|
Paris Pass & Paris Combo Pass السلام عليكم .. أولا .. اشكر كل شخص ساهم بتسهيل ترتيبات سفرتي لشهر العسل بالتقارير الي كانت موجودة في المنتدى القديم قدرت ارتب لسفرتي كامله الي بتكون في شهر ابريل هالسنه بإذن الله ..:(3): ثانيا .. بما ان أول محطات سفرتي بتكون باريس - ديزني لاند .. عندي استفسار بخصوص الـ Paris Pass و Paris Combo Pass شنو الفرق بينهم؟ وهل أقدر استفيد منها؟ :surrender: اذا ممكن تعطوني فكرة واضحة عنها وشنو الأفضل هل اخذها او لا؟ وشكـرا لكم مقدمـا ..:(148): |
رد: Paris Pass & Paris Combo Pass ينقل للاستفسارات |
رد: Paris Pass & Paris Combo Pass ختي بخصوص البطاقات كثيره انواعها وتعتمد في شرائها دايم كم مده اقامتك بباريس وايضا على الزوم اللى بتتنقل فيه واللى اغلب تنقلك بيكون فيه اسعارها تختلف .فيه بطاقات تشمل زوم من 1-3 وفيه من 3-6 البطاقات اللى ذكرتى لو جالسه اقل من 5ايام ماتفيدك كثير انتى حددى كم مدتكم وافصل اكثر لك واعطيك المناسب من نوع بطاقات اخرى |
رد: Paris Pass & Paris Combo Pass اقتباس: المشاركة الأصلية كتبت بواسطة أبو طلال* http://www.arabtrvl.com/vb/traveler/...s/viewpost.gif ختي بخصوص البطاقات كثيره انواعها وتعتمد في شرائها دايم كم مده اقامتك بباريس وايضا على الزوم اللى بتتنقل فيه واللى اغلب تنقلك بيكون فيه اسعارها تختلف .فيه بطاقات تشمل زوم من 1-3 وفيه من 3-6 البطاقات اللى ذكرتى لو جالسه اقل من 5ايام ماتفيدك كثير انتى حددى كم مدتكم وافصل اكثر لك واعطيك المناسب من نوع بطاقات اخرى مشكور اخوي بو طلال على ردك أنا بكون في باريس لمدة 5 ليالي وسكني بيكون في ديزني لاند .. شنو برايك الأحسن لهالمدة؟:(57): |
رد: Paris Pass & Paris Combo Pass من وجهة نظري أن شراء التذاكر الفردية حسب الحاجة، قد يكون أوفر. فسعر التذكرة للرحلة الواحدة داخل شبكة المترو سعرها 1.8 يورو، وبفرض أنكم ستتنقلون لثلاث أماكن (ست رحلات ذهاباً وإياباً)، فإن تكلفة الشخص هي 10.8 يورو، وهي أرخص من تكلفة البطاقات الأاخرى، التي قد تناسب السائح الأوروبي أكثر، لأنه يستخدم جميع وسائل المواصلات المتاحة من مترو وحافلات، بينما السائح العربي، والخليجي تحديداً يستخدم المترو فقط. أما المميزات الأخرى في الخصومات على دخول بعض المواقع السياحية، فقد لا تكون مجدية لنفس السبب أيضاً، إلا إذا وضعت جدولاً بالأماكن التي ستزورها، وحسب تكلفة دخولها، وقارنت بين الأسعار. |
رد: Paris Pass & Paris Combo Pass علشان تكون الاجابه واضحه انتم ايش ناويين تزورون بعض الاماكن ما اعتقد احد يزورها وليش خمس ايام بدفع 135 يورو من غير مشاوير الرير لديزني وفرساي حتي سعره في الباص الاحمر مقارب جدا للسعر الخارجي |
رد: Paris Pass & Paris Combo Pass مرحبا اخوي الف شكر للأخوان ماقصرو اخوي باريس باس في مترو باس تقدر تاخذ من يوم واحد الى 5 ايام ( ماعندهم4 ايام )حسب حاجتك ويكون في زون 1<3 ( وسط باريس ) مالك حاجه في اي زون ثاني هذا الاهم يوم واحد 13.90 يورو يومين 23.90 يورو 3 ايام 32.90 5 ايام 44.90 Paris Combo Pass تستخدم المترو والباص غير محدود يعني اي وقت لين تخلص عدد الايام المختاره وبعض الخصومات في الاماكن المشتركين معاهم ورحله مجانيه في نهر السين خريطه مسار الباص السياحي مجانا شوارع باريس بالمجان ( اي رسوم بالشارع ) تدرس اللغه الفرنسيه شهر مجانا عن طريق الانترنت بعض الخصومات على الشركات المشتركين معاهم بالبرنامج الاسعار تقدر تاخذوها من يوم واحد الى 6 ايام وتبدأ الاسعار من 35.90 يورو ليوم واحد وتصل الى 156.90 يورو لست ايام الخلاصه اخوي هذي البطاقات تنفع للناس الي تصحى من 7 الصبح ومايرجعون الا المغرب عشان تتحلل عدل ويطلعون من مكان الى مكان بيوم واحد يعني انا غير مؤيد تاخذ Paris Combo Pass لكن اذا بتروح باليوم الواحد مكانين او ثلاث اماكن ماتنفع لكن اذا بتستخدم المترو وسط باريس كثير في معظم تنقلاتك الافضل تاخذ paris metro pass حسب المده الي تحتاجها وان شاء الله راح ينفعك وتستفيد منها وبالتوفيق ان شاء الله |
رد: Paris Pass & Paris Combo Pass سعود بن محمد، فيصل و qa6ar911 مشكورين وايد على كل ردودكم الأماكن الي في بالي أروحها هي: 1. برج ايفيل وصعوده والحدايق الي حوله 2. رحلة نهر السين 3. جسر العشاق 4. قصر فرساي 5. اللوفر 6. متحف الشمع 7. الحي اللاتيني 8. هضبة مونمارت 9. ساحة فاندوم للعلم انا بكون في ديزني لاند وبالمترو باروح لنص باريس 5 ليالي هل يكفي ازور هالأماكن بيومين؟ وشلون ارتبها؟ لاني مقررة اخلي يومين لدزني ويوم للأوت لت بعدها لبلجيكا وهولندا ومشكورين مقدما على كل جهودكم :(125): |
رد: Paris Pass & Paris Combo Pass العفوووو اختي اختي بحط لج الرابط وشوفي الردود رقم 11 و 26 وان شاء الله بحط لج باقي الاشياء الي مش موجوده بالتوفيق ان شاء الله http://www.arabtrvl.com/vb/t1325-2.html |
رد: Paris Pass & Paris Combo Pass يومين ممكن بس كم وقت باللوفر ناويه وايفل لابد تحجزين له فرساي هو اللي بيأخركم كثر ولازم حجز التكت ايضا |
رد: Paris Pass & Paris Combo Pass أعتقد بأن من الصعوبة زيارة جميع ما ذكر خلال يومين فقط، أما لو كان الهدف هو المرور السريع فربما. اللوفر وقصر فرساي تحتاج حوالي 4 - 6 ساعات على أقل تقدير لزيارة كل منها، فضلاً عن المجهود البدني الذي سيبذل خلال الزيارة. اقنراحي للجدول: اليوم الأول برج ايفل رحلة نهر السين جسر العشاق الحي اللاتيني اليوم الثاني اللوفر ساحة فاندوم ساحة الأوبرا متحف الشمع هضبة مونمارت وإذا كان ولابد من زيارة قصر فرساي، فقد يكون في بداية اليوم الأول. مع اقتراحي للحجز المسبق (قبل أيام) وشراء التذاكر لكل من القصر وبرج ايفيل واللوفر. وهناك العديد من الشركات السياحية التي يمكن الحجز منها مثل (رابط) أو من مواقع الالكترونية لتلك المعالم السياحية. |
رد: Paris Pass & Paris Combo Pass معاك ابومحمد وانا سالتها من قبل اذا هي من محبي المتاحف فراح يأخذ وقت عليهم اللوفر وكذلك فرساي 4 ساعات أقل شيء لكن اذا الامر سريع سريع عن قولة رحنا ولا زرنا هالمعالم يمديهم بإذن الله مع حجز التذاكر مسبقا |
رد: Paris Pass & Paris Combo Pass مشكورين يا إخواني على كل جهودكم وردودكم :(127): بس سؤال هل يستاهل الشي اني اضيع 4-6 ساعات عشان اللوفر وفرساي مدام انها اول رحله لي؟ :(46): |
رد: Paris Pass & Paris Combo Pass يعتمد على اهتماماتكم و الي تحبونه وإذا معاكم أطفال او لا انه مثلا سفرتي لباريس عشان اشوف قصر فرساي وتميت فيه اكثر من ٤ ساعات وما مليت خصوصا الحدائق الخارجية رغم البرد وفي المقابل لأَنِّي ما أحب المتاحف ولأنه معاي أطفال ومتاكده راح يملون فمازرت اللوفر ودام زيارتكم محدودة في يومين فالافضل ما تضيعون نص نهار كامل في مكان واحد |
رد: Paris Pass & Paris Combo Pass لو خيرت بين اللوفر وفرساي لضيق الوقت، لاخترت اللوفر، أولاً بسبب موقعه في وسط باريس، ولشهرته، ولكمية محتوياته الكبيرة. |
رد: Paris Pass & Paris Combo Pass اختي Fanda واخوي فيصل .. بالنسبة لنا بنفضل اكثر قصر فرساي :(60): فاذا برتب جدول ليومين مع اقتراح اخوي سعود بن محمد .. في اي يوم اخلي قصر فرساي؟ وشنو اسهل طريقة لهم .. هل بالباص الأحمر او في شي ثاني؟ إقتباس من اخوي سعود بن محمد: اقتراحي للجدول: اليوم الأول برج ايفل رحلة نهر السين جسر العشاق الحي اللاتيني اليوم الثاني ساحة فاندوم ساحة الأوبرا متحف الشمع هضبة مونمارت :(148): وسامحوني تعبتكم :(58): |
رد: Paris Pass & Paris Combo Pass اختي نفس ماقالو الاخوان اذا الوقت مناسب ويسمح لج بزياره قصر فرساي فحلو تروحينه واللوفر ماراح ياخذ من وقتج 6 ساعات لان جنب ساحه الكونكورد وساحه الفاندوم وتقدرين تروحين جسر العشاق مشي لو بغيتي |
رد: Paris Pass & Paris Combo Pass الذهاب لقصر فرساي عن طريق الرير C الاصفر ( RER - C ) افضل |
رد: Paris Pass & Paris Combo Pass نفس ما قال الأخ سعود فرساي خارج باريس يعني غير الوقت الي بروح عليكم في القصر بعد يبي لكم وقت في مشوار الروحه والرده وحطي في بالك وانت ترتبين الجدول انه يغلق يوم الاثنين |
رد: Paris Pass & Paris Combo Pass وش يصادف ايام ذهابكم الي باريس اثنين فرساي تغلق زي ما قالت ام ريم والاحد اذا هو اول الشهر بيكون الدخول فري وزحمه ناس حددي الايام وبأذن الله تضبط مع أني ما أرشح لك متحف الشمع |
رد: Paris Pass & Paris Combo Pass تاريخ روحتي لباريس بتكون من 26/04/2015 الى 01/05/2015 أخر يوم بيكون انطلاقنا الى بروج في بلجيكا بالقطار Thyls :(90): فشنو تقترحون يكون الجدول الأفضل ومتى أحجز وقت القطار؟ |
رد: Paris Pass & Paris Combo Pass ياهلا ومرحبا اختي صباح الورد يعني بغيتي جدول حق يومي حق باريس ودزني لاند ؟؟ بخصوص حجز القطار طبعا الحين ماتقدرين تحجزين لان الفتره بعيده اول ماتوصلين باريس احجزي لان في قطارات كثيره يوميا رايحه بس سؤال شنو يهمج برحله القطار اكثر الوصول اسرع او عدد مرات تغيير القطار لان الرحلات الي تطلع من باريس الى بروج في خطين لهم الخط الاول : تبديل قطار واحد ويوصل في 3 ساعات و 56 دقيقه الخط الثاني : عن طريق ليل الفرنسيه وفيها تبديل قطارين و الوصول في 3 ساعات و 11 دقيقه يعني تبديل قطار واحد يتأخر اكثر لان يروح بروكسل فقط وبعدها بروج اما الثاني يبدل قطارين بس يوصل اسرع لانه يروح شمال بأتجاه بروج يعني تبديل قطارين توصلين اسرع بفرق تقريبا ساعه الا ربع لج الخير |
رد: Paris Pass & Paris Combo Pass يا هلا أخوي qa6ar911 صباح النـور بخصوص روحتي انا بكون ساكنه في ديزني لاند مثل ما ذكرت قبل وبروح لباريس وبرجع بالمترو بس مو عارفة ارتب الجدول هل اقضي اول يومين اخليهم في دزني واليومين الي عقب باريس والاخير يكون الأوت لت والقطار لبروج أو أغير؟ لانه وصولنا بيكون يوم الأحد واتوقع اجازة عندهم شوي ملخبطة في ترتيب الرحله للـ 5 أيام وشنو اخلي فيهم :(58): وبخصوص القطار أفضل الأسرع بس الاغراض احس صعبة سالفة كل ساعة نبدل القطار :(57): |
رد: Paris Pass & Paris Combo Pass لاتشيلين هم اختي ههههههه خمس دقايق وراجع لج بريحج من الموضوع كامل ان شاء الله |
رد: Paris Pass & Paris Combo Pass اختي مافي داعي تروحين من باريس الى دزني وترجعين مره ثانيه باريس الوصول باريس يوم الاحد 26-4-2015 المده 3 ليالي يوم الاربعاء التاريخ 29 - 4- 2015 الذهاب الى دزني لاند المده يومين يوم في ملاهي دزني واليوم الثاني الفتره الصباحيه في المجمع و الاوت لت والفتره المسائيه ملاهي دزني يوم الجمعه 1-5-2015 الذهاب من دزني لاند الى بروج البلجيكيه من محطه MARNE LA VALLEE CHES جنب ملاهي دزني :202: ههههه نفس المسافه تقريبا سواء طلعتي من باريس او دزني لاند الى بروج مافي فرق الميزه : توفير وقت وجهد العوده الى باريس مره ثانيه وتوفير مبلغ العوده و ايضا ماراح يصادفج يوم الاحد في دزني لاند اشرايج اختي ؟؟ |
رد: Paris Pass & Paris Combo Pass أممم انا المشكلة كملت حجز الفندق الي في ديزني ودفعت له عن طريق مكتب سياحي تتوقع بيكون احسن اني اغير ولا في طريقة ثانية؟ |
رد: Paris Pass & Paris Combo Pass اقتباس:
انا اشوف الجدول الي عطيتج انسب شي لج لا مافي حل ثاني الا ترجعين باريس ومن باريس الى بروج بس متعب اكثر كلمي المكتب السياحي اذا ممكن يغير لج الحجوزات اذا ممكن غيريها الى التواريخ الي عطيتج اياها ان شاء الله راح تكون انسب لج كثير وخبريني بعد ماتكلمين المكتب شنو شنو صار معاج عشان نشوف لج حلول |
رد: Paris Pass & Paris Combo Pass انا قاعدة افكر بما إني بسكن في ديزني يوم الأحد بوصل العصر لانه فبيكون ضايع اساسا فباخذ جوله استطلاعية في المكان يوم الأثنين من الصبح بروح بالمترو لباريس بروح : - برج ايفيل - جوله في نهر السين - جوله عامة وسريعة للاماكن السياحية بالباص الاحمر المفتوح. وعقبها ارجع لديزني للمبيت يوم الثلاثة اروح بالمترو باريس واخذ الرير الأصفر وأروح لقصر فرساي وبعدين اجوف بعد شي خفيف في باريس وانا راجعة لديزني يوم الأربعة والخميس اخليها نفس ما تفضلت ان للألعاب في ديزني والأوت لت الجمعة انا طالعة من ديزني لبروج رايك بالشي؟:(57): |
رد: Paris Pass & Paris Combo Pass اقتباس:
انتي فنااااانه ايوه هذا الترتيب الصح كلمي المكتب اذا يغير لج الحجوزات صدقيني انا اشوفه احسن ترتيب |
رد: Paris Pass & Paris Combo Pass بس تمام :D شي أخير حجوزات برج ايفيل وقصر فرساي يفضل احجزها من احين ولا لما اروح هناك؟:(57): ومشكووور وااايد تعبتك ويااي :yolks00720: |
رد: Paris Pass & Paris Combo Pass شغله مهمه تأكدي منها هو القطار الى بروج الي اعرفه انه قطارات Thalys ما تنطلق من ديزني الى بروج |
رد: Paris Pass & Paris Combo Pass اقتباس:
انا بعطيج رابط تحجزين منه التذاكر العصر مع رابط وتوضيح حجز دزني لاند ولاتحجزين من الحين يعني قبلها بعشر ايام على اساس لو في تغيير او شي |
رد: Paris Pass & Paris Combo Pass يعطيج العافيه اختي ام ريم على الملاحظه اي خلاص تحجز على TGV - sncf |
رد: Paris Pass & Paris Combo Pass اقتباس:
دايم زحمه وطوابير فرساي امره سهل بس ما يمنع تحجزون قبل و تريحون عمركم |
رد: Paris Pass & Paris Combo Pass اقتباس:
الحجز المبكر (قبل اسبوعين أو أكثر) أفضل دائماً، لاختيار الأوقات المناسبة لكم، ولوجود عروض توفير أحياناً. هناك الكثير من الشركات السياحية التي توفر ميزة الحجز المسبق سواءاً لموقع واحد أو لمجموعة من المواقع بباقات مختلفة، ومنها: Paris Pass Easy Tour Paris City Vision |
رد: Paris Pass & Paris Combo Pass باريس فيجن غالي شويه افضل دوما من موقع الحجز Paris Tours & Things to Do in Paris | Viator.com ايفل احجزيه قبل كل شيء وعلي ضوئه رتبي جدولك الا اذا مو مهم تصعدون وودكم بس بحديقته وتشوفونه من تحت |
رد: Paris Pass & Paris Combo Pass :yolks00310: مشكورين واااايد ,, ما قصورتوا جميعـا |
رد: Paris Pass & Paris Combo Pass سفره سعيده :(114): |
رد: Paris Pass & Paris Combo Pass رجاءا اخوانى الاعضاء ومشرفين اى حدا عندة تجربة قريبة فى اوربا وخاصة باريس (بعد الاحداث )سواء من الاخوة المسافريين او المقيمين يفيدنا بالوضع الامنى تفصيلى خاصة لو بالنقاب او اللحية :yolks00220: |
رد: Paris Pass & Paris Combo Pass اقتباس:
العفووووووو اختي بالتوفيق ان شاء الله تروحون وترجعون بالسلامه ان شاء الله و أي استفسار اكيد ام ريم وانا وباقي الاخوان ماراح نقصر سفره سعيده |
| الساعة الآن 11:55 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO