها تقرر .. بالتوفيق ياغالي .. BoHathal |
وعليكم السلام توقيت رحلتك نفس توقيت رحلتنا السنة الماضية طبعا الجو راح يكون شوي حار لكن الأمطار راح تهون شوي😬 الوصول في مطار انشيون الدولي (ICN ) التكلفة صعب نحددها لك بالنسبة للفنادق انا أفضل السكن في منطقة (ميونق دونق)(Myeong dong) هذة منطقة سياحية كلها محلات وأكشاك ومطاعم وكوفيهات وكمان قريبة من أغلب المعالم السياحية وعلى فكرة ترى بحثت في بوكنق اليوم وفي عروض ممتازة فرصة انك تحجز بأسعار حلوة قبل لاتنتهي المدة انا مازرت ماليزيا ماقدر أقارن بين بياننغ وجيجو لكن في الغالب كل دول شرق اسيا طبيعتها متشابهة لكن ماينفع توصل كوريا وماتزور (جزيرة جيجو) قسم ايامك بين سيول وجيجو اما بوسان هي مدينة تجارية فيها شاطئ جميل وكم مزار سياحي لكن ليست بجمال وأهمية جيجو (خلي بوسان لزيارة ثانية 😉) بالنسبة لجزيرة جيجو راح تحجز طيران داخلي مدة الرحلة ساعة وراح يكون من مطار (جمبو)(Gmp) يفضّل تستأجر سيارة في الجزيرة أفضل منطقة للسكن في (جيجو) هي مدينة (seogwipo )كل الأماكن السياحية حولها اخونا (bohathal)ماقصر الله يجزاه كل خير والبرامج اللي ذكرها جدا مهمة بالإضافة الي برنامج (naver) هذا مثل قوقل عندنا اذا بتستخدم التاكسي راح يفيدك لأن السواقين مايعرفون انقليش تقدر تكتب اسم المكان اللي ودك تزوره باللغة الانجليزية وهو راح يطلع بلغتهم الأنشطة السياحية في (جيجو)هذا رابط الصفحة من تقريري https://www.arabtrvl.com/vb/t22102-16.html الأماكن السياحية في (سيول) 1-ever land 2-N Seoul Tower 3-lotte world 4-Bukchon Hanok village 5-petite France القرية الفرنسية 6-منطقة إنسادونق (insa-dong) 7-منطقة هونق داي (hongdae ) 8-منطقة قانقنام (Gangnam ) 9-(Myeong dong NANTA theatre)عرض مسرح النانتا 10-منطقة إيتاوان (Iteawon ) مطاعم ومخابز عربية واجنبية ومسجد سيول المركزي 11-منطقة دونق ديمون(dongdaemun )مولات وأسواق شعبية 12- Caribbean bay مسابح وألعاب مائية 13-نهر الهان ممكن تأخذ جولة بالسفينة 14-Cheonggyecheon مجرى مائي 15-Gwanghwamun مزار تاريخي 16-lotte world tower ثامن أطول برج بالعالم مكون من 123طابق 17-كويكس مول (Coex mall)موجود بداخلها (اكواريوم) 18-جزيرة نامي (nami island)قريبة من سيول تقدر تزورها وترجع في نفس اليوم 19-جسر البانبو (Banpo bridge)عرض النوافير ولها مواعيد محددة بالإضافة للمولات 1-كويكس مول 2-لوتي وورلد مول 3-دوتا مول(doota mall) 4-شينساقي(shinsegae) 5-تايم سكوير(Times Square ) 6-mecenatpolis منطقة إنسادونق -وبرج نامسان-قرية بوكتشون -منطقة ميونق دونق كلها قريبة من بعض منطقة قانقنام قريب منها لوتي وورلد وبرج لوتي وكويكس مول ايفرلاند والكاريبين جنب بعض أتمنى قدرت أفيدك باللي أعرفة ورحلة سعيدة وموفقة |
بوهذال ماتقصر والله وزي ماقلت بوسان كنسلتها ... يعطيك العافييييه ملااااك مو افدتيني وبس الا حمستيني زيااااده :(127): والله كنت محتار اي منطقه اختار وتكون قربها كل شي عشان ما اطق مشاوير كثيره.. وحلو علمتيني انني اجر سياره يمكن في الجزيره يكون احسن زي ماسويت في ماليزيا شششكرا لك والله يجزاك الف خيىر اختي ملاك :(94): وراح اقرا تقريرك ع رواااقه ........... خطتي باذن الله راح تكون سيؤل 4 ايام في منطقه ميونق دونق وبعدها الجزيره 4 ايام في منطقه سيكي ايبو وبعدها ارجع لسؤل يومين وع المطار بس مدري اي منطقه اروح !! انصحوني واذ عندكم خبره كيف احجز طيران داخي ل جيجو؟ وهل احجز الحين ولا هناك بالمطار افضل؟ وهل الرخصه السعوديه اقدر استخدمها هناك؟ |
يا جماعة الخير ابششركم حجزت كل حاااقه ... لكن للاسف الاسعااار نار :(123): حجزت طيران الامارات، اخذت اقصر ساعات انتظار ف اكييد طلعت غالييييييه فوق ال ٥ الاف للاسف الميزانيه اختربت فوق تحت ههههههه ماتوقعت هيك، احس اكثر سفره بدفع فيها بس هذا اللي فجاه يقرر يسافر مو كل شي من بدري وتخطيط وسنع... < وحجزت ٣ فنادق زي ماقلت لكم فوق الخطه ٤ ليالي سيول في مودينق و ٤ ليالي جيجو ايلاند منتجع اطلاله ع البحر ع طووول مع مسابح خارجيه ... و ليلتين سيول كلهم على بعضهم طلعوا علي ب ٣١٠٠ وفنادق كلها ٤ نجوم وشي بططل :(94): ........ وحجزت طيران من مطار جيمبو سيول الى الجزيره ذهاب وعوده ب ٤٣٠ تقريبا،، طبعا في ارخص لكن اوقات مش ولا بد ..... وشيكت ايجار السيارات ٤ ايام طلعوا تقريبا مابين ٤٠٠ الى ٥٥٠ ... لكن ماحجزت لازم اول اتاكد ان الرخصه السعوديه مقبوله هناك ولا لا. ف اتمنى تساعدوني بهالنقطه... < < بس باقي اخطط جدول الايام والروحات والجيات .... والله يعطيكم الصحه والعافيه والرزق الطيب لكن من ساعدني ولو بمعلومه سواء مباشر او قريت معلومات وافادتني ... شكرا لكم :(125): |
ماشاء الله زين انك حجزت وخلصت أسعار الفنادق من جد بطله 👍🏼 لكن اللي وفرته من الفنادق طلعته على الطيران 😄 بالنسبة للرخصة نحنا استخدمنا رخصتنا الدولية بس انت راسل الشركة اللي بتستأجر منها يمكن يقبلون السعودية الله ييسر امورك وأعذرنا على تأخرنا في الرد |
مع التحيه اذا ما قبلت الرخصه طلع دوليه عزيزي انا كنت اجمع عن كوريا تفضل لعله يفيدك هالرابط مدري اضافوه لك الزملاء أم لا ط§ظ„ط±ط¦ظٹط³ظٹط© |
ملاك اجل هذا اللي بسوويه بتفاهم معاهم قبل لا ادفع واتوهق والله ابد انتي ماقصرتي حمستيني وكان موضوعك لكوريا جدا بططل, متاكد اي واحد بيروح كوريا بيدعيلك, ششكرا :(37): فيصل بشوف موضوع الرخصه الدوليه اذ كانت ماتاخذ وقت .. الله يعطيك الف عافيه ع الرابط مختصر وفيه كل حاقه .. شكراا :(95): |
بالنسبه للرخصة الدولية طلعتها قبل شهرين خذت مني يومين والمبلغ تقريباً 150 ريال .. BoHathal |
صحيح بوهذال, وفي بعض المكاتب يخلصها ب ساعه :(127): شكرا لك حبيبي .. |
أخوي sln6 أحب أهنيك على قرارك واختيارك للسفر لكوريا ولوحدك الأخوة والأخوات ما قصروا بالمعلومات ، وكوريا بلد سياحي جميل ولكن لم يكتشف بشكل كافي أو كامل الأخت ملاك عطتك أهم المعلومات والمواقع السياحية وياليت تركز على بعضها وتعمل تغطية لها على شان الكل يستفيد في المستقبل وأهم هذه المواقع القرية الفرنسية Petite France N 37 42 57.77 E 127 29 27.77 1063 Hoban-ro, Oeseo-myeon, Gapyeong-gun, Gyeonggi-do, South Korea ىپکëXXXي”„ë‘ىٹ¤ جزيرة نامي ، وهي جزيرة سياحية في وسط النهر Nami Island 198 Bangha-ri, Namsan-myeon, Chuncheon, Gangwon-do, South Korea https://namisum.com/ الطيران المعلق بالحبال إلى جزيرة Nami island Namiseom Zip Wire N 37 48 16.66 E 127 31 32.22 Bukhangangbyeon-ro, Gapyeong-eup, Gapyeong-gun, Gyeonggi-do, South Korea وهو بقرب مرسى العبارات إلى جزيرة نامي وفي النهاية نتمنى لك رحلة ممتعة وموفقة |
اقتباس:
واشكرك لحرصك لمساعدة الاعضاء والرد ومجهود تشكر عليه الروابط اللي لاتخص المنتدى سيتم حذفها بعد اذنك وذالك حسب قوانين المنتدى ماعدا روابط المواضيع الخاصه بالمنتدى تبعنا مجهودك رائع وتستحق الشكر ارجو تفهم الوضع ولك حبي وتقديري أرسلت من SM-G925I بإستخدام تاباتلك |
Altunaiji اي والله ماقصروا معي الله يبيض وجيهم, وشكرا حبيبي ع نصايحك وان شاء الله بسوي اللي اقدر عليه... أبو طلال ششكرا لك... |
نتمنى لك رحلة سعيده و لن اضيف اكثر مما اضاف من قبلي فلهم جزيل الشكر اختصر رحلتك ما بين سيؤول و جيجو |
أتمنى لك التوفيق في سفرك |
| الساعة الآن 12:22 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO