نصيحتكم لرحلة يومين مع الفندق
 

السلام عليكم ورحمة الله وبركاته

ممكن تنصحوني بإسم فندق يكون ملاصق للمولات الحديثة الموجوده في قطر وشنو جدول الي تنصحون فيه لمده يومين

مالي خبرة كبيرة في قطر رحتها مرة وحدة فقط
مهم ترحونها في الاجواء الحلوة لانه اغلب الاماكن مفتوحة
المولات مو جنب بعض و لا اعتقد سهل تلاقي سكن قريب من كل شي الا في منطقة مشيرب و تكون قريب من سوق واقف و المنطقة جميلة كلها مطاعم و كفيهات لكن مو أحلى شي
احس بدون سيارة ما راح تستمتعون في قطر
الاماكن كثير لكن برتبها حسب وجهة نظرنا من الافضل و تقدرون تجمعون في اليوم أكثر من شي
كتارا و قريب منها مطعم بيت التلة يمدحون فيه يحتاج حجز فما قدرت اروحه
و قريب منها جزيرة اللؤلؤة و قناة كارتيه
جزيرة جوان و الممشى الكرستالي
درب لوسيل مو بعيد عنها
و الاسواق افضلها فاندوم
مشيرب و سوق واقف و ميناء الدوحة القديم ممكن في يوم واحد
رحنا المتحف الاسلامي كان جميل

رحلتنا كانت يومين و مددناها لانه ما لحقنا نخلص كل شي في يومين و رحلة سعيدة

احدث مجمع في قطر هو مجمع بلاس فاندوم بمنطقة الوسيل وبداخله فندق رويال مريديان
الجو الحين حار ففكرة الفندق في المجمع ممتازة.. وتوجد عدة فنادق قريبة من المجمع.