|
احتاج برنامج سياحي لمدة 10 ايام باريس السلام عليكم احتاج منكم تساعدوني انه حاليا راح اسافر 10 ايام الى باريس مع امكانية الذهاب الى سويسرا - جنيف يوم واحد والرجوع يوم ثاني بحثت عن الاماكن الى ابي اروحها وهذي اساميها ، واذا فيه اماكن ثانيه تنصحوني فيها غير الى ذكرتهم او مطاعم ومحلات. Effiel tower Louvre museum Champs elysees Cruise on the seine Palace of Versailles Disney land – two theme park Disneyland castle and Walt Disney studio The catacombs of Paris Palace de la Concorde La seine Rue de rivali Muse grevin La valace village outlet Museum of wax Saint-chapelle Conciergerie Lle de la cite احتاج ارتب المناطق الى بروحها حسب الايام اذا ممكن احد يساعدني 9 ديسمبر - الوصول لباريس صباحا 10 ديسمبر 11 ديسمبر - 12 ديسمبر - 13 ديسمبر - 14 ديسمبر - 15 ديسمبر - 16 ديسمبر - 17 ديسمبر - 18 ديسمبر - المغادة من باريس صباحا |
مساء الخير اتمني تقرأ تقارير البوابه وبعض المواضيع المثبته من قبل مشرفتنا كلاهمنا متحف الشمع واسمه الفعلي هو muse grevin Muse grevin Museum of wax |
وعليكم السلام متى توقيت سفركم وكم شخص ؟؟ بخصوص رحلة يوم واحد لجنيف والعوده في نفس اليوم فاحسها متعبه شي وما تسوى الرحله بالقطار 3 ساعات يعني 6 ساعات من اليوم راح تضيع في المشوار بس 10 ايام كثير على الاماكن الي ذكرتها ، يعني تقدر تغطيهم ب 5 ايام باراحه اذا ديزني ما راح تسكنون فيها بالنسبة للاماكن الي ذكرتها ممكن نرتبها حسب قربها ديزني والاوت لت la valle village saint chapelle / conciergerie / lle de la cite في نفس المنطقه وممكن زيارة the catacombs في نفس اليوم:yolks0090: الشانز والكونكورد ونقدر معاهم قوص النصر وتويلري .... ممكن تاخذ الباص السياحي في هذا اليوم ايفيل والرحله النهريه ممكن في يوم ومعاهم حدايق لوكسمبورغ و الحي اللاتيني |
اقتباس:
|
اقتباس:
جنيف قصدي اروحها تاريخ 16 مثلا بالصباح بالطياره وبعدين ارجع يوم ثاني تاريخ 17 اخر رحله بالليل بالطياره ديزني لاند الظاهر يوم واحد ماتكفي من جذي افكر اخليها يومين انزين نرجع الحين حق ترتيب الايام 9 ديسمبر - Effiel tower + Cruise on the seine + Jardin du Luxembourg + اسف بس الحي اللاتيني شنو اسمه بالانجليزي او الفرنسي 10 ديسمبر - Champs elysees + Palace de la Concorde + Arc de Triomphe + وتويلري وين هذا شنو اسمه بالانجليزي او الفرنسي 11 ديسمبر - Saint Chapelle + Conciergerie + lle de la cite + the catacombs 12 ديسمبر - palace of versailles 13 ديسمبر - Disenyland + La valle village ( بس هذي المنطقه مو كأنه بعيده عن ديزني لاند او المكان بالاحرى ؟ ) 14 ديسمبر - Disenyland 15 ديسمبر - 16 ديسمبر - To Geneva 17 ديسمبر - Retrun from Geneva to Paris 18 ديسمبر - المغادرة من باريس صباحا باقي هذي الاماكن شلون ارتبها مع الايام ؟ Louvre museum Rue de rivali Muse grevin "Museum of wax" La valace village outlet |
ماراح يقصرون معك الخبراء بوخالد و ام ريم و وبالنسبه لي انا راجع لك بعد اشوي بس اتفحص اخر رد لك و افصفصه واضبطه و ممكن تعطيني اسم الفندق الي بتسكنه في باريس !! تحياتي للجميع |
مرحبا اخوي انا سويت لك الجدول اذا عندك اي ملاحظات او استفسارات عليه خبرني وبعد بوخالد او ام ريم اذا في اي ملاحظات خبروني يوم الاربعاء 9 ديسمبر : الشانزليزيه Champs elysees قوس النصر Arc de Triomphe ساحه الكونكورد Palace de la Concorde حديقه تويليري Jardin des Tuileries مجمع الفصول الاربعه temps ساحه اللاديفانس من داخل المجمع يوم الخميس 10 ديسمبر: palace of Versailles قصر فرساي برج ايفل Effiel tower رحله بحريه بنهر السين Cruise on the seine حديقه او ساحه تراكاديرو Trocadéro Gardens place ملاحظه : يوم 10 ديسمبر متوفره تذاكر اون لاين لبرج ايفل لكل الاوقات ماعدا الساعه 11 اتوقع الوقت الي يناسبك 17:30 على اساس ترجع من قصر فرساي ورأسا الصعود للبرج http://store1.up-00.com/2015-10/1445038157961.png رابط الحجز : http://ticket.toureiffel.fr/index-css5-sete-pg1.html يوم الجمعه 11 ديسمبر: الحي اللاتيني Quartiere Latino كنيسه روتردام Cathédrale Notre-Dame lle de la cite Conciergerie Saint Chapelle حديقه بلانيتس Jardin des Plantes يوم السبت 12 ديسمبر : متحف اللوفر Louvre Museum Rue de rivali حديقه لوكمسبورغ Jardin du Luxembourg مجمع لي بون التجاري Le Bon Marché the catacombs يوم الاحد 13 ديسمبر: Disenyland دزني لاند La valle village الاوت لت يوم الاثنين 14 ديسمبر: Disenyland دزني لاند يوم الثلاثاء 15 ديسمبر: Opera الاوبرا جاليري لافاييت Galeries Lafayette متحف الشمع Musée Grévin متحف العطور Fragonard Musee Du Parfum هضبه مونمارت Montmartre يوم الاربعاء 16 ديسمبر: جنيف Geneva يوم الخميس 17 ديسمبر: جنيف Geneva يوم الجمعه 18 ديسمبر: العوده لأرض الوطن ملاحظه:لأيام 16 و 17 و18 : الذهاب الى جنيف تاريخ 16 العوده الى باريس تاريخ 17 الخروج من باريس تاريخ 18 احسها تعب وممله 3 ايام ورى بعض بالمطارات وسفر !! اذا ممكن او تقدر تغير سفرك الى جنيف بتاريخ اخر بنص السفره يكون افضل من وجهه نظري ملاحظه : اضفت لك كل الاماكن الي ذكرتها واماكن اخرى انا ضفتها على حسب قربهم من بعض اذا ثبتنا وعدلنا بحط لك محطات المترو لكل مكان وطريقه الوصول او اي توضيح اخر تحياتي |
اقتباس:
الجدول والايام ممتاز وكل شي عجيب بس حبيت استفسر ادا اقدر احط معاهم هالاماكن ؟ Musee Picasso Paris هذا المتحف يسوه نروحه او لا ؟ Aquarium de paris Place Vendome غابة بولونيا ابي اروحها بس مو بالليل Jardin d'Acclimatation هذي مادري ادا يسوه اروحها او لا بما انه احنا كلنا كبار ويمكن المكان حق الاطفال فقط او شي وجنيف الله يسلمك قلت بروح عن طريق Air France بالصباح ويوم ثاني ارجع بالليل عن طريق هم Air France شنو رايك ؟ حاليا ابي اضيف الــ Aquarium de paris + Place Vendome + غابة بولونيا الى الجدول الى سويته |
العفووو اخوي اها يعني الشقق الي انت حاجزها قريبه نوعا ما من برج ايفل بالنسبه للأماكن الي ذكرتها ممكن تضيف بعظها لكن البعض الاخر احس جدولك مزحوم مادري اذا يمديك او لا بس انا بحدد لك مكانهم وشنو جدول اليوم الي بتكون قريب منهم 1- متحف بيكاسو Musee Picasso Paris صعب تضيفه لاي يوم بالجدول لانه لحاله وحتى لو بتنزل في محطه المترو الاقرب له بتكون يبغيلها امشي اشوي لانها موقريبه كثير من المتحف ومكان المتحف خلف اللوفر بمسافه من رايي مايسوى الا اذا حصلت لك وقت فراغ 2- بالنسبه للأكواريوم Aquarium de paris ممكن تضيفه اخوي في جدول يوم الخميس 10 ديسمبر لانه مقابل برج ايفل وهو في ساحه التركاديرو وايضا في اكواريوم ثاني قريب الاوت لت في دزني لاند لاصق في مجمع فال دي يورب Val d’Europe Shopping Centre يعني الاوت لت والمجمع والاكواريوم مع بعض بنفس المكان 3- ساحه فاندوم Place Vendome انا ماضفتها لان مب ذاك المكان الي تضغط نفسك عشانه لكن مايمنع تروح لو عندك وقت مكان الساحه قريبه من اللوفر و ساحه الكونكورد اذا رحت متحف اللوفر تقدر تروح لها واذا رحت ساحه الكونكورد تقدر تروح لها 4- بالنسبه للحديقه Jardin d'Acclimatation وغابات بولونيا هم نفس الحديقه مع بعض الحديقه الي فوق الصغيره تقع في شمال شرق غابات بولونيا وتمثل تقريبا 15% من مساحه الحديقه الكلي ( تقييم الحجم من عندي تقريبي ) فيها العاب للأطفال وليست للكبار ومتاحف صغيره وحيوانات منزليه قليله يعني اشوفها مناسبه للأطفال اكثر والجزء الباقي هي غابات بولونيا الغابه والبحيره وغيرها تقدر تروح لها من الشانز او من اللاديفانس لانها تقع بينهم بس اقرب للاديفانس يعني اذا بغيت تطلع من الشانز الى اللاديفانس بتنزل في محطه قبل للاديفاني للحديقه الي فوق لكن الغابه لها محطات ثانيه للنزول افضل بالنسبه لملاحظتي للسفر مب مشكله الطيران او نوعه انا اقصد بتسافر من باريس الى جنيف يعني بتروح المطار واليوم الثاني بالليل بترجع من جنيف الى باريس يعني بتروح المطار والصبح بتطلع من باريس يعني بتروح المطار فمادري اذا يناسبك وعادي عندك 3 ايام ورى بعض سفر بالطياره هذي ملاحظتي للأماكن المذكوره تحياتي |
مشكور اخوي ماقصرت الصراحه كفيت او وفيت انه الاماكن الى ذكرتها بالاخير راح اروحها اذا صار عندي مجال بالوقت وماكنت مضغوط .. انزين الحين السؤال المهم احتاج منك بس الخارطه الى امشي عليها على كل يوم لانه راح تسهل عليه المهمه كثير ... |
ما قصر مشرفنا في الشرح فكر في رحلة جنيف لانه راح تضيع عليكم الوقت اذا الهدف زيارة دوله ثانيه فشرايك ببلجيكا بروكسل تحديدا ليلة وحده كافيه بس الفرق انه تقدر تروحها بالقطار رحلة ساعه وثلث وأنته واصل وكل الي عليك توصل قبل موعد القطار بربع ساعه كافيه بس رحلات الطيران لازم عالاقل ساعه ونص قبل الرحله وهذا راح يضيع من وقتكم |
اقتباس:
العفووو اخوي ماسوينا الا الواجب شوف بعد اقتراح مشرفتنا ام ريم بخصوص بروكسل اذا تناسبك لتوفير الوقت اما اذا خاطرك واجباري بالنسبه لك تروح جنيف هذا راجع لك اي انت روح الاماكن الي ثبتناها والاماكن الثانيه حسب الوقت وانا احتياطا راح اضيف محطات المترو القريبه منها عشان لو بغيت تروحها تكون عارف وين تنزل بالنسبه للخارطه ان شاء الله ابشر راح اجهزها ان شاء الله بالتوفيق ان شاء الله |
اقتباس:
انه قبل فكرت انه اروح بروكسيل وبعدين براقس لانه المسافه قريبه بينهم ... تنصحوني يعني اغير بدال جنيف الى بلجيكا ؟ |
اقتباس:
اقتباس:
مجرد سؤال بسيط الحين فرضا بخصوص القطار تنصحوني اشتري اي بطاقة ولازم لكل فرد عندنا بطاقه صح انه شاهدت الموضوع تبع المترو حق اختنا fanda بس مافهمت عدل .. الحين فرضا اشتريت بطاقة الاسبوعية او سواء paris visitie الحين ادا بطلع من محطة passy فرضا وبروح محطة cite الالوان تختلف الاول لونه اخضر والثاني لونه وردي انزين عندي البرنامج مال الميترو انه يطلع عندي Passy Line 6 Nation دائرة خضره مكتوب عليها 6 دائرة بيضه Montparnasse - Bienvenue مو مكتوب عليها رقم Line 4 Porte de Clingnancourt دائرة وردية غامقه مكتوب عليها 4 Cite ويطلع عندي مكتوب انه راح تاخذ 21 دقيقه , وتمر اب 13 station او 2 lines ممكن احد يفهمني شلون الطريقه ... فرضا اول شي اشتري paris visite او paris navgito تبع الخمسة الايام او ال7 بعدين بطلع من passy بروح cite شلون الخطوات ؟ يعني مجرد احط البطاقة على المكان الى يمرون فيه وبعدين اركب القطار ويوديني عدة محطات وانه انزل المحطة الى ابيها ؟ من غير ماسوي شي غير ؟ الصراحه ضايع ومعقدني موضوع الميترو :) |
اقتباس:
هلا اخوي الطبيعه في جنيف ماراح تفيدك لان الدنيا ثلوج ومافي خضار والشجر ميت لان وقت السفر في ديسمبر وبروكسل تنفع ليوم واحد تقضيها في ساحه الغراند والمنطقه حول مجمع الستي2 بالنسبه للقطار مافهمت قصدك جم هل قصدك المسافه او سعر التذاكر |
هههههه اخوي لاتشيل هم المترو انا بشرح لك المترو بالتفصيل الممل ان شاء الله بس الي ابغي اقول لك الحين ان اذا خذت البطاقه الاسبوعيه هي معناته تتنقل داخل باريس في زون 1-3 بكامل الحريه تغير اللون او رقم الخط براحتك تنزل وتركب من القطار بأي محطه او لون او رقم بنفس البطاقه او تقضيها طول اليوم تنقلات بجميع المحطات ماعندك مشكله الحين طالع مشوار وارجع واشرح لك موضوع المترو ان شاء الله تحياتي |
جنيف وبروكسل ما راح تشوف شي من الطبيعه ديسمبر برررررد بروكسل يمكن ثلوج فيها المترو سهل وما يبيله شي ممكن في البداية حوسه شوي بس مع التجربه بتشوف انه ولا اسهل اذا شريت البطاقة تروح للمترو المحطه الي عند فندقك الي هي اللون الأخضر حسب المثال الي انته ذاكره من محطة pass مافي خط مباشر الى cite لكن تقدر توصلها بتغيير القطار في محطة مونتبرانس والي أهي الدائرة البيضه ( نقطة تحويل) يعني لما توصل مونتبرانس تنزل من القطار الاول وتتبع اللوحات داخل المترو عشان تركب الخط الثاني البنفسجي الي راح يوصلك الى هدفك وهي محطة cite كل هالعملية راح تصير وأنته داخل محطات المترو |
اقتباس:
انه افكر اخذ البطاقة الاسبوعيه بس في نوعين صح paris visitie او paris navigito اهو الاولى لاحظت اغلى والثانيه ارخص بس المشكله الثانيه تكون شغال من يوم الاثنين كانه الى يوم الجمعة او السبت يعني اي وحده تنصحني اشتري الاولى ؟ paris visitie وبحتاجها تكون من زون 1 الى 5 او 6 حتى اقدر اروح بعدين ديزني لاند وفريساي وغيره من دون اي مشاكل .. اي والله ياريت تشرحه في انتظار الخارطه مع شرح الميترو .. |
اقتباس:
انزين ادا ركبت القطار ولاحظته يمشي شلون بعرف اهو بضبط في اي محطه وقف وبعدين مره ثانيه بيمشي كم تكون فترة النزول ومره ثانيه حق يمشي هل تاخذ وقت لو بسرعه ؟ يعني اركب القطار وانتظر للين مايوصل للمحطه الى ابيها ؟ وبعدين في النقطه البيضاء الى اهيه تغير القطار فرضا نزلت من القطار شلون اعرف النقطه البيضاء او القطار تبعها بكون في وين او متى يوصل وغيره ! |
اقتباس:
مرحبا اخوي بالنسبه للبطاقتين وايهما افضل بالنسبه لك انت وصولك الى باريس يوم الاربعاء يعني لو حسبنا وصولك يوم الاربعاء الى الاحد راح تستخدمها 5 ايام يعني راح توفر بالمبلغ في هالحاله لو اخذتها بس لازم تحط في بالك انهم محتاجين صور بحجم معين وبدون قبعه او اي شي على راسك وعندهم في مكان التذاكر مكان للتصوير ان بغيت بسعر 4 يورو والبطاقه عليها رسوم 5 يورو يعني لو بتصور عندهم + رسوم البطاقه = 9 يورو سعر paris navigito لمده اسبوع لزون 1-5 = 35.40 سعر التصوير ( بأفتراض التصوير عندهم ) = 4 يورو سعر رسوم بطاقه الاصدار = 5 يورو المجموع : 44.4 يورو الحين نجي للبطاقه paris visitie ونقارن سعرها بالنسبه لوقت وصولك لو اخذتها لمده خمس ايام لزون 1-5 سعرها = 67.40 يعني لو تاخذ بطاقه paris navigito راح توفر خلال نفس المده 23 يورو للشخص :(157): يعني انصحك تاخذ paris navigito لزون 1-5 وهذي شامله كل الاماكن السياحيه في وسط باريس + دزني لاند + قصر فرساي + مطار شارل ديغول + مطار اورلي وبدون اي مشاكل ان شاء الله للمعلومه العامه فقط : بطاقه paris navigito طبعا المعروف انها تبأ من يوم الاثنين من كل اسبوع ويبدأ الشراء عليها من يوم الجمعه لكن تستخدمها يوم الاثنين يعني لو انت في بلادك وحاب تشتري البطاقه الاسبوعيه paris navigito ليوم الاثنين الاسبوع القادم ماتقدر تشتريها الا من يوم الجمعه او السبت او الاحد وتبدأ في تفعيل البطاقه يوم الاثنين وتستخدمها اما اذا شريتها من يوم الاثنين او الثلاثاء او الي بعده عادي تشتريها وتكون جاهزه للأستخدام بنفس الوقت |
اقتباس:
لتسمح لي مشرفتنا ام ريم بالرد ولما ترجع توضح لك ان شاء الله هي ماتقصر اخوي انا نصحتك في مشاركتي الي فوق انك تاخذ Pass – Navigo اي نعم كل شخص بطاقه وعليها اسمه وصورته اما البطاقه الثانيه ماتكون عليها اسم او صوره بالنسبه للمترو في داخل كل عربه مترو خارطه للخط الي انت عليه يعني مثلا ركبت الخط الاصفر رقم 1 في داخل المترو وانت قاعد شوف فوق باب المترو بتشوف راسمين لك الخط وموجود الخط في كل ابواب المترو وطبعا ماراح تخربط لان الرسمه مافيها كل الخطوط فقط الخط الي انت فيه يعني راح تشوف الخط الاصفر فقط بس انت لازم تكون عارف اي محطه راح تنزل مثال : انت ركبت المترو من الشانز في محطه George V وراح تنزل فمجمع الفصول الاربعه في اللاديفانس في محطه لاديفانس لاحظ معاي الخط الاصفر رقم 1 الي راح تشوفه داخل المترو فوق كل باب http://www.arabtrvl.com/up/uploads/a...5218603851.png من الصور ومن محطه الصعود الى محطه النزول بينهم 6 محطات واي محطه توصلها بتكون عارف انت وصلت وين يا من اول مايوقف القطار بأي محطه تكون مكتوبه اسم المحطه داخل المحطه مكان مايكون الناس واقفين او بعض قطارات المترو في نفس الخط الي قلت لك عنه فوق الباب داخل المترو تحت كل محطه في ليت صغير احمر يرشدك ان حنا وصلنا هالمحطه او انت تكون عارف ان بينكم مثلا 6 محطات واحسبها يعني الموضوع جدا عادي والامور سهالات وراح تعرف كلشي بنفسك ونفس الحاله لو بتغير قطار في حدى المحطات انت المفروض تكون عارف بأي محطه تنزل عشان تغير قطار لما توصل محطه التغيير تنزل منه وتتبع اللوحات الارشاديه للخط الي تبغي ورقمه بالنسبه لتوقف القطار بكل محطه يمدي الواحد يركب او ينزل منه يعني تقريبا مابين 10 ثواني الى ربع دقيقه واصلا نزولك او صعودك للقطار ماياخذ اكثر من خمس ثواني ملاحظه مهمه ولازم تنتبه لها : ان وبنفس المثال الي فوق شلون تعرف ان هذا القطار رايح اللاديفانس او راجع من اللاديفانس لان بكل خط وبنفس المحطات في خطين للقطار واحد رايح والثاني راجع شلون تعرف اي مسار الصح الي تمسكه !! يعني من الشانز ورايح اللاديفانس بنفس المثال الي فوق لما تدخل محطه المترو ورايح لخط القطار في طريقين واحد تروح للمسار الي رايح والثاني للمسار الي راجع وعند كل مدخل من هالمسارات في رسمه توضح لك ان لو دخلت من هنا راح تمر على هالمحطات وانت شوف هل المحطات المذكوره من بينها ام لا وجذي بتعرف اي مسار تاخذ اذا مب واضح ان شاء الله راح احاول اوضح لك اكثر تحياتي |
اقتباس:
في انتظار الخارطه متى ماجهزت حتى نطبعها :) ومتشكر لكم fanda او qa6ar911 |
شرح ابو سعد واضح جدا عالعموم المحطة الي يوصل لها المترو راح تشوف اسمها بخط كبير على جدران المحطة وراح يكون في اعلان داخل المترو باسم المحطة في حال ركبت المترو واكتشفت انك في المسار الخطأ عادي جدا انزل في اول محطة يوقف فيها المترو وأخذ المسار المعاكس المترو حركته مستمره بين المترو والثاني أقصى شي ٣ دقايق يعني ما تخاف يضيع عليك الوقت ويخترب يومك |
اقتباس:
بس ان شاء الله مانتوهق الله يسلمكم .. |
اخوي qa6ar911 بس حبيت اسألك الحين الخارطه استعمل القديمه تبعك ولا بتسوي وحده يديده وفيها محطات القطار الى اوقف عندها ؟ وبخصوص الذهاب الى دولة ثانية فكرت فيها .. بروح امستردام تاريخ 16 بقعد ليله وبرجع 17 الليل من امستردام يعني جيكت هالموقع https://travel.b-europe.com/thalys/b...TrainSelection فيه رحله تطلع من باريس 6:25 من محطة gare du nord يعني مادري جم بياخذ لي اذا بمشي من passy وفي الرجعة تاريخ 17 فيه رحله تطلع من امستردام الساعه 19:17 بالليل وحجزت فندق رو .. بس ياريت اذا ماعليك امر تعطيني الخارطه تبع الاماكن الى سويتهم لي تبع الجدول مع المحطات الى لازم اوقف فيها ومسامحه ازعجتك اخوي استحملنا اشوي :) |
اقتباس:
|
اقتباس:
يوم الاربعاء 9 ديسمبر : الشانزليزيه Champs elysees Charles de Gaulle - Etoile - George V قوس النصر Arc de Triomphe Charles de Gaulle - Etoile ساحه الكونكورد Palace de la Concorde Concorde حديقه تويليري Jardin des Tuileries Concorde مجمع الفصول الاربعه temps La Défense ساحه اللاديفانس من داخل المجمع يوم الخميس 10 ديسمبر: palace of Versailles قصر فرساي Versailles - Château - Rive-Gauche برج ايفل Effiel tower Champ de Mars - Tour Eiffel - Bir-Hakeim رحله بحريه بنهر السين Cruise on the seine Alma - Marceau حديقه او ساحه تراكاديرو Trocadéro Gardens place Trocadéro يوم الجمعه 11 ديسمبر: الحي اللاتيني Quartiere Latino Saint-Michel كنيسه روتردام Cathédrale Notre-Dame Saint-Michel lle de la cite Cite - Saint-Michel Conciergerie Cite Saint Chapelle Cite - Saint-Michel حديقه بلانيتس Jardin des Plantes Gare d'Austerlitz يوم السبت 12 ديسمبر : متحف اللوفر Louvre Museum Louvre - Rivoli Rue de rivali Louvre - Rivoli حديقه لوكمسبورغ Jardin du Luxembourg Luxembourg مجمع لي بون التجاري Le Bon Marché the catacombs Sèvres - Babylone يوم الاحد 13 ديسمبر: Disenyland دزني لاند Marne-la-Vallée - Chessy La valle village الاوت لت Val d'Europe يوم الثلاثاء 15 ديسمبر: Opera الاوبرا Opéra جاليري لافاييت Galeries Lafayette Chaussée d'Antin - La Fayette - Opéra متحف الشمع Musée Grévin Richelieu - Drouot متحف العطور Fragonard Musee Du Parfum Opéra هضبه مونمارت Montmartre Anvers يوم الاربعاء 16 ديسمبر: جنيف Geneva محطه قطارات باريس PARIS GARE LYON المحطات باللون الاخضر واذا محطتين حطيتهم لك لونين الاخضر والازرق الفاتح بالتوفيق |
شكرا لك أخي العزيز ماقصرت |
اقتباس:
السموحه يا الغالي توني اشوف هذا الرد مانتبهت له بكره الصبح ان شاء الله راح اعطيك ردي والخارطه انت تامر يا الغالي |
اقتباس:
في انتظار الخارطه .. يعطيك العافيه |
| الساعة الآن 11:09 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO