|
محتاجه مدينه مع باريس السلام عليكم ورحمه الله وبركاته لو سمحتم اخواني احنا عايله 5 كبار وطفل قررنا نروح باريس ان شالله في شهر يناير والصراحه احنا كنا نبغي باريس 3 ايام واسبانيا 8 ايام بس قريت في النت ان مدن اسبانيا كل مدينه بعيده جدا عن الثانيه يعني هجوله واحنا مانبغى كل المدن بس مدينه او ثنتين يعنى برشلونه ومدينه معاها او باريس ودوله ثانيه معاها تكون حلوة وتستاهل مابغي اضيع فلوسي في المواصلات انا الحين محتاره اروجو افادتى علشان بحجز ولاتقترحون علي مدريد مانبغاها وشكرا |
وعليكم السلام ورحمه الله وبركاته في يناير اوربا قاطبه برد لكن اسبانيا أقل بروده اقرب شيء لباريس بروكسل لكن اتصور ان اسبانيا احلا اعتقد بين مدريد وبرشلونه ساعتين القطار |
11 يوم وفي شهر يناير. .. الأفضل لكم باريس وصول 6 أيام لان اليوم الأول يعتبر ضايع دايم في السفر بعدها طيران على برشلونه 4 ايام والعودة... |
باريس وبعدها طيران لبرشلونه عالطيران الاقتصادي ما راح تكلفكم كثير بس حاسبوا للوزن |
هلا خلاص اقتنعت بباريس ان شالله 4 او 5 ايام وبنروح بالقطار برشلونه لانه ارخص بس ابغاكم تقترحون علي مدينه مع برشلونه تكون قريبه غير مدريد لاتكولون ارجوكم بنحجز ان شالله |
المسافه بين باريس وبرشلونة ٦ ساعات بالقطار !! شوفي أسعار الطيران راح تلقي اقل من القطار |
باريس - برشلونة بالطيارة أسهل ,اريح وأرخص تاراجونا - 100 كم سرقسطة 300 كم (zaragoza) فالينسيا 400 كم (سبق زيارتها، احلى ما فيها مدينة العلوم والاكواريوم) Perpignan في فرنسا 200 كم |
هلا طيب احنا قررنا الحين الوصول باريس ومن باريس برشلونه بالطياره ونوزع الايام بين برشلونه وجزيره مايروكا لاننا مانحب الهجوله والتنقل بس ايش رايكم نتفق مع الفندق يسوي لنا الرحله للجزيره ينفع والا نتفق مع مكاتب سياحيه هناك |
قصدك حجز العبارة من برشلونة الى مايوركا؟! |
ايوه بالعباره |
اقتباس:
ياهلا ومرحبا اختي اي نعم صحيح الكلام بلاد غريبه عجيبه ولا مدينه جنب بعض كلها مسافات طويله وقفز حواجز هههههههههه |
اقتباس:
صح بوخالد تقريبا اقل رحله تاخذ لها 2:30 وبتكون الصبح بدري الساعه 8:25 وفي رحلات تاخذ لها 2:45 و 3:00 كلهم دايركت |
طيب الحين ماجاوبتوني |
هلا اختي خليني بس اشوف ردود الموضوع كامل عشان اعرف وين وصلتو وعلى شنو كانت الاختيارات وراجع لج ان شاء الله وابشري بسعدج تحياتي |
اقتباس:
زين سويتي اختي بالطياره احسن بالقطار اقل مسافه ايركت 6:15 وتوصل بعظها الى 6:45 وسعر التذكره للشخص الواحد في يناير : اول الصبح مابين 74 الى 85 يورو والضحى الى العصر مابين 85 الى 97 يورو ولو بتروحين بالطياره وحجزتي من الحين راح توفرين تقريبا من 40% الى 50% من المبلغ يعني الطيران ارخص واسرع واريح لكم شركات الطيران : كلهم دايركت من باريس الى برشلونه مده الرحله مابين 1:35 الى 1:45 وتقريبا التذكره للشخص الواحد ماتتعدى 50 يورو طبعا حسب التاريخ لاني ماعرفه بالضبط 1- transavia https://www.transavia.com/en-EU/home/ 2- Ryanair https://www.ryanair.com/gb/en/ 3- vueling airlines Cheap flights, hotel deals, rental car | vueling.com 4- air france Air France USA Official site - International flights, airline tickets…cheap airfares to France, Paris, Europe, India, Asia & Africa 5- easyJet Book direct for our guaranteed cheapest prices - easyJet |
اقتباس:
انا قبل شهر كنت في مايوركا ورحت العاصمه بالما مدينه حلوه وهاديه واريافها ماكنها في اوروبا تشبه لحد كبير ارياف بلاد الشام يعني بس راح تكونين بالعاصمه واذا تبغين تروحين الكهف تقريبا من العاصمه 45 دقيقه بس اشوفها ماتسوى وخاصه ان بالعباره تاخذ لها تقريبا مابين 7 ساعات ونص الى 8 ساعات واذا تذكره كامله ذهاب وعوده تقريبا سعرها 170 يورو |
ابو سعد مداخلة عالسريع جزيرة مايوركا تستاهل كم يوم؟ |
اقتباس:
مرحبا يا الغالي بالكثير يوم واحد مب اكثر لكن على حسب الشخص الي يحب اجواء البحر والاستجمام لكن مشكلتها ماتسوى مسافتها بالمركب 7 ساعات ونص |
لج خاطر اختي تخلين سفرتج لأسبانيا فقط برشلونه وسان سبستيان بس فيها مسافه تقريبا بالقطار دايركت 5:40 ممكن تروحين بالطياره تقريبا ساعه واحده لكن نادر ماتحصلين دايركت كلها عن طريق مدريد لكن في بعض الرحلات بتواريخ معينه ممكن تحصلين رحلات مباشره من برشلونه الى سان سبستيان لو ناويه تروحينها ممكن تعطيني تاريخ اقامتج في اسبانيا وانا اشوف لج الرحلات تحياتي |
هلا اخوي والله زين انك ماخليتني اتهجول واروح لمدينه واتعب واتعنى وتطلع عاديه قصدي على جزيره مايوروكا سوالي الحين هل هذي المدينه سانسبستيان تستاهل العنوة قصدي زي جمال مدن اروبا والا عاديه علشان لو عاديه يصير اخليها الايام كلها برشلونه واخليكم تسون لي جدول عليها وشكرا الله يوفقكم اخواني |
اقتباس:
|
اقتباس:
يعطيك العافيه يابوسعد وماشاء الله عليك دائما راعي خبره ومستشار سياحي من الدرجة الاولى جزاك الله خير على كل ماتقدمة من مساعدات واستشارات للاعضاء >> ليت عندنا كم خبير زيك تحياتي لك |
| الساعة الآن 12:20 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO