|
محتارين.. ونبغى مشورتكم :) أهلا بالجميع مرة ثانية: حابة اشكركم على التجاوب السريع .. وبعد تفكير خصوصا انها اول زيارة لباريس احترنا هل نضيف معها لندن أو لا؟؟ خايفين من موضوع الفيزاء+ الشنقن ، لو كانو وحده بس أهون ! ابغى رايكم : سفرتنا راح تكون 6 ايام في شهر يناير ان شاءالله لباريس ( للعمل) وراح نضيف عليها يومين ان شاءالله ديزني باريس، انا وزوجي و 3 اطفال، هل يستاهل اننا نطلع فيزا بريطانيا اذا كنا راح نزورها 5 ايام اضافية فقط، خصوصا ان البرد راح يكون شديد وممكن مانستمتع بالاجواء اللندنيه مثل الصيف. والشي الثاني اذا ماتأيدون نضيف لندن مع باريس ايش تقترحون بلد ثاني يشملها الشنقن وتكون حلوة بشهر يناير؟ ماابغى تكون كل الفترة باريس خصوصا اننا طايرين بكل الاحوال اذا الله اراد :) والثالث والاخير بخصوص الشنغن هل يكتفى بتعبئة النماذج لكل افراد العائلة والدفع من النت؟ وبعدها يعطوننا موعد للبصمة والمطابقة؟ او لازم نتعاقد مع مكتب خصوصا ان ديرتنا مافيها سفاره يعني لازم نسافر للبصمة والمطابقة . وشكرا على روحكم الجميلة وتجاوبكم الرائع :) |
كم عدد الأيام اللي حابين تزودنها اذا كانت 6 أيام باريس؟ هناك خيارات كثيره ممكن نيس أو موناكو الفرنسيه بس اقترح اذا مامدامكم تتطلعون فيزا بريطانيا أو مترددين في زيارتها اشوف خيار برشلونه. ... وجهت نظري خلوها 6 أيام في باريس بدون زيادة والاستفادة من مبلغ زيادة عدد الأيام في شهر اخر وسفره سياحيه بتنسيق وتخطيط تكون احلى |
اقتباس:
طيب بالنسبة للانتقال الى برشلونة هل الافضل واكثر توفير القطارات او الطيران الاقتصادي؟ لاني قريت باحد المواضيع يقولون القطار 8 ساعات وثاني يقول 14 ساعة:(57): |
انا مؤيد الي اسبانيا علي الاقل اقل بروده من غيرها وممكن طيران ايزي جيت ينقلكم لها ورخيص افضل انكم بأنفسكم تجهرزون الفيزا المكتب بيسوي لك موعد ولكن التبصيم لازم تروحون ليش الخسائر ما دام معكم وقت واذا خلصتوا بلغوهم يرسلون الجوزات علي ارامكس والقيمه اربعين ريال للجوار فيه قسم خاص بالفيزا الشنغين وشروطه وسهله جدا |
لتوقيت سفركم الأفضل إلغاء لندن لو تكتفين بباريس وديزني افضل وأريح مع وجود أطفال |
ياهلا ومرحبا اختي اذا في معاناه انج تقدمين لفيزتين الشنغن والبريطانيه وهي السفر من مطان الى مكان للتوجهه الى السفارات في بلدج الافضل والاريح لج تاخذين الشنغن فقط ولندن تتركينها لسفره لسفره ثانيه بس نصيحه وقت تقديم الشنغن شيكي على جوازاتكم كلها تكون جديده عشان يعطونج 3 او 4 سنوات وكذا تكون الشنغن جاهزه لسفرات اخرى يعني لو السنه الي بعدها او الي بعدها بعدها وربي كتب لكم سفره الى لندن تطلعون فقط الفيزا البريطانيه وتكون سفرتكم لندن وباريس وخيار السفره تكون باريس وبرشلونه ممتازه جدا بس بالنسبه للقطار تلغين هالخيار لانها راح تكون متعبه لكم والافضل تروحون بالطيران الاقتصادي وشركات الطيران الى تطلع دايركت من باريس الى برشلونه هي : 1- ايزي جيت easyJet 2- الخطوط الفرنسيه 3- Vueling Airlines 4- Ryanair 5- Transavia والمسافه بالطياره مابين 1:35 الى 1:45 اما بالقطار المسافه من باريس الى برشلونه دايركت بالضبط 6:27 تحياتي |
بخصوص موضوع التأشيرتين الشنغن والبريطانيه حبيت اضيف أن : ممكن ترتيب مواعيدج مع السفارتين ان بنفس اليوم يعني تقدمين بالسفاره الفرنسيه والبريطانيه بنفس اليوم بشرط ان التقديم في السفاره البريطانيه يكون قبل السفاره الفرنسيه لان السفاره البريطانيه عندهم خدمه تقديم طلب التأشيره وتحتفظين بجواز سفرج معاج وهذه الخدمه موفرينها الي يبغي يقدم على تأشيره الشنغن او اي تأشيره اخرى وبدفع مبلغ اضافي مقابل الاحتفاظ بجواز السفر معاكم يعني مثلا يكون موعدكم بالسفاره البريطانيه اول الصبح وتدفعون زياده وتاخذون جوازاتكم معاكم وبنفس اليوم تاخذون موعد متأخر بالسفاره الفرنسيه وتسلمونهم الجواز http://www.arabtrvl.com/up/uploads/a...6209333091.png الرابط : UK Visa Information - Saudi Arabia - User Pay Services يعني هذا من ضمن الخيارات المتاحه لكم بالتوفيق |
اقتباس:
|
اقتباس:
|
اقتباس:
|
| الساعة الآن 04:53 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO