|
رحلة عائلية الى كعبة المظيوم لاول مرة واستفسارات السلام عليكم ورحمة الله وبركاته ارغب بزيارة دولة قطر مع العائلة لمد 4 ايام وهي اول مرة ازور دولة قطر . وارغب بمعرفة فنادق كويسة قريبة من منطقة سوق واقف واهم شي تكون لديها مواقف للسيارة . سمعت عن فندق كويس للعائلة اسمه: النجادة ؛ ولكن بحثت عنه في البوكنق والمسافر ومالقيت شي عنه . ياليت اللي عنده معلومة يفيدن . ولكم كل الشكر . |
مرحبا اخي العزيز ياكثر الفنادق بالقرب من سوق واقف وكلها روعه جدا والوقت هذا اغلب الفنادق فاضية وبتحصل بنص السعر انصحك بفندق فندق سوق واقف بوتيك روعه جدا سبق وان سكنت فية |
شكرا لك اخوي : بن قوت ؛ الفندق اللي سكنت فيه مدري فيه مواقف للسيارة ولا لا؟ لان يقولون اغلب الفنادق اللي بسوق واقف مافيها مواقف للسيارة ولازم توقف بعيد شوي وتجي للفندق مشي . شكر لك مجددا |
نعم فية مجاناً! يتوفر موقف مجاني و عام للسيارت في الموقع (لا يُطلب الحجز المسبق). |
يمكن تقصد فندق فندق الزبارة |
والله مدري . لكن واحد من اخوياي قال بأن اغلب فنادق سوق واقف ﻻيؤمنون مواقف للسيارة نظرا لضيق السوق والفنادق . مع الشكر والتقدير |
:20:هلا اخوي انا قطريه وكل فنادقنا حلوه ملاذ كمبنسكي فاللولوه خيال وانصح فيه بقوه وتوه جديد |
ك اقتباس:
|
أنصحك تسكن في وحدة من مجموعة فنادق سوق واقف كلها تتبع بعض وبينهم مرافق مشتركة مثل الفطور والنادي الصحي.. إلخ وهي متوزعة في مواقع مختلفة في السوق المواقف الخاصة بالفندق محدودة لكن كل فندق عنده خدمة Valet Parking مجانية لنزلاء الفندق تسلم سيارتك ويصفونها لك والله يوفقكم |
ممكن اسم الفنادق اللي بالسوق حبيبنا ابوفهد . لان البوكنق موضحين اسم الفندق فقط . لاهنتم جميعا |
ما رحت قطر، بس صار عندي فضول بالنسبه للعنوان ماذا تقصد بكعبة المظيوم ؟؟ اول مره اسمع هالشي هو مكان والا قصدك دولة قطر تسمى كذلك |
فندق كونكورد الدوحة و فندق سرايا كورنيش و فندق وارويك فنادق فخمة و رخيصة وفي مناطق قريبة من سوق واقف و اقربهم سرايا كورنيش , تحتاج 5 الى 10 دقايق بالسيارة . لكن اذا تحب تدخل سوق واقف مشي من الفندق عليك بسلسلة فنادق سوق واقف منها النجادة و البدع وغيرها و كلها توفر خدمة ركن السيارة بلا شك . |
اقتباس:
انما لقبت كذلك لأن كثيراً ما كان يلجأ اليها ويستجير رجال من قبائل المنطقة وخارجها : فقال مؤسس دولة قطر الشيخ قاسم بن محمد آل ثاني في أحدى قصائده : أجرنا بها الحيين من ضيم حقهم وتوسع لهم عقب المضيق قضاه وجرنا بها أخو صافيه يوم ضدته جميع النحايـا والرفيـق جفـاه و لفظ كعبة المضيوم جاء في أشعار مؤسس دولة قطر الشيخ قاسم ال ثاني رحمه الله : ويلومني العذال على مطلب العلا = ويلومني من لا هواي هواه وحن كعبة المضيوم إلى ما وزابنا = بخيره ولا نرضى بغير ارضاه ولنا هضبة يأمن بها من نجيره = على رغم من ضده ومن عاداه |
شكراا للمعلومة اخوي بوصلوح |
شكرًا يعطيك الف عافيه |
| الساعة الآن 12:17 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO