السلام عليكم ورحمة الله وبركاته
من عادتي اني اذا نويت اسافر اشوف المكان اللي بسكن فيه بقوقل ماب وقربه من المواصلات العامه اذا ماراح استأجر سيارة .. قوقل ماب نفع معي ببريطانيا وجنيف 10/10 بس بباريس من قبل السفر وهو قافل وموب حاب باريس ابد وملخبط من ناحية المواصلات العامة ... بحثت بالمتجر ولقيت كذا تطبيق بس فيه تطبيق اعتقد رسمي من هيئة المواصلات والطرق بباريس ( الاسم من راسي ترا :e52c: ) ولقيت خبيرنا الاوربي الكبير ابو سعد يثني عليه ( هو راسه قوقل ماب ماشاء الله مدري وش يبي به :29: ) .
ماراح اتكلم عن ميترو لندن وبالمناسبة كلمة ميترو فرنسية داخله ع الانجليزية لذلك البريطانيين يسمونه اندر قراوند .. المهم الميترو تكلمت عنه الاخت fanda مشرفة فرنسا بشرح كامل ومفصل وما اضن احد بيشرح افضل من هذا الشرح والوصف الموجود هنا
http://www.arabtrvl.com/vb/t1435.html

ومن باب المشاركة ليس الا والا فمن انا امام قامات اوربا وهاماتها هنا اضع هذا الشرح الموجوز لهذا البرنامج RATP وهذا هو اسمه بمتجر قوقل واعتقد بمتجر ابل وهذا الموقع الرسمي ratp.fr - Accueil

فاقول مستعينا بالله ثم مستميحكم العذر من الخطأ والنسيان مؤملا التصحيح منكم والتوجيه ...

خاب ظني هذه المرة بـ الرفيق الموالي والصديق الصدوق والسند بعد الله في الغربة في معرفة راسي من رجلي (( قوقل ماب )) والذي خطط ضدي هذه المره ولسان حاله يقول ( جرب غيري تعرف قديري ) يوم استعملت برنامج سايجك ( النكبة ) للقيادة ... بس اقول له جربنا غيرك وطلع ازين منك بباريس :29:

المهم اليوم فاضي وكني عجوز بالمشراق بس هذره ع الفاضي واليان ...

حملوا البرنامج باجهزتكم وطبعا لازم يكون متوفر معكم نت واذا وصلتوا باريس بالسلامة وشغلتوا النت باجهزتكم شغلوا قوقل ماب وشوفوا مكانكم وبيطلع لكم محطات الميتروا القريبه منكم طبعا اذا ماكنت تعرف اسم المحطه وممكن قوقل ماب يوصلك لها اذا اخترت انه يوصلك لها مشي ..

http://www.arabtrvl.com/up/uploads/a...5704601594.jpg

http://www.arabtrvl.com/up/uploads/a...5704601635.jpg

هذا اسم المحطه انسخوه

http://www.arabtrvl.com/up/uploads/a...5704601666.jpg

بعدين نشغل برنامج المترو

http://www.arabtrvl.com/up/uploads/a...5704601481.jpg

الخانة الاولى نلصق فيه اسم المحطه اللي بنطلع منها او نكتبه والخانه الثانيه نحط اسم المحطه اللي بنروح لها .
مثل ودي اطلع لبرج ايفل وانا مااعرف اسماء المحطات ( هذا موضوع للاخ المسافر باسماء المحطات ومالعالم )
http://www.arabtrvl.com/vb/t9921.html

او بروح للاوتيل او الشقه .. المهم اقدر اسوي بحث بقول عن برج ايفل مثلا واذا طلع اشوف اقرب محطه مترو واختارها واخذ اسمها واحطه بالخانه الثانية بالبرنامج ونضغ بحث ( الزر اللي تحت يمين نسيت احط عليه علامه )

بيطلع لنا كذا :

http://www.arabtrvl.com/up/uploads/a...5704601553.jpg

نشوف الوقت اللي بنستغرقة بالمشوار وكم تبديل معنا وكم محطه بنمر عليها بالطريق ...
يطلع لك اول شي الخط اللي بتروح معه ولونه ..
مثلا هنا بطلع من محطه بير حكيم وبروح مع الخط رقم 6 ولونه اخضر باتجاه grenelle وننتبه لموضوع الاتجاه لان الخط له اتجاهين وعشان ماتركب الاتجاه المعاكس لوجهتك ينكتب باللوحات داخل المترو رقم الخط داخل دائرة بلونه وتحته يكتب اتجاه الخط ثم يكتب ايضا اسماء المحطات اللي بيمر عليها ومن ضمنها محطتك اللي بتنزل فيها للوصول او للتبديل بخط اخر ...

نشوف عندنا فوق في الصورة انه لازم ننزل عند محطة شارل ديغول ايتوليت عشان نتوجه للخط الازرق ورقمه طبعا 2 ويكون المتجه الى nation وننزل بالمحطة المذكورة تحت ( معليش متغطيه هنا :19: ) ...

ايضا البرنامج يحفظ المحطات اللي مريت عليها ومايحتاج ترجع تكتبها من جديد

http://www.arabtrvl.com/up/uploads/a...5704601522.jpg

البرنامج حلو وسهل وفيه خيارات كثيرة مثل عرض خريطة المترو بدقه عالية ويوضح لك الزونات ( في القطار ) اللي يسمونه الرير تلقى على الباب اسماء المحطات ومقسمه حسب الزون ...


كل عربات المترو فوق الباب من الداخل موجود مسار الخط والمحطات اللي يمر عليها ... بعضها جديد ويكون اسم المحطه مضاء ( عليه لمبه :40: ) وبعضها فيه شاشه تشوف اسم المحطه اللي بتوصلها والبعض عاد قديم لازم تشوف اسم المحطه برا اذا وصلتها وتعرف كم بقيي على محطتك ....

اتمنى اني مااكون ثقلت عليكم وطولت ... او اني صعبت السهل ... او اني فسرت الماء بعد الجهد بالماء :26:...
اتمنى لكم رحله سعيدة موفقه هانئة بحول الله وقوته ...

المشاركة الأصلية كتبت بواسطة فيصل (المشاركة 202322) وعليكم السلام ورحمه الله وبركاته بارك الله فيك ابوعبدالله وأنت من قامات أوربا

المشاركة الأصلية كتبت بواسطة Prince Kytu (المشاركة 202354) وعليكم السلام ورحمة الله وبركاته يعطيك العافية على الموضوع المفيد بالنسبة لخرائط قوقل فهي تختلف من دولة لأخرى لأن مزودين قوقل في الدولة أو المدينة هم المسئولين عن تزويد قوقل بالبيانات في الخرائط فخرائط قوقل في باريس تحتاج للتحديث من قبل المسئولين وبالنسبة للبرنامج فهو مفيد وجميل ويوجد تطبيق آخر أيضاً اسمه Paris metro subway guide للتحميل (هنا) وأعتقد بأنهم بنفس المستوى بارك الله فيك وشكراً لك

المشاركة الأصلية كتبت بواسطة fanda (المشاركة 202364) وعليكم السلام ورحمة الله شكرًا لك ابو عبد الله عالشرح الوافي

المشاركة الأصلية كتبت بواسطة Prince Kytu (المشاركة 202477) اي جربته وكان ممتاز وتقدر تحفظ المسارات مثال: https://lh4.ggpht.com/u-5VMaIBQi_7ki...KcCqCb9K8=h900 تكون محطة الإنطلاقة من Montparnasse - Bienvenüe إلى محطة الوصول La Défense ثم تضغط علامة النجمة لتحفظها كي لا تنسى اسم المحطات

المشاركة الأصلية كتبت بواسطة آخـــرفـــرصـــة (المشاركة 202478) يسعد مساك أبو عبدالله شرح رائع ما شاء الله الله يسعدك

المشاركة الأصلية كتبت بواسطة الجوكر (المشاركة 202682) وعليكم السلام ورحمة الله بارك الله فيك ويعطيك العافيه

المشاركة الأصلية كتبت بواسطة أبن السلطنة (المشاركة 203952) بارك الله فيك ابوعبدالله ماشاءالله عليك مبدع

المشاركة الأصلية كتبت بواسطة 3shooq88 (المشاركة 416437) تسسلم على التغطيه