|
معايا خطوة بخطوة السلام عليكم كيفكم ان شاء الله تمام انا حجزت الطيران وكل شي باقي الفنادق بعطيكم اسماء فنادق واعطوني رايكم فنادق دزني باريس 1- رديسون بلو دزني 2- ماجك سيركل دزني 3- ماجك سويت دزني بجلس يومين في دزني و يوم في باريس ايش رايكم في فندق فندق حياة ريجنسي فندق ميرديان لو فندق بلومان وباقي الايام اسبانيا ويعطيكم العافيه يارب واخر استفسار :( احنا عائله عددنا 6 ماشاء الله وحابه التنقل يكون بسياره مع سايق وابغا احجز السواق من هنا ماظمن اذا رحت هناك احصل فياليت لو تعرفون سواقين ثقه وتقولون لي الاسعار . |
وعليكم السلام ورحمه الله وبركاته صراحه بما أنكم يومين في ديزني كملوها لليوم الثالث ليش تشيلون الشنط وترجعون لباريس علشان يوم وجهة نظري ما ادري عن فنادق ديزني لكن فندق ماجيك سيركل يمدحونه السواقين للأسف ما أعرف لكن ممكن تقرير الأخ يفيدك http://www.arabtrvl.com/vb/t12080.html |
شوفي الماريوت في ديزني عندهم نظام فلل تناسب عددكم http://www.booking.com/hotel/fr/marr...tml?activeTab= دام انها ايام فقط فالافضل تكون في فندق واحد ما يسوى التنقل fanda@arabtrvl |
هلا اخواني طيب ايش تقترحون علي الافضل من ناحيه الامان باذن الله وثانيا احنا اولا بنوصل باريس الساعه وحده ظهرا بنروح على باريس الشانز واليوم الثاني الظهر نروح على ذزني والسوال الثالت كيف اتنقل مره خايفه من هذي الناحيه اخاف مانلقي تكسي يكفينا وشناطنا في المطار |
نورتي ام ريم ما دام أم ريم هنا مالي كلام |
طيب ايش تقترحون علي فندق يكون زين ودرجه الامان فيه باذن الله عاليه والشي الثاني احنا مانحب نركب المواصلات العامه تعب نبغي سياره بسواق هل نلاقي تكسي في المطار سياره عائليه والا كلها سيارات صغيره؟ وبما اننا نبغي سياره بسواق كيف احصل عليه هل فيه مكاتب سياحيه هناك توفره وبكم |
مساء الخير اذا وقفتي في انتظار التاكسي علي عددكم يوفر لكم تاكسي هذا المعتاد الفنادق أمان بإذن الله لك خيار يا أنه كل أيامك باريس تصير أو كلها ديزني التنقل بين باريس وديزني الرير سهل ولا فيه أي مشكله اذا سكنتي ديزني كل الايام وناويه المطار ممكن من مواقع يأمنون لكم تاكسي أو الفندق يأمن لكم يعني الأمر سهل مش بالصعوبه اللي أتصور حاسه فيها |
مشكور اخوي فيصل بس ايش الرير خلاص الحين انحلت طريقه المواصلات الحمدلله باقي اشياء ثانيه اولا بخصوص الفلوس احنا نبغي نحدد بمبلغ للتماشي ومبلغ للشوبنق ايش افضل طريقه هل اخلي مبلغ الشوبنق في بطاقه الفيزا من هنا ولما اتسوق استخدمها هناك؟؟؟وهل ياخدون عليها رسوم في السحب؟ السوال الثاني بخصوص المصروف اليومي نصرفه من نفس البطاقه حقتنا حقت السحب مثلا الف او الفين اللي هي بطاقه اللى نصرف منها الراتب احنا بطاقتنا الراجحي ؟؟؟ وهل فيه صرافات بالشانز؟ ثالثا فيه موضوع مرعبني جدا صاحب المكتب يقول انتبهو من الفنادق لان السفتى بوكس غير امن وممن يسرقونا ويجحدون علشان كدا قلت الله يعنننا اسوى جيب مخفي في الجاكيت نحط فيه الجوزات والبطاقه وسمعت كمان باريس مليانه سرقات الله يحمينا احنا صار لنا موقف باسطنبول مررررعب ونزلته هنا في المنتدى علشان كدا صار عندنا فوبيا بالله الله يستر علينا ويحمينا |
بخصوص الفلوس احنا نبغي نحدد بمبلغ للتماشي ومبلغ للشوبنق ايش افضل طريقه هل اخلي مبلغ الشوبنق في بطاقه الفيزا من هنا ولما اتسوق استخدمها هناك؟؟؟وهل ياخدون عليها رسوم في السحب؟ دائما الأكل والمشتريات من الفيزا اذا رحلتي لحالي اذا معي ناس أستخدم فيزا للأكل والمصروفات وفيزا خاصه فيني للمشتريات مافيه أي رسوم ألا علي السحب النقدي السوال الثاني بخصوص المصروف اليومي نصرفه من نفس البطاقه حقتنا حقت السحب مثلا الف او الفين اللي هي بطاقه اللى نصرف منها الراتب احنا بطاقتنا الراجحي ؟؟؟ ايه حلو كذا ما فيه أي مشكله وهل فيه صرافات بالشانز؟ فيه صرافات ثالثا فيه موضوع مرعبني جدا صاحب المكتب يقول انتبهو من الفنادق لان السفتى بوكس غير امن وممن يسرقونا ويجحدون علشان كدا قلت الله يعنننا اسوى جيب مخفي في الجاكيت نحط فيه الجوزات والبطاقه وسمعت كمان باريس مليانه سرقات الله يحمينا احنا صار لنا موقف باسطنبول مررررعب ونزلته هنا في المنتدى علشان كدا صار عندنا فوبيا بالله الله يستر علينا ويحمينا الحافط الله وأحرصوا علي أذكاركم اللي بيسافر ويكشخ وذهب وساعه ماركه ..... زي الي يقول يا ناس تعالوا اسرقوني السيفتي بوكس ما فيه مشاكل بأي فندق ولم نسمع عن سرقات بالفنادق مثل ما ذكرتي فيه حركات للسرقه مثلا الازدحام بالمترو أو حركات النصب ومذكوره بالمنتدي بالصفحه العامه يعني يحذف شيء قدامكم خاتم ويقول هذا لكم ........ طنش تعش وانتبهو من المترو عند الزحمه ولا أحد يتغافلكم حركتهم سريعه وهم بنات مراهقات أغلبهم |
اذا متخوفه انه المطار ما راح تلقي تاكسي على عددكم ممكن تحجزي من هذا الموقع http://www.arabtrvl.com/vb/t2828.html الصرف اغلب المبلغ يكون في البطاقة الكاش احملوا مبلغ بسيط والأفضل يكون عندكم بطاقتين حتى لو صار خلل في بطاقة او ضاعت يكون عندكم البديل الفنادق أمان باذن الله اختاروا فندق صح ومافي خوف ابدا لا تفكرين تحملين الجوازات معاكم |
مشكورين كفيتو ووفيتو الله يوفقكم ويجعله في ميزان حسناتكم بس ليش تحذرنا ناخذ جوازاتنا معانا والله احترنا راعي المكتب حذرنا من السفتى بوكس وانت تحذر ايش الحل والله انى قلقانه الله يغرجها |
نحذرك ما تأخذين الجوازات معاكم خليها بالسوفتي بوكس |
طيب اخوي فيصل بس احنا اليوم الاول بنوصل الظهر ونسكن بباريس ونتمشي واليوم الثاني بناخذ اغراضنا ونطلع من الفندق الصباح ونتمشي الين الساعه وحده ظهر وبعدين نحرك على ذزني نجلس يومين ان شالله طيب اكيد جوازتنا حتكون معانا لما نطلع؟؟؟ والا نكنسل التمشي ونروح طوالي ذزني؟؟ |
عطيني ايامك بالتفصيل متي اول يوم توصلون يعني السبت او الاحد وهكذا وحجزكم متي باريس وديزني |
وعليكم السلام اختي وردة مكة من الأحسن كما قال الإخوة الباسبورات تكون عندكم ممكن تكون في بعض الأحيان دوريات للأمن اشتري واحد مثل هذا وضعيهم فيه http://www.shoptraveldoctor.com/cata...uch_deuter.jpg http://travelsafephilippines.com/wp-...1gJXtVikEL.jpg http://image.rakuten.co.jp/metrotrip...ea-1700154.jpg احذرو في المتر من الغجريات من الذكور والإنات فهم السارقون وحتى عربنا الله يهديهم فقط تجنبوا اماكن الزاحمة المتروا والقطارات والميكروباص للتنبيه الظلام يحل باكرا هذاه الأيام في باريس من الخامسة مساءا 17h00 أما بخصوص التاكسي فهم موجودون بكثرة كبير صغير ويدعموا الفيزا كارت ******************** وبالتوفيق |
الحين حيرتوني ناس تقول خليها في السفتي بوكس وناس تقول خذيها معاكي ايش الحل؟؟؟ اما بخصوص المترو والمواصلات العامه ان شالله مانحتاجها لاننا اتفقنا مع سايق هناك اما بخصوص الايام بنوصل الخميس 7 يناير الساعه 1ظهرا وبنروح على الشانز واليوم الثاني الصباح نسوى الشيك اوت ونروح على ذزني بحفظ الله يارب |
عزيزتي الجوازات جدا خطر انك تتمشي فيهم من مكان لمكان هذي مستندات رسمية انك تحملينهم معاج في جيب الجاكيت مب أمان ممكن تفصخين الجاكيت وتنسينه في اي مكان لانه الاماكن المغلقه كلها مدفيه وما راح تحتاجين تلبسون الجاكيت اول ما توصلون باريس مباشرة الفندق وتسجيل دخول ارتاحوا شوي خلي أغراضكم المهمه والي ما تحتاجينها في السيفتي بوكس وابدو رحلتكم يوم ثاني عندكم نص النهار الين موعد الجك أوت الي ما راح يكون قبل ١٢ تردون الفندق تاخذون أغراضكم وتشيلون الأشياء الي في السيفتي بوكس وعلى ديزني |
مشكورة اختي فندا الله يريحك خططتى لنا صح وريحتيني باقي اخر سوالين واقفل موضوعي على خير ان شالله احنا بغينا ناخذ بعض الشكلاتات والخفايف مثل جبن وشابورة اشياء بسيطه لان رحلتنا مقتصده وباخذ عسل وزيت زيتون هل يدخلونها والا يرمونها وكيف العسل وزيت الزيتون يدخلونه والا ممنوع والسوال الثاني المطاعم اللي مكتوب عليها حلال حلال صح والا كدب اسفه طولت عليكم ومره مستحيه بس لكم من الدعاء الله يوفقكم |
عادي اذا كانت الكمية معقوله وللاستخدام الشخصي المعلبات اهم شي تكون مغلقة وتاريخ الصلاحية واضح عليها السوائل ما تكون في شنط اليد يطبق عليها قانون السوائل |
يعنى لو اخلي العسل علبه صغيرة وزيت زيتون في شنطه الملابس عادي والا في شنطه اليد؟؟ وهل صحيح يحللونها؟ وبخصوص الادويه انا استخدم علاج للاكتئاب كرتون واحد يدخلونه والا يسون عليه فلم |
الادويه يدخلونها وفي بعض الاحيان يحتاجون تقارير للمرض وهذا قليل في شنطه اليد ممنوعه اذا بتطلعي من باريس لكن ربعنا بالسعوديه يسمحن بدخول أي كميه بشنطه اليد بالأخير يفضل أنها تكون بشنطه الملابس بس أشتري عسل من هناك أفضل من هنا وكذلك الزيت لكن أتوقع أنه مقري فيه من حرصك عليه عسي الله يسعدكم أختي أسالي وثقي أن ام ريم ما راح تتضايق من أسئلتك عهدنا عنها حبها لفائده الآخرين الله يجزاها خير ويوفقها |
الله يوفقك اخوي فيصل ماقصرت وانت صادق الزيت مقري فيه ماقدر اتركه بس انت ايش عرفك هههههه وانا باخذ كميه صغيره واحطها بعلبه كريم حق الشعر وبحطها بشنطه الملابس اما الحبوب بخلي الدكتور يعطيني روشته ويكتب عليها وباخذها بشنطه اليد |
كذا تمام وفي السليم بخصوص المطاعم الحلال فالأغلب يحط شهادة المركز الاسلامي انه الذبح حلال بس لا يمنع تسالي بعد لزيادة الحرص صار لي موقف بميونخ مطعم مكتوب حلال وانه بالعاده اذا شفت حلال اطمن واكل ما ادري ليش هالمطعم بالذات سالت قال لي اللحم حلال بس الدجاج لا اختي اسألي الي تبين واحنا كلنا في الخدمة لا تسافرين الا وانتي مطمنه ومرتبه امورج كامل ان شاء الله |
الله يسعدكم ويوفقكم باقي اخر سوال واختم موزوعي على خير ان شالله سمعت فيه تذاكر ذزني في اي بي مايحتاج الواحد يجلس في السرا والزحمه من فين اخذها وكم سعرها وكم سعر العاديه ومن فين اشتري التذاكر |
تذاكر ديزني تقدرين تشترينها اون لاين من موقعهم وتقدرين تشترينها من البارك نفسها اذا وصلتوا او فندق ديزني الي بتسكنونه وبعد تقدرين تشترينها من ديزني ستور الي في الشانز بخصوص مسكة السرا ففي خدمة في ديزني اسمها فاست باس هذي تلقينها في بعض الالعاب الي يكون عليها إقبال كبير هالخدمة تعطيج وقت محدد عشان تدخلين اللعبه بدون ما تنطرون والخدمه مجانيه |
علي ما ذكرت مشرفتنا ما عمري سمعت عن تذاكر VIP في فرنسا ممن في امريكا أو دوله أخري |
مشكورين جزاكم الله خير |
رحلة سعيدة ان شاء الله |
| الساعة الآن 12:18 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO